SIEMCHILBU 28

Jakob Bethel a atunna

1Tualeh Isaak in Jakob ahan a, a guolzawl a tualeh thu apie a, a kungah, “Kanaan gam nungah zi a na nei vawt lou ding ahi.’ 2‘Thou inlen Padan-Aram ah na nu pa Bethuel inn ah vapei inlen, tuana kipat in na nu sanggampa Laban tanute lah a mi zi in vanei in.’ 3‘Tualeh bangkimbawlthei Pasian in hing guolzawl henlen, nam tuomtuom tampi na hing hithei na dingin chi tampi hing suongsah henlen, hing pungsah tahen.’ 4#Siem. 17.4-8‘Tualeh mikhuol na hina gam, Pasian in Abraham kunga apiehna na luo theina dingin, Abraham guolzawlna khu nang leh na hah nasuonte kungah hing peta heh,” achi hi. 5Tuachi’n Isaak in Jakob asawl kheta a, tualeh ama Jakob leh Esau nu Rebekah sanggampa Siria mi Bethuel tapa Laban kungah Padan-Aram ah apeita hi.

Esau in zi dang anei

6Esau in, Isaak in Jakob a guolzawla, zi nei dingin Padan-Aram ah a sawlta chileh a guolzawl laia. Kanaan gam nungahte lah a mi zi in na neiding ahisih chi in thu apie chileh, 7Jakob in anu leh apa thu mangin Padan-Aram ah apeita chi athei hi. 8Tualeh Esau in Kanaan gam nungahten apa alungkimsah sih chi athei a, 9Tuachi’n Esau Ishmael kungah ava pei a, a zi neisate ban ah neibe dingin Abraham tapa Ishmael tanu Mahalath, Nebajoth sanggamnu zi in ava neita hi.

10Tualeh Jakob Beersheba apat apeidoh a, Haran azuonta hi. 11Tualeh munkhat ah ahing tungta a, ni atumtah ziehin khum mun ah agiehta hi; tuanah suong khat ala a, taangkhap in anei a, tua nah i’mu dingin alumta hi. 12#Jn. 1.51Tuachi’n mang anei a, ngaivawi, leitungah kellei ahing kidaw a, a dawnin van asu a, tualeh Pasian vansawlsiengte katou leh kumsuh amu hi. 13#Siem. 13.14,15Tualeh ngaivawi, Mangpa adawn vum ah a dinga, “Kei Mangpa na pu Abraham Pasian leh Isaak Pasian ka hi; na lupna gam khu nang leh nahah nasuonte kungah ka hing peding hi.’ 14#Siem. 12.3; 22.18‘Tualeh na hah nasuonte khu leia leivui za hivanin, tumlam ah bang, suolam ah bang, mallamte ah bang, tualeh simlamte ah na kithezah dinga, nang leh nahah nasuonte ah leitunga nam zousie guolzawlin umva uh.’ 15Tualeh ngaivawi, hing umpi vangin, na peina phot ah hing veng vangin, tam gam ah hing puikia vangin; na kunga ka gen ka bawl zou masang sie’n ka hing nuasie sih ding hi.”

16Tualeh, Jakob imu ahing khanglou a, achientah in, “Tami munah Mangpa a um hi; chi ken kana theilou ahi” achi hi. 17Tuachi’n azauta a, “Tam mun zauhuoi gimnei hina va-ia e, tami pen mun dang hilou in, Pasian inn ana hi a, tualeh tam mun pen van kotpi ahi,” achi hi.

18Tuachi’n, Jakob zingmawng matahin athou a, a suong taangkhap ala a, khum mun ah aphut a, a tungah sathau abuohta hi. 19Tualeh khum mun min dingin Bethel#Bethel: Beth: Inn, El: Pasian. Bethel: Pasian Inn china or Pasian tenna or Pasian umna achita hi. Hinanleh khum khopi min achiil in Luz ana kichi hi.’ 20‘Tualeh Jakob in thu achiem a, “Pasian ka kungah aum a, ka peina lampi ah ahing venga, tualeh neh ding tanghou leh sil ding puon ahing pieh.’ 21‘Tuachia ka pa inn a hamuongtah a ka tunkia nahleh Mangpa pen ka Pasian ahi ding hi.’ 22‘Tualeh tam suong, suongphu dinga ka phu zong Pasian inn ahi ding a; tualeh ka kunga na hing pieh ding zousie ah sawm a khat ka hing pe ngei ngei ding hi” achi hi.

Currently Selected:

SIEMCHILBU 28: ZOUBSI

Highlight

Copy