SIEMCHILBU 25

Abraham in Keturah akitenpi

1Abraham in zi dang khat anei kia a, amin Keturah ahi. 2Tualeh amanu’n Zimran, Jokshan, Medan, Midian Ishbak leh Shuah ahinpieh hi. 3Tualeh Jokshan in Sheba leh Dedan ahing a, tualeh Dedan tapate Ashurim leh Letushim leh Leummim ahi uhi. 4Tualeh Midian tapate Ephah, Epher, Hanok, Abidah leh Eldaah ahi uhi, tamte a unpi un Keturah tate ahi uhi.

5Tualeh Abraham in anei zousie Isaak kungah apeta hi. 6Hinanleh ameinu tapate kungah Abraham in silpiehte apie a, ama dam laiin atapa Isaak kunga kipat suolam gam ah asawlmang ta hi.

7Tualeh Abraham damsung kum za leh kum sawmsagi leh nga ahi. 8Tuachi’n Abraham kum tamtah a dama, vuoikawn vawt in a hagau aha a, ateh shita hi. Tualeh a chipite toh pui in aumta hi. 9Tualeh atapate Isaak leh Ishmael in, ama Mamre mazawn a um Hitmi Zohar tapa, Ephron lou a um Makpelah kokhuh ah avuita uhi. 10#Siem. 23.3-16Tua lou pen Abraham in Heth tate kunga kipata alei ahia, tuanah Abraham leh a zi Sarah akivui ta uhi. 11Tua zouin tambang ahing hi a, Abraham shi nuain, Pasian in a tapa Isaak aguolzawl a; Tualeh Isaak Beer-la-hai Roi ah a teng ta hi.

12Tu’n tamte Abraham ading a Sarah suohnu Izipt mi Hagar in ahinpieh Abraham tapa Ishmael hahlesuonte khanggui ahi. 13Tualeh tamte amin chiet u’leh ahah asuonte uh dungzuiin, Ishmael tate min ahi. Ishmael tapa masapen Nebajoth ahia, abanah Kedar, Adbeel leh Mibsam. 14Mishma, Dumah leh Massa, 15Hadar, Tema, Jetur, Nephish, Kedemah ahi uhi. 16Tamte Ishmael tapate ahi uhi, atenna khuo u’leh agiehbuh uh dungzui a amin uh kigiel ahia, anam uh dungzuiin leeng sawm leh ni ahi uhi. 17Tualeh Ishmael dam sung kum za leh kum sawm leh sagi ahia, tuachiin a hagau aha a, ashita hi. Achipite kungah pui in aumta hi. 18Tualeh ahahlesuonte Havilah gam akipat in Assiria zotna Izipt gam suolam toh kigaldot Shur dongin ateng ua, ama pen a unaute mitmu in ashita hi.

19Tualeh tamte Abraham tapa Isaak tapate Jakob leh Isau tate khanggui ahi. Abraham in Isaak ahing a. 20Isaak pen Siria mi Laban sanggamnu, Padan-Aram gam a Siriami Bethuel tanu Rebekah zi a anei laiin Kum sawmli mi ahia; 21Tualeh a zi achiin ziehin Isak in a zi a dingin Mangpa kungah a ngetpieh a, a ngetna khu Mangpa’n a ngaikhiet pieh a, tuachiin Rebekah ahing gaita hi. 22Hinanleh anau paite asungah akisuol ua, tuachiin amanu’n “Tambang giap ding ahi leh kahin bang e aphatuom?” achia, tuachi’n Mangpa dong dingin akuonta hi.

23 # Rom. 9.12 Tualeh Mangpa’n a kungah, “Nasung ah Nampi ni aum a, nagil sunga kipat in nam ni kikhen vanin, nam khat pen adang khat pen sangin hatzaw vanin, a upa penin a naupang zawpa na asem ding hi,” achi hi. 24Tuachi’n anau nei hun ahing tunin, ngaivawi, a sunga nau apeng ana hi a. 25Tuachi’n amasapen asanin asan a, puonmul banga nel thiep thuop in ahing pienga, tuachiin amin dingin Esau#Isau: mulhau china, amindang khat Edom ahi. Santheuthou multhiepthuop aphuo uhi. 26Tuazouin anaupa ahing pienga, akhut in Esau ketul atu chinten a, tuachiin ama min Jakob ahisah uhi. Rebekah in amaute anei laiin Isaak kum sawmguh mi ahi.

27Tuachi’n naupangte ahing khang lien ua, Esau sabeng siem, gamvah mi ahia, Jakob pen mimawl puon inn a teng mi ahi. 28Tualeh Isaak in Sakhisa aneh zel ziehin Esau a it a, hinanleh Rebekah in Jakob a it zaw hi.

29Tualeh Jakob in Bechiim#Buchim: bechim zong aki chi a English in stew akichi a, Sa leh buchim kihuon khawm ahia sapawh zong chi thei ahi. Hebrew ham in “Nah zeed” akichi hi. ahuon a, Esau gamvah ahing tunga, a tha agim mama hi. 30Tuachi’n Esau in Jakob kungah, “Na bechim huon hing nesah in, ka basam gawpta hi” achia, tuaziehin ahi amin Edom akichina.

31Hinanleh Jakob in, “Tunin upa na hina hing leisah phot in” achi hi. 32Tualeh Esau in, “Ngaivawi, gilkiel a shi ding ka hita a, upa hina in kei a dingin bang phattuomna hing tun ding ahei?” achi hi.

33 # Heb. 12.16 Tuachi’n Jakob in, a kungah, “Tunin ka kungah kichiem in” achia, tuachiin akichiemta a, upa hina Jakob kungah azuata hi. 34Tuabepin Jakob in Esau kungah tanghou leh abuchiim apie a, tualeh aman ne in adawn a, akipeita hi. Tambangin Esau in upa hina amusit hi.

Currently Selected:

SIEMCHILBU 25: ZOUBSI

Highlight

Copy