Popular Bible Verses from PAWTDOHNA 2

Share

Tuachi’n Pasian in athumnate uh a za a, tualeh Pasian in Abraham, Isaak leh Jakob toh athuhun athei zing hi. Tualeh Pasian in Israeltate a en zinga, tualeh Pasian in amaute a ngaisah ta hi.

Tuachi’n hun hing pei zel ah hichi ahing hia, Izipt leengpa ashita a, tuachi’n akol tanna zieh un, athum ua, akapta uhi; akoltanna zieh ua athumnate uh, Pasian kungah atungtou ta hi.

Tualeh naungeh ahing khanglien a, Pharaoh tanu kungah ahing pui a, tuachi’n atapa ahing hita hi. Tualeh amin dingin Mosi aphuo hi; “Tui a kipat ka lahdoh ahi ziehin” achi hi.

Tuachi’n Pharaoh tanu in akungah, “Tami naupang la khie inlen, kei a dingin hing kep pieh in, na law ding hing pe navang;” tuachi’n numei nu’n naungeh khu ala a, akem tahi.

Tuachi’n Pharaoh tanu lui a kisil dingin ahing peisuh a, asuoh numeite luipang ah avah koi uhi, tualeh pumpeng kawma bawm amu in asuohnu ala dingin a sawlta hi.

Tualeh khum hunlai in hichi ahing hia, Mosi ahing pichin tahin asanggamte kungah ava haw a, a puohgihte uh ava mu hi, tualeh a unaute lah a khat, Hebru mi khat, Izipt mi khat in avuohlai ava muta hi. Tuachi’n adah leplop a, koima a um sih chi athei tahin, Izipt mi khu athat ta a, senel lahah a phuol ta hi.