Sòlòmön 8
8
1Ō sā mak alaha chu man öre in chu, öm töharuklöngö tö aṅteh öp yöng chu kikānö! Yē chu meuk kūö meh lā el kahôyö, ngaich hāmkūö meh öre chū-ö, ngaich öthō nö hĕng tak öre mumṙēngen chu.
2Ngaich chū-ö öre hachōten meh kēten meh inrē el patī öp yöng chu kikānö, el urôhò ò inrē öp kamyôḵnyen chu. Kē-ĕkūö meh öre chū-ö tö vāin òk meh tö tumhuslöng, öp mak ṙòng anār chu.
3Ō el katòh kui chu ap öre lātavē kël ò, ngaich yūmö chu inrē öp lāhāmö kël ò!
4Chūöku ṙô chin in yīö, Ō yī-ö kikānö aṅ Yērusalem hòṅ yīö öt haröthöl öt rēhĕn kilangkö hanāngenlōn i rò-òtö lōn e.
Tinfūölö Tinkökö Kikānö
5Achīö ap anga-aṅ yamih nö ṙā-ang el tönyaṅlnyi, harônhaka nö im hanāngenlōn?
Kikānö
Kilanglen meh chin elkatòh ap chōn ēpöl. In e öp yöng meh kikānö nö halöiny kinyôḵnyen meh nö halöinyöre.
6Vīten chu sā inpanngö ellōn meh, sā inpanngö i kël meh; tön kalēḵ an ngam hanāngenlōn sā kinpaha, kumnyahlōn sā anūlö tötmilēḵ. Öp pinchôllökūö e pinchôlö tameūyö, tökalēḵ nö töhū.
7Öt kô töpōyen mak nö hanyangngö kūö hanāngelōn, öt rēhĕn ṙanööingö nö kô nö hapökngen e. Yē öp tarik nö kētö kanôlòre el öp patī re nö ṙāi hanāngenlōn, ngaich angū-ö nö töng ahū-öyö öre.
Kanônyö ngam Kikānö
8Hĕng tak öp kun kanānö ih, hö-övö ap nö tö tëhevö. Sitih inlahen tī öi min töp kanānö re? Ip sakāmö yē ò nö kakkaṙen?
9Yē ò nö kinlōngö, vīlö rupīö ihö min i kui öp chūök kumyung in e; yē ò pöri nö inkūp, ngaich īhö min tangö e tö savaich sītör:
Kikānö
10Kinlōngö chin chū-ö sā chūök chamônga inrē minë teh chu; ngaich chū-ö i mat ò sā töhĕng tak tökumtö lanāmö.
Kikōnyö
11I pē-alhamòn; ap panô-òṅ vāin Sòlòmön; hökiṙen ngaich öp panô-òṅ vāin nö i yip mahayōm; kö kētö ṙāi ṙòng u cha-a tö rupīö hĕng köiny tum tāk.
12Panô-òṅ vāin chu, kanahngen chu, lumnööṙö chu; Ō Sòlòmön, in meh nup yēḵ töhĕng köṅny, nëtòng inrē in yip yōm ṙòng.
13Ō me-eṅ mi-iyöng el panô-òṅ hangihtöre yip nôlö chu tö ṙô meh töich hāngö e chū-ö.
Kikānö
14Ka-eūyen hanāngen chu, öm sā kāsöl hēk ṙālö istôk i kui minë rôngö tötahūsa.
Currently Selected:
Sòlòmön 8: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
