NASEPTE 15

Jentel Khristiante leh Mosi dan

1 # Siempu. 12.3 Tuachi’n mi koite ahiei Judia gam akipat in, ahing hawsuh ua, “Mosi dan dungzui a tep na tan sih uleh, hundam na hi thei sih ding uhi chiin unaute ahil uhi.” 2Tuaziehin Paul leh Barnaba amaute toh lungthah a kiniel a akisel ziehun, Paul leh Barnaba khu alah ua koite ahiei toh, tam thu toh kisai a Jerusalem a sawltahte leh upate kunga va haw tou ding in aguot uhi.

3Tuachi’n hattuomten asawlkhie ua, amauten Phoinisia gam leh Samaria gam atotna uah, Jentelte hing kihei dan agen ua, tuami’n unaute nasatahin akipahsah uhi. 4Tualeh Jerusalem khuo atuntahun, Hattuomte leh, sawltahte, tualeh upate’n ana kipahpi ua, tualeh amaun Pasian in amauh zanga, asil bawlte zousie ahil uhi. 5Hinanleh Pharisaite lah a gingtu pawlkhat adingdoh ua, “Jentelten tep atan ua, Mosi dan azui uh kul ahi, “achi uhi.

Jerusalem khawmpi a Peter thugen

6Tuachi’n Sawltahte leh upate tam thu ngaituo dingin akikhawm uhi. 7#Nasep. 10.1-43Tualeh nasatah a akiniel nua un, Peter adingdoh a, akung uah, “Unaute aw, Jentelten keima kam a khantanhoi azah ua, agintat na ding ua, Pasian in hun peisa lai a, ilah ua pat kei ahing tel dan na thei uhi. 8#Nasep. 10.44; 2.4Tuachi’n lungtang theipa Pasian in eite ahing pieh bangin Hagau Siengthou akung uah apie a, atheipita hi. 9Aman eite leh amaute khentuom neilou in, ginna ziehin alungtangte uh asiengthou sahta hi. 10Tuachi’n ipu ipate hihen, eite hita lei, ipuoh zoulou hahkol bangdinga nuazuite ngawnga baat a, Pasian ze et sawm na hi uoi? 11Hinanleh amaute mabangin, eite zong Mangpa Jesu Khrist hepina zieh a hundam ding hiin, ikigingta uhi,” achi hi.

12Tuachi’n mipi zousie asipta ua, Barnaba leh Paul in, Pasian in amaute zanga, Jentelte lah a chiemtenaleh sillamdang abawl thute agen uh angaikhie uhi. 13Amaute asip dide laitah un Jakob in thu agen a; “Unaute aw, ka thugen Ngai un: 14Pasian in Ama min paw dinga Jentelte lah apat mite lahdoh dingin, Jentelte ave masa hi chi thu Simon in agenta hi. 15Tualeh tam thu leh guolneite thu akituoh lien a, tambangin akigiel hi:

16 # Amos. 9.11,12 Tamte nua chiengin ka hing kinuale kia dinga,

achimsa David puonbuh ka lamtha dinga,

asietnate ka bawl kia dinga,

tuachi’n ka tungding ding hi.

17Tuachi’n midangte leh,

Jentel ka min a kihan zousiete nangawn in,

Pasian asuina dingun,

Tam silte zousie bawlpa,

Mangpa’n achi hi.

18A silbawlte zousie leitung kisiem chiil apat Pasian thei ahi.

19Tuaziehin Jentelte lah a Pasian lam a hing kiheite pen subuoi dalei chi ka ngaidan ahi. 20#Pawt. 34.15-17; Siempu. 18.6-23; Siempu. 17.10-16Milim biehna, sil bua nehte, kingaina siengloute, hehlup sa leh sisan nehte, tawpsan dingin akung uah, lai giel lei ka chi zaw hi. 21Aziehpen ni danglai a pat in Mosi dan kho tengah akigen a, khawlni simsiel in kikhopna inn teng a kisim ahi zieh in,” achi hi.

Jerusalem khawmpi in lai ahah

22Tuachi’n sawltahte leh upate leh hattuom zousiein alah ua mi tel a, Paul leh Barnaba toh Antiok khuo a sawl dingin pha asa ua, atelte uh min khu Judas amin dang Barsaba kichipa leh Silas ahi ua, amaute khu unaute lah a lamkaite ahi uhi. 23Amauten tambangin laihah agiel uhi:

“Sawltahte, upate leh na sanggamte un, Antiok khuo leh, Siria leh Silisia gam a um, Jentel unaute kungah, chibai ka hing buh uhi. 24Koute lah a mi pawlkhat noute kunga, hing pei in, tep na tan ding uh, Dan na zui ding uh ahi, chi a, athugente un, noute ahing lungbuoi sah uhi, chi thu ka na za uhi. Tuabang thu gen dingin, amaute thu ka pe kha sih uhi. 25Tuabanga lungsim mun khat puo a ka kikhop tah un mi teldoh a, ka it tah uh Barnaba leh Paul, 26Mangpa Jesu Khrist min a ahinna uh phalte gel toh na kung ua hing sawl dingin pha kasa uhi. 27Tuaziehin Judas leh Sailas ka hing sawl uhi, amauten zong tam thute kam in ahing gen ding uhi. 28Aziehpen, Hagau Siengthou leh kouten, Tam thu poimawte chilou puohgih dang bangma na tung ua hing guonlou hoi kasa uhi. 29Milim mai a kithoina sa nehte, sisan nehte, hehlup sa nehte leh kingaina thanghuoite tawpsan u’lachin nou a dingin ahoi ding hi. Mangpha, chiin agiel uhi.”

30Tuabanga sawl ahibang un, amaute Antiok khuo atung ua, tuachi’n mipi ahankhawm ua, laihah khu apeta uhi. 31Tua laihah asim zou un, amaute hanthawnna thu ahiziehin akipah mama uhi. 32Judas leh Sailas zong guolnei ahi ua, thu tamtah genin unaute ahantawh ua, athahatsah uhi. 33Tua mun a hun bangtan ahiei ataam nua un, unauten amaute hamuonna thu toh sawltahte kungah anuasawl kiata uhi. 34Hinanleh Silas in khum mun a tam tahdi hoi asa hi. 35Paul leh Barnaba Antiok khuo ah atam nalai ua, midang tampi toh Mangpa thu hil in aumden uhi.

Paul leh Barnaba kikhenna

36Tuachi’n ni bangza ahiei nuain Paul in Barnaba kungah, “Mangpa thu igenna khochin a sanggamte bangchin a um tou zel uoi, chia va ve dingin ikuonkhe kia ding hi,” achi hi. 37Tualeh Barnaba in Johan kichi Mak a mautegel toh zawpi a ut hi. 38#Nasep. 13.13Ahivang in aman Pamphilia gam a amautegel nuasie a amaute gel toh na semkhawm nawnlou ahiziehin ama zawpi ding Paul in hoi asa sih hi. 39Tuachi’n nasatahin akinielta ua, akikhenta ua, Barnaba in Johan Mak. Azawpi a Saipras gam ah kuongin apeita uhi. 40Hinanleh Paul in Sailas atel a, unauten Pasian hepina sunga amaute akep sah nuaun akipandohta uhi. 41Tualeh Siria leh Silisia gam sung pumpi tuon in hattuomte athahat sah uhi.

Currently Selected:

NASEPTE 15: ZOUBSI

Highlight

Copy