THILSIAM THU 33
33
Jakob Tawh Esau Kimutuana
1Jakob chu a vak dakdaw leh, Esau tawh a nungzui mi za li a kiang lam hun zuante chu a vak mu ta’n. A chate chu Leah, Rakhel leh a suaknu panite kiang ah chun a hawm jak chiat a.
2Suaknute leh a chateu chu a matawng pen in a koi ah, Leah leh a chate chu a bân in a koi ah, Rakhel leh Joseph chu a nunung pen in a pansak a.
3Ama chu a ma-âng un a chia ah, a u kiang a tun ma’ sagivei leitual si’n chibai a bûk a.
4Esau chu ama lamtua dingin a tai ah, a kawi ah, a ngawng leh ama ngawng situa in, a chawp ah, a kap tau a.
5Chuleh, Esau chu a vak dâk ah, numeite leh naupangte chu a mu ta’n: “La hun puite hi kuate a hiu em?” ti’n a dong a. Ama chun, “Pathian in a lungsiat ziak ah la suak kiang ah a piak naupangte a hiu,” ti’n a dawnhu a.
6Chutichun, suaknute chun a chateu tawh a hun nai un, a kûn un, chibai a bûk chiat tau a.
7Leah inle a chate tawh a hun nai un, a kûn un, chibai a bûk un; zia nung ah chun Joseph leh Rakhel chunle a hun nai un, kûn in chibai a bûk tau a.
8Esau chun, “Gan-gual ka kituakpi zojai kha bangtidan a hem?” ti’n a dong ah. Ama chun, “Ka lalpa, la hepina ka mutheina dingin ka ti ahi,” ti’n a dawnhu a.
9Esau in, “Ka nau, ke’nle ka hau nai, la nei zosia chu nang in kichan kit ta’n,” a ti piak a.
10Jakob chun, “Hilo e, lei hepi chun lungsiat tak in ka kipakman piak kha ei pom piak in. La mêl ka mu hin Pathian mêl mu gual in ka kingai ah, zia gual lawm lawm ah doisakna hi tawh lei la lop ngal in.
11Pathian in ei hepi ziak leh, ka nei tam hun tawk ziak ah hin, lungsiat tak in ka thil hun piak kha ei pom piak in,” ti’n a phût hâm hâm ah. Tichun, a pom tai.
12Esau chun, “Hung in, kipan hitiu in, chia hitiu; lamkai piak ing ka,” a ti’n.
13Himaleh, Jakob chun, “Naupangte hi a hat nai puau ah, belam leh bawng hon, ka kiang ah umte hi a no nei a hiu ti ka lalpa’n la hiai; ni khat mai a chia hat tâk luat na ziak bep unle gan-gualte hi thi ziang thei ding a hiu.
14Ka lalpa, lungsiat tak in la suak ma-âng in chia pek inla; Seir tâng ah ka lalpa, la kiang ka hung tun masang sia, ka ma ah gan honte leh naupangte hi a chia thei dan dan un, awl cha cha’n hun som ing kau,” ti’n a dawnhu tai.
15Esau chun, “Ka kiang ah um mi khenkhatte bêk hi hun nutsia piak leng la,” a ti’n. Ama chun, “Bang ziakin em ka lalpa, la doisakna ei musak mai in,” a ti’n.
16Chutichun, Esau chu zia ni ma ma chun Seir tâng lam zuan in a chia kit tai.
17Jakob chu Sukkoth mun in a chia ah, ama â dingin In a sa’n, a gan-gualte â dingin bawk a khaw in; ziaziakchun, zia mun chu Sukkoth#zia chu, Bawkcha, ahiloleh, Kiselna, ti’na ahi a sak den tau hi.
Shekhem Khua’ Jakob Tunna
18Jakob, Paddan-aram gam ah kipat hung pawtdok chu dam tak in Kanaan gam ah Shekhem khawpi a hung tung ta’n; khawpi pâm in gia mun a khual tai.
19 #
Jos 24.32; Joh 4.5 Shekhem pa Hamor chate ah kipat dangka shekel za khat ah mun a la chawkna khan a puan In a jak tai.
20Zia tak ah chun mâichâm a siam ah, a min in, El Elohe Israel#zia chu, Pathian, Israel Pathian, ti’na ahi a sak tai.
Currently Selected:
THILSIAM THU 33: VAIPBSI
Highlight
Share
Copy
Want to have your highlights saved across all your devices? Sign up or sign in
Vaiphei CL Bible - PATHIAN LEKHABU THIANGTHO
Copyright © 2014 by The Bible Society of India
Used by permission. All rights reserved worldwide.
