LUK 1
1
1Alixachong Theofila:
Kwom khama chemle changdaopuix ibu zale kop angkya khünakbue otukux tsuakpuix müile mokhudaoa. 2Opange owang tokhange ngünle hüi üntoxle Kaxho Müikya apukpuix, ibue kwom hama wünkya ningle hwome zale. 3Ija khoma, O! nang alixachong! Ija tsai-kax owang tokhange wüi müile azut ajang laxle, nang hanpakmale thutle tüzakoxwüi müiüile kue texle atakle. 4Nange atat daokya pangnu bama nange otsingtsing komkaile naxtsing lax ang kue ija mokpu.
Baptikya mix Juhan Pux angkya Tsing ang Kox
5 #
1 Pp 24.10. Jehudi wanghom Herod#1.5: Jehudi: Ija a Palestain haxtok pangwüi womle wünkya kax changle. din ma Zakaria le amün kya nguapa tuita tüikya. Chix a nguapa züjen ahan kya ma Abijah saxthom angkya changkya. Chix kakonu ang Elijabet le amün. She chuwüi zommix-zangmix kako tokya changkya. 6Jowanpa wanlom hia kaxtombu apale hokhi a Zang miksho ma otsao tsün ngo. 7Elijabet ma nao chingui tsuak kya khoma hokhi süshih-naosom chitüi homle ngo, ilaxle she hia Zakaria hokhi monyi wüi azule hüi.
8Nyixta chix tsien nguile Zakaria zomzingle Jerusalem angkya Jowanpa Zangshwom-Hom ma asukya. 9Zom-mix-zangmixbue twonle hüikya zom ningle, zomtong ma ongan müikya so zokle shwom angkya chix chizing ma dong. Ikhoma chix Jowanpa Zangshwom nui to dong. 10Ile chixe ongan müikya so zokle zangshwom ngotan ma khünaknu othome homtho to zangjople tan ngo.
11Ongan müikya so zokle Zang shwomkya zomtong zongma tsaxchi ma Jowanpa kaxtaimix tuita chix hato laile ajong. 12Chix ngünkya zuma Zakaria abüt üntoxle za. 13Ikoxlechu ija kaxtaimixe chix ang thüi: “Zakaria, taxza! Zange nang zangjop atatdaoa, ilaxle nang kakonu Elijabet e nang ang lüka naosa tüpuxüi. Nange chix ang Juhan le amün angkya changle. 14Chix pux kya zuma nang ang otukux mongmüiüi hex, üntoxle mamabu angchu wüi otukux mongmüiüi hex! 15#Huak 6.3.Jowanpa miksho ma chix zaxzang kya mix tuita ang achangüi. Chixe ju-khan chemchu chiling angkya changle. Chix puxkya tokhange wüi Otsao Chasae awangle tüiüi, 16üntoxle chixe Israel khünak hwom Jowan Zang hato huanuma apüiüi. 17#Mal 4.5,6.Ajepa Elija ningle otsak-ozong füi, Jowanpa thoma achale chix shongleüi. Chixe hopa hia sasün hwom chatle motom ang koxüi; chixe kax ma chilax kya khünakbu otsao tutex hato chatle apüiüi; chixe sungle ngokya Jowanpa khünaknu chix thoma acha achwonle nui ang koxüi.”
18Zakaria e kaxtaimix ang thüi: “Ile jangchang thüikoxle kue chem ma awanüi? Ku-nang azuün, ilaxle ku kakonuchu wüi azuün.”
19 #
Dan 8.16; 9.21. Kaxtaimixe lan: “Ku a Gabriel changpu; ija kaxho apuale nang füi akax ang tsankya Zang pomtho ma ku ajongpu. 20Thütkhak le otu nguile hüikya zuma changle hüi angkya ku kax ija to nange chiong. Ile nange chiongkya khoma nang kaxdün chitsuak le ngoüi; kue nang füi akax kya changle mahüi tanto nang akax ang chitho le ngoüi.”
21Ipongma khünaknue Zakaria tanle ngo ilaxle Zangshwom-Hom ma hanpak ibukux büthüikoxle laxpuix le aban le ngo. 22Otue chix laile hüi, chixe hwom füi zangwün ang chitho le chang, ilaxle chixe Zangshwom-Hom ma mikngün ohün ngündaokya changa le hwome awan. Tun ma akax ang chitho laxle chixe hwom hato chak ajing-aja le aho.
23Otue Zangshwom-Hom ma chixe mokse mwot tsuakle hüipuix, Zakaria hom to chat. 24Aluile chingo homle Elijabet ma nao ngui ilaxle lyet aga hom jao danle chitoxle nui. 25“Athax oshuk ma Jowanpa-e ku to fongdaoa. Chixe tu ma ku thünzak amüidaoa!”, le she e thüi.
Jisu Puxkya Tsingang Kox
26Elijabet ma naotüi kya lyet azok nguikya zuma Nazareth le amünkya Galili angkya tinglong tuita to Zange chix kaxtaimix Gabriel tsanle apao. 27#Mat 1.18.Dawid sixli Jusep le amünkya mixsün tuita ma tuizing-nazexle thomdao kya naocha tuita hato ho angkya kax chix ma kop. Ija naocha ang Meri le amünkya. 28Ija kaxtaimix she hato ngui ilaxle thüi: “Nang ma mongsom tüihüi! Jowanpa a nang füi tüile ilaxle chixe nang to huanuma mohimandaoa!”
29Kaxtaimix kaxho atatlaxle Meri huanuma aban ilaxle chix kax chem hanpak hex le khosam. 30Kaxtaimixe she ang thüi: “Meri, taxza; Zange nang to huanuma künle texle. 31#Mat 1.21.Nang ma nao tüiüi ilaxle nange lüka naosa tuita puxüi, üntoxle nange chix ang JESU le amünüi. 32#2 Sa 7.12,13,16; Isa 9.7.Chix zaxzangüi üntoxle chix ang Taitax Zang Hosa le nyaküi. Opu Dawid ningle Jowan Zange chixchu wüi wanghom ang achangüi, 33ilaxle Jakop sixli apün ang chix othuithuima chongwang le ngoüi; chix wangting münashuk toxüi!”
34Meri-e kaxtaimix ang thüi: “Ku a naosün füi mangokya naocha tuita changpu, ija ningle büthüi kya to changtsuak angkya?”
35Kaxtaimixe lan: “Otsao Chasa nang ma nguiüi, ilaxle Zang tsakzong e nang to oüi. Ikhoma ija otsao nao ang Zang Hosa le nyaküi. 36Nang ma-mix Elizabeth thütle ataklax. She ma süshix-naosom münngui münwang tsuaküile thüikya, ele she azu ünkoxle ngaxchu she ma nao tüikya füima lyet azok aham ngole, 37#Pon 18.14.chemthüikoxle Zange chitsuak angkya chemchu müntüi.”
38Meri-e thüi: “Ku a Jowanpa da tuita changle, nang kax ningle ku ma ele naxchangkox.” Ifüima kaxtaimixe she danle tox.
Meri-e Elizabeth Wai
39Ifüima Meri momle achwon üntoxle haxhua tokya Jehudi tingnu to momle pao. 40She Zakaria hom to nguilaxle Elizabeth füi salam kax zex. 41Otue Elizabeth-e Meri e she füi salam kaxzex kya atatpuix, she wok angkya nao amok. Elizabeth a Otsao Chasa e awangle tüikya, 42ilaxle akhongle akax: “Nang a sheko khama mohiman akhokya mixcha changle, ilaxle nange pux angkya naochu mohiman! 43Ku Jowanpa honu ku wai ang ngui angkya ku ma ojao münasu! 44Chemthüikoxle kue nang salam kaxzex atatkya füi tomle ku wok angkya nao mongmüile fütle. 45Nang hato hüikya Jowanpa kaxho to ile jao changüi le ong laxle nang mong otukux müiünpuix!”
Zang Achuakkya Meri Tsai
46Meri-e thüi:
“Ku monge Jowanpa achuakpu;
47Zang ku khosünpa changkoxle ku chasa mongmüile,
48 #
1 Sa 1.11. chemthüikoxle chixe ahixkya,
chix da ku texle atak!
Athax makhange ku ang pangnusae shomüi chale nyaküi,
49chemthüikoxle Khüthak Zange ku bama chongkya mokdaoa.
Chix mün a otsao;
50Chix chathua zakyabu hato,
tsün ta makhange ata tsün kople,
chixe chingcha aho.
51Tsakzong füikya chak chixe thui;
ngamkyabu hwom mwotthobu füi,
chixe afomle chiak.
52 #
Job 5.11; 12.19. Chixe tsakzong kya wanghombu,
hwom ngwotnui angkya athai,
ilaxle fang to ngokyabu nwon.
53Woknuak mix chixe,
müikya osüt-ling füi,
wok afwot le kox;
hakpa luapabu chak-hua ma apao.
54Kem putong hwom füikya,
tsaosüt chixe thom;
ilaxle chix da Israel,
to fong ang ngui.
55 #
Pon 17.7. #
1 Sa 2.1-10. Abraham to chingcha aho angkya,
chixe texle atak tamchu,
jento chix susa hwom angchu wüi!”
56Elizabeth füi tomle lyet azom tukux nuilaxle Meri hom to chat.
Baptikya mix Juhan Puxkya
57Elizabeth hato nao ngün angkya tu nguile hüi, ilaxle she e lükasa pux. 58Jowanpa-e she ang mohiman chongkya koxkya zing tomzibue atat, ilaxle hwom pangnu wüi she füi tomle mongmüi.
59 #
Liw 12.3. Nao hatdang tukux tsong füima, chix khwonzüt zomzing ang hwom ngui, üntoxle hwome chix ang hopa mün ma Zakaria le amün ang thüi. 60Ikoxle honue thüi: “Münchang! Chix ang Juhan le amünüi.”
61Hwome she ang thüi: “Ikoxle hünzom füikya ma-mix ile amünkya mix owa ngaxchu chitüi khato hi!” 62Ifüima hwome ajing aja le nao ang mün chemle fase texpu le hopa ma atüi.
63Zakaria e za ang laikhao ju ilaxle za “Chix mün a Juhan changle.” Hwom pangnu wüi huanuma khosamle abüt. 64Ipongkhae Zakaria e chatle zangwün ang tsuak, üntoxle chixe Zang achuak ang süt. 65Tomzibu pangnu wüi za, üntoxle ija kaxho Jehudi chaxwan angkya haxhua nok pangnu khato wüi pule pao. 66Ija kax atatkya pangnue wüi ajang üntoxle atüi: “Ija naosa chem ang achanglax üihex?” Chemthüikoxle chix ma Zang tsakzong tüikya atsingsho.
Zakaria e Zang Achuak
67Juhan hopa Zakaria a Otsao Chasa e awang le tüikya, ilaxle chixe Zang kaxho akax:
68“Oman keme Jowanpa,
Israel Zang achuak hax!
Ma-mix to fong ang,
chix nguile tüile;
chixe hwom sünle kopdaoa.
69Chixe kem hanpakma,
tsakzong füikya khosünpa kox;
Chix da Dawid sixli angkya a.
70Kaipong ma wüi chix otsao ajebu,
makhange tsaokya tüikya;
71Kem zanbu chak tokya hia,
kem to khukyabu zong pangnu tokya,
chixe kem khosün üihex o le.
72Kem putong hwom to chingchaüi;
chix otsao Tsaotsüt
texle atak angkya chixe tsao.
73-74Münthaipuo lekya tsaosüt ma,
Kem putong Abraham füi,
zanbu chak tokya kem khosünüi,
ilaxle chaza kya chitüi le,
keme chix mwot mok ang koxüile tsao.
75Ile kem tsüntsün ma,
chix chitong ma otsao ma üntoxlechu
ochax chitüi le naxchang ang.
76 #
Mal 3.1. Nang, Kusa,
nang ang Taitax Zang ajepa le nyaküi,
chemthüikoxle chix hanpakma,
lomtang achwon ang nang,
Jowanpa thoma achale leüi;
77hwom ochax thailak koxkya makhange,
hwom khosünüi le,
chix khünaknu hato apua ang,
Zange hwom ochaxbu thailak faüi,
üntoxle ile hwom khosünüi le,
khünaknu hama apua ang a.
78Kem Zang a chingchajaja füikya changle.
Dongkya senu ningle nyankya,
khosünpa chixe kem hato ahüiüi
79 #
Isa 9.2. üntoxle omang zangkhung ma ngokyabu,
zangnak to ngokyabu to nyan ang,
mongsom lom to kem chikap zun ang.”
80Naosa tsong üntoxle tsangtsa hia chasa ma tsakzong le hüi. Israel khünaknu hato ngaile malai tanto chix faokha to ngo.
Currently Selected:
LUK 1: WANCBSI
Highlight
Share
Copy
Want to have your highlights saved across all your devices? Sign up or sign in
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
