LUK KAXPONGWANG
KAXPONGWANG
Kaxho Müikya Luk laipex ma Jisu Khrista a Israel nok ang tsaole thomkya khosünpa ilaxlechu khünaknüsa khosünpa le akax le. Chitüi chinangkyabu hato Kaxho Müikya apuk ang Jowanpa chasae Jisu Khrista nyakle laxkya Luk-e zale thomle üntoxle pangnu li laxli le khütle tüikya khünakbu hanpakma ija Kaxho Müikya ma tuitexe awangle tüile. Mongkün mowünchu Luk ma okho ma hukle wüi tüile, tamnüilechu owang angkya ofong ma Jisu ngui angkya Kaxho fakya, üntoxlechu oshuk ma Jisu ding to dongkya zuma. Jisu ding to dongkya füima khristan mongong tsongkya hia tsakya bama ija laipex zakya mixe Wangshembu Mwot laipex ma zale tüile. Zangwün chempang ija laipex tata ma bangpuix, thütba kaxtaimixbu tsai hia chun-nyetmixbue Jisu waikya, naosa tuita ningle Zangshwom-Hom to Jisu nuikya, üntoxle Samaria mixmüi kaxpan hia Maxünkya Nao, süchongle ahankya othom 2 hia 6 ma ngünüi. Ija laipex ma owang makhange oshuk kople tamsüilechu zangjop, Otsao Chasa, Jisu mwottho ma shekobu üntoxle ochax thailak koxkya bama süchongle wünle.
Omong ma tüikya
Kaxpongwang 1.1-4
Baptikya mix Juhan hia Jisu nyi puxkya üntoxle naosom pongkya 1.5—2.52
Baptikya mix Juhan mwottho 3.1-20
Jisu baptikya hia thwontsing kya 3.21—4.13
Galili ma Jisu-e noknu thüntho ma mokkya mwot 4.14—9.50
Galili makhange Jerusalem kople 9.51--19,27
Jerusalem ma hia ozui onam to akia kya hatdang 19.28—23.56
Azangle zokya, ngaile ahokya, üntoxle Jowanpa ding to dongkya 24.1-53
Currently Selected:
LUK KAXPONGWANG: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.