PAWTDOHNA 1
1
Israelte nasatah a punna
1 #
Siem. 46.8-27
Tuin tamte khu Izipt gam a hing lut Israel tate min ahi, michin leh a innkuonpite uh Jakob toh hing peikhawmte ahi. 2Reuben, Simeon, Levi leh Juda. 3Issakar, Zebulun leh Benjamin. 4Dan, Naphtali, Gad leh Asher. 5Tuachi’n Jakob suon apat a hing pawtkhie mi zousie sawm sagi ahi uhi, Joseph pen Izipt gam a ana umsa ahita hi. 6Tualeh Joseph ashita a, asanggamte zousie leh ama khanga mi zousie zong ashita uhi. 7#Nasep. 7.17Hinanleh Israel hahlesuonten chitamtah asuong ua, ahing pung ta mama ua, atam deudeu ua, hatchitahin ahing hatta ua, gam ahing luodim ta uhi.
Israelte suhgentheina
8 #
Nasep. 7.18
Tuachi’n Joseph theikhalou leeng tha khat Izipt gam ah ahing umta hi. 9Tualeh aman mipite kungah, “Ngaiun, Israel hahlesuonte eite sangin atam zawta ua, a hat zawta uhi. 10#Nasep. 7.19Kisa un, pilvang tahin bawlvai, tuachilou in vang ahing pung sem sem ding ua, hichi ahing hiding hi, kidouna ahing um chiengin, i gal te langa pangin, eite ahing le dou kha ding uhi; tuaziehin gamsung akipat, amaute ideldoh ding uhi,” achi hi. 11Tuaziehin puohgihte a amauh asuh gentheina dingun atung uah na sem houtu akiguot ua, puoh gih a guon uhi, tuachi’n Pharaoh a dingin, gou kholna khopite Pithom leh Rameses abawlta uhi. 12Hinanleh asuh genthei semsem u’leh apung sem sem ua, atam deu deu uhi. Tualeh Israel tate zieh in a lunggim ta uhi. 13Tuaziehin Izipt miten, Israel tate nna gim tah in asem sah uhi. 14Tuachi’n nasep gim nain ahinkhuo uh nuomlou tah in akoi ua, simen leh tehlei bawl in, gamlahah nasep chinteng sem in, abawl genthei ua, ana uh asep sahna zousie uah, gimtahin asem sah uhi.
Israelte suh mangthaina ding silguon
15Tuachi’n Izipt leengpa’n Hebru naudom mite a houpia, tuate lah a khat min shiphrah ahia adangpen Puah ahi. 16“Tualeh aman Hebru numeite lah a, naudom nna nasep chiengun toupha tungah en unlen, tapa ahileh that unlen, tanu ahileh hing khoi un,” achi hi. 17Hinanleh naudom miten Pasian agiing ua, Izipt leengpa thupieh bangin abawl sih ua, Pasal naupangte ahumhing zawta uhi. 18Tuaziehin Izipt leengpa’n naudom mite ahan sah a, akung uah “Bang dinga tambang silte na bawl ua, pasal naupangte na huhhing uh ahiei?” achi hi.
19Tualeh naudom miten Pharaoh kungah, “Hebru numeite khu Izipt numeite bang ahisih ua, akizen ua, naudom mite a kung ua, atun masangun, nau ana nei zou pai pai uhi,” achi uhi. 20Tuaziehin Pasian in naudom mite akem hoi mama a, tuachi’n mite ahing pung ua, ahat mamata uhi. 21Tualeh hichi ahing hia, naudom miten Pasian agiin zieh un, Aman akung uah innkuonpi ding apie hi. 22#Nasep. 7.19Tuachi’n Pharaoh in amite zousie thu apeta a, “Tapa hing pieng pouma luidung#Lui chikhu Nile luipi china ahia, Izipt gam a lui lien ahi. Mel 3473 asau ahi. ah na pai ding ua, tualeh tanu hing pieng pouma na huhhing dinguh ahi,” chin thu apeta hi.
Currently Selected:
PAWTDOHNA 1: ZOUBSI
Highlight
Share
Copy
Want to have your highlights saved across all your devices? Sign up or sign in
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.
