PAWTDOHNA 6

Mosi ngetna Mangpa’n adawnna

1Tuachi’n Mangpa’n Mosi kungah, “Tuin Pharaoh kunga bang ahiei ka bawl ding; khut thahatna ziehin amaute ka peisah ding a, khut thahat in amau’te a gam akipat in ahawlkhe ding hi” achi hi. 2#Siem. 17.1; 28.3; 35.11; Pawt. 3.13-15Tualeh Pasian in Mosi ahoupi a, akungah, “Kei Mangpa ka hi”, achi hi. 3Abraham kungah Isaak kungah leh Jakob kungah bangkimbawlthei Pasian min in kana kilah ta a, hinanleh ka min JEHOVAH#Jehovah pen Hebru ham in YAWEH/YHWH ahi in akung uah thei ka hisih hi. 4Amaute kungah mikhuol ahina u’leh a khuolzinna gam uh Kanaan gam pe dingin amaute toh ka thuhun ka sudet ta hi.#hunsawtlou anatenna uh-Khuolzinna gam (Eng. in Pilgrimage) 5Tualeh Izipt miten hentatna kol abu sah uh Israel tate kaa leh mauna zong ka zata a, ka thuhun zong ka thei zing hi. 6Tuaziehin Israel tate kungah, kei Mangpa ka hi chi gen inlen, Iziptte puohgihna nuoi akipat ka hing puidoh dinga, ahing saltansahna ua kipat in ka hing suohtasah dinga, thukhenna thupitah toh banjahin ka hing tandoh ding hi. 7Ka mipite hi dingin ka hing la ding a, tualeh kei na Pasian uh ka hi ding; tuachi’n Izipte puohgihte nuoi a kipat hing hundohpa Mangpa na Pasian uh ka hi chi, na hing thei ding uhi. 8Tualeh Abraham, Isaak leh Jakob kunga, pieh dinga kana chiemsa gam sungah hing puilut vangin, tualeh na gouluo dingun hing pe vang. “Kei Mangpa khu ka hi”. 9Tuachi’n Mosi in Israel tate kungah tambangin thu agen tahi, hinanleh alungsim gentheina u’leh a koltanna uh gentheina ziehin Mosi thu gente angaikhe nuom sih uhi.

Pasian in Mosi asawl kiana

10Tualeh Mangpa’n Mosi kungah agen a, 11“Vapei inlen, Izipt leengpa Pharaoh kungah, Israel tate agam apat pawtdoh sah dingin va gen in,” a chi hi.

12Tualeh Mosi in Mangpa maiah, “Ngaiin, Israel tate’n ka thu angai khiet nuom loupi uh. Kei muh teptanlou#Nephu/Muhteptanlou-muhsienglou- (uncircumiroed) thugen siemlou china thugen bang chin Pharaoh in angai khe diei?” achi hi. 13Tuachi’n Mangpa’n Mosi leh Aaron ahoupi a, Izipt gam akipat Israeltate puidoh dingin thu ka hing peta chi, Israel tate leh Izipt leengpa Pharaoh kungah vahil un chin thu apie hi.

Mosi leh Aaron in Israel upate min agiel uh

14Tamte khu aphung upate uh ahi: Israel tamasapen Reuben tapate, Hanok, Pallu, Hezron leh Karmi tamte Reuben innkuonte ahi uhi.

15Tualeh Simeon tapate: Jemuel,#Jemuel-Numbers 26.12 na ah Nemuel chin akigiel hi. Jamin, Ohad Jachin, Zohar leh Kanaan numei tapa Shaul, tamte Simeon innkuonte ahi uhi. 16#Kisim. 3.17-20; 26.57,58; 1 Khang. 6.16-19Tualeh tamte akhang dungzui ua, Levi tapate min ahi uhi: Gershon, Kohath leh Merari: Tualeh Levi damsung kumte kum zakhat leh sawmthum leh sagi ahi. 17Gershon tapate Libni leh Shimi ahi uhi, ainnkuon dung zui un. 18Tualeh Kohath tapate; Amram, Izhar, Hebron leh Uzziel, tualeh Kohath damsung kumte, kum zakhat leh kum sawmthum leh kumthum ahi. 19Merari tapate: Mahali leh Musho tamte a khang uh dung zuiin Levi innkuonte ahi uh.

20Tualeh Amram in apa sanggamnu Jokebed ziin anei a, amanu’n Aaron leh Mosi ahinpieh hi. Tualeh Amram damsung kumte, kum zakhat leh kum sawmthum leh sagi ahi. 21Tualeh Izhar tapate, Korah, Nepheg leh Zikri ahi. 22Tualeh Uzziel tapate: Mishael, Elzaphan leh Zithri.

23Aaron in Amminadab tanu, Nahshon sanggamnu, Elisheba akitenpi a; tualeh amanu’n Nadab, Abihu, Eleazar leh Ithamar ahinpieh hi. 24Tualeh Korah tapate Assir, Elkanah leh Abiasaph: tamte Korah innkuonte ahi uhi. 25Aaron tapa Eleazar in Puttiel tanute khat ziin anei a tualeh amanu’n Phinehas ahinpieh hi, Akhangguidan dungzui un tamte Levi mite khanggui hing kipatna upate, ahi uhi.

26Tamte Mangpa’n Aaron leh Mosi kunga, “Israel tate apawl pawl in, Izipt gam a kipat in puidoh un” achite ahi uhi. 27Tamte khu Izipt Lengpa Pharaoh vahoupi a, Israel tate Izipt gam a pat a pawtdoh sah dinga thu vagente, tua mite khu Aaron leh Mosi ahi uhi.

28Tuachi’n hichi ahing hia, Izipt gam a Mosi kunga Mangpa’n thu agen niin; 29Mangpa’n “Kei Mangpa khu ka hi, na kunga ka gen zousie, Izipt leengpa Pharaoh kungah gen in” chi’n Mosi ahoupi hi 30Hinanleh Mosi in Mangpa masangah “Ngaiin kei muuh temtanlou neimi ka hia, bangchin Pharaoh in ka thugen angaikhe diei?” a chi hi.

Currently Selected:

PAWTDOHNA 6: ZOUBSI

Highlight

Copy