PAWTDOHNA 2

Mosi pien thu

1Tualeh Levi phunga kipat pasal khat apeidoh a Levi tanu khat zi in anei hi. 2#Nasep. 7.20; Heb. 11.23Tuachi’n numeinu agai a, tapa anei a, naupang mel hoitah ahi chi athei in, ha thum sung aphuolta hi. 3Hinanleh aphuol zou nawnlou bepin, phaipheng bawm aphan a, vahai buon leh chim in a zut bit a a sungah naungeh asiel a, lui panga pumpeng lahah akoi ta hi. 4Tualeh asanggamnu gamla kuom ah adinga bang ang suoh mawng eimah chi thei dingin.

5Tuachi’n Pharaoh tanu lui a kisil dingin ahing peisuh a, asuoh numeite luipang ah avah koi uhi, tualeh pumpeng kawma bawm amu in asuohnu ala dingin a sawlta hi. 6A hon leh naupang amuta a, ngaiin naungeh akapta hi. Tuachi’n alungsiet ta a, “Tampen Hebru naupangte lah a khat ahi” achi hi. 7Tuatahin asanggamnu’n Pharaoh tanu kungah “Na nau hing chinpieh dingin Hebru numeite lah a, naudom mikhat kang va hat pieh diei?” achi hi.

8Tualeh Pharaoh tanu’n akungah, “Kuon in” achi a, tuachi’n nungah akuonta a, naungeh nu ava hanta hi. 9Tuachi’n Pharaoh tanu in akungah, “Tami naupang la khie inlen, kei a dingin hing kep pieh in, na law#Law nasepman ding hing pe navang;” tuachi’n numei nu’n naungeh khu ala a, akem tahi. 10#Nasep. 7.21Tualeh naungeh ahing khanglien a, Pharaoh tanu kungah ahing pui a, tuachi’n atapa ahing hita hi. Tualeh amin dingin Mosi#Mosi-Tui laha pat ladoh china ahia, Apa min Amram ahia anu min Jakobed ahi. aphuo hi; “Tui a kipat ka lahdoh ahi ziehin” achi hi.

Midian gam ah Mosi taimang

11 # Nasep. 7.23-28 # Heb. 11.24 Tualeh khum hunlai in hichi ahing hia, Mosi ahing pichin tahin asanggamte kungah ava haw a, a puohgihte uh ava mu hi, tualeh a unaute lah a khat, Hebru mi khat, Izipt mi khat in avuohlai ava muta hi. 12Tuachi’n adah leplop a, koima a um sih chi athei tahin, Izipt mi khu athat ta a, senel lahah a phuol ta hi. 13Tualeh ani ni nia ava haw kia leh, Ngaivawi Hebrumite lah a mi ni ana kilai ua, agilou zawpa kungah “Bang dinga na guolpa na vuoh ahiei?” achi hi.

14Tuachi’n aman ka tung ua lal ding leh thukhen dinga, “Nang koi hing guot ahiei? Izipt mipa na tha banga kei zong hing tha sawm na hiei?” achi hi. Tuachi’n Mosi azauta a, “Tam sil kitheidoh petma hita e,” achi hi. 15#Nasep. 7.29; Heb. 11.27Pharaoh in tam silte azah bep in, Mosi tha dingin asuita hi. Hinanleh Mosi Pharaoh mai a kipat in a taimangta a, Midian gamah atengta hi, tualeh tuikhuh gei khat ah atouta hi. 16Tuachi’n Midian siempupa’n tanu sagi anei a, ahing pei ua, tui ahing tawi ua, apa uh ganhonte dawn dingin atuibelte uh adim uhi. 17Tuachi’n belam chingte ang pei ua, adelmang pieh zel ua, hinanleh Mosi ading doh a, amaute apanpi a, tualeh abelam honte uh tui apie hi. 18Tuachi’n apa uh Reuel#Reuel-Jethro zong akichi hi kunga ahing tun tahun, aman “Bangchidan ahiei tunia na hing hichi tun bai uh?” a chi hi.

19Tualeh amaun “Izipt mi khat in belam chingte khut a kipat ahing hunkhie a, tualeh ka tuibelte uh ahing dip pieh a, belam honte zong tui adawn sah hi.”

20Tuachi’n atanute kungah, “Ahileh ama heiah a um tai? bang dinga tua mipa nang nuasie uh ahiei? Ann ne dingin vahan un;” achi hi.

21Tuachi’n Mosi in tua mipa toh tenkhawm ding pha asa ta a, tuachi’n aman atanu Zipporah Mosi apeta hi. 22Tualeh amanu’n tapa khat aneipieh a amin Gershom#Gershom-theilou gam a um china ahi aphuo hi; “Theilou gamah mikhuol in ka um hi,” achi ziehin.

23Tuachi’n hun hing pei zel ah hichi ahing hia, Izipt leengpa ashita a, tuachi’n akol tanna zieh un, athum ua, akapta uhi; akoltanna zieh ua athumnate uh, Pasian kungah atungtou ta hi. 24#Siem. 15.13,14Tuachi’n Pasian in athumnate uh a za a, tualeh Pasian in Abraham, Isaak leh Jakob toh athuhun athei zing hi. 25Tualeh Pasian in Israeltate a en zinga, tualeh Pasian in amaute a ngaisah ta hi.

Currently Selected:

PAWTDOHNA 2: ZOUBSI

Highlight

Copy