PAWTDOHNA 20

Thu sawm pieh

1Tualeh Mangpa’n hichiin tam thute zousie agen hi. 2“Kei Mangpa na Pasian, Izipt gam a na hentatna inn ua kipat a hing puidoh pa ka hi.

3Keima loungal pasien dang mawngmawng na nei ding ahisih.

4 # Pawt. 34.17; Siempu. 19.4; 26.1; Danp. 4.15-18; 27.15 Milim khenthu ahiei, ahisihleh tunglam van a um ahiei, nuoilam lei a um ahiei, lei nuoi lam tuisung a um, sil bang ahiei kibahpi mawngmawng na siemthu lou ding uh ahi. 5#Pawt. 34.6,7; Kisim. 14.18; Danp. 7.9,10Amaute mai a, na kun ding uh ahi sih, tualeh a nna u’zong nasep lou ding ahi; kei Mangpa na Pasian uh, thangsetah Pasian ka hi ziehin keima hing mudate khelna, khangthum khangli tan a, pate gitlouna tate tunga phuba la zel ka hi.

6Ahing ita ka thupiehte zui, sang tampite kunga, khotuona musah Pasian ka hi. 7#Siempu. 19.12Mangpa na Pasian min na mawh gen ding ahi sih, Amin mawha genmi khu gilou lou in asep sih ding hi.

8 # Pawt. 16.23-30; 31.12-14 Khawlni siengthou tah a nitding ahi, chi thei zingin. 9#Pawt. 23.12; 31.15; 34.21; 35.2; Siempu. 23.3Niguh sung na sem inlen, nasep ding zousie nasep suoh ding ahi. 10Hinanleh ni sagi ni khu, Mangpa na Pasian uh khawlni ahi; tami niin nna mawngmawng nasep ding ahi sih a, nangman zong, natapa in zong, natanu in zong, na suohpa in zong, na suohnu in zong, na gantatein zong, tualeh na huong sunga um mi khuol in zong. 11#Siem. 2.1-3; Pawt. 31.17Aziehpen niguh sungin Mangpa’n lei leh van leh tuisuogiette leh a sung a um zousiete a siem a, ani sagi niin a khawlta hi. Tuaziehin Mangpa’n khawlni khu aguolzawl a, asusiengthou ta hi.

12 # Danp. 27.16; Mat. 15.4; 19.19; Mak. 7.10; 10.19; Luk. 18.20; Eph. 6.2; Eph. 6.3 Nanu leh napa zatat in; Mangpa na Pasian in ahing pieh gam a na damsung nite asawt thei na dingin.

13 # Siem. 9.6; Siempu. 24.17; Mat. 5.21; 19.18; Mak. 10.19; Luk. 18.20; Rom. 13.9; Jak. 2.11 Tuol na thading ahi sih.

14 # Siempu. 20.10; Mat. 5.27; 19.18; Mak. 10.19; Luk. 18.20; Rom. 13.9; Jak. 2.11 Aang na kawm ding ahi sih.

15 # Siempu. 19.11; Mat. 19.18; Mak. 10.19; Luk. 18.20; Rom. 13.9 Na guh ding ahi sih.

16 # Pawt. 23.1; Mat. 19.18; Mak. 10.19; Luk. 18.20 Na inn vengte langa techi#Techi: theipitu, sap ham a witness ahi. dihlou a na panding ahi sih.

17 # Rom. 7.7; 13.9 Na innvengte inn na en ding ahisih, na innvengte zi ahiei, asuohpa ahiei, asuohnu ahiei, abawngtal ahiei, a sabiltung ahiei, ahisihleh na innvengte neitah mawngmawng na en ding ahi sih,” achi hi.#20.1-17: Thusawmpieh atomzaw deu leh aledan tuom deu Danpieh

Israel mipite zauna

18 # Heb. 12.18,19 Tualeh mipite zousie in, vanpi gingte, tunphete, pengkul gingte, tualeh muol meikhu in apumtuom, amutahun, akinua tawn ua, gamlapi ah ading uhi. 19Tuachi’n Mosi kungah, “Nangman ka kung uah thugen inlen ka ngaikhe dinguh, hinanleh Pasian in vang ka kung uah thu genda mai heh, ka shi kha ding uh,” achi uhi.

20Tuachi’n Mosi in mipite kungah, “Zau sih un, Ama zauna na masang ua a um a, na khellouna ding un, Pasian noute hing en chien dinga hing pei ahi,” achi hi. 21Tuachi’n mipite gamlapi ah a ding ua, Mosi in Pasian umna miel keikui lam a zuon hi.#5.6-21 ah akimu hi: Tami Bung sunga Pasian in a phallou ahileh, Ama (Pasian) lou ngal milim bawl thute mai a kun (bieh) louding, milim khen thute Bieh inn sung leh mun siengthou a koi lou ding agen thupi pen ahi

Maitam siem dan ding

22Tualeh Mangpa’n Mosi kungah, “Israel tate kungah tambang in thu va genin, Nouma ngel in van a kipat a ka thugen na zata uhi. 23Kei chilou pasien dang mawng mawng dangka asiem pasiente ahiei, sana asiem pasiente ahiei, nou adingin na siem dinguh ahi sih. 24Kei a dingin lei ah maitam na bawl ding a, atungah na belamte, leh na bawngtalte, halmang kithoina leh kilemna kithoinate in na lan ding hi; ka min chiemtena dinga ka bawl na mun zousie ah, na kung uah kang pei dinga, ka hing guolzawl ding hi. 25#Danp. 27.5-7; Josh. 8.31Suong maitam nang bawlpieh ding leh, suong kikheng a, na bawllou ding ahi: Suong tunga na hiemzah nalap leh na bua sah zou ahita hi. 26Ka maitam kaltouna kalbite a, na kaltou vawt louding ahi,” na saguoh hina adawh louna dingin.

Currently Selected:

PAWTDOHNA 20: ZOUBSI

Highlight

Copy