Sòlòmön 6
6
Kikānö
1Chuh yih ök hanāngen meh, Ō tövai aṅ i kikānö? Lökyih röön ök hanāngen meh hòṅ ih
hol meh chöhan?
Kikānö
2Chuh el ök panô-òṅ re ök hanāngen chu, el chūök tötahūsa, ha-aṅlö nup chehen re nö el panô-òṅ, hamūl lilī inrē.
3Hanāngen ò chin chū-ö hanāngen chu inrē anga-aṅ; ha-aṅhal chehen re ap i nup lilī.
Tinneūyö Tinkökö Kikōnyö
4Vai man sā Tirsā, hanāngen chu, löök sā Yērusalem, pinhë-eṅkūö sā kumyung tö pantēravö.
5Chingāngö matre man tö chu, tön kilangken chu nun sā töhĕng kiteūm pököre minë keūyö meh, tö chahīöma i nup paneūti Kilīöt.
6Minë kanap meh sā töhĕng kiteūm kan sīṅp, nup pameūlöre nö ṙā-ang sinöichöre, ṙòkhöre anū-ö nö nët nòng kūön, öt hĕng nòng in u tö miṙīvilōn.
7Minë arëkūö meh sā töhĕng tāk anār nö el inyul kūö meh.
8Tafūöl anāi yip rāni hëvhöre anāi yip pīhö töl, tö kanṙeūken kikānö tarik alaha.
9Pumpa chu, töteung in chu, töng hĕng tak, lālö öp yöng re kikānö, öt mirūnuvö ip kamyôḵnyen ò. Meūkö ò yip kikānö tarik alaha havëken ò ngaich nö ṙānāmölōn; yip ranī tö yip pīhö töl inrē, ha-öinyan cha-a.
10Achiāng ngòh tömeūkö sā minlīlö peuheū, vāi sā chingëṅt, yang sā tavūöi, pinhë-eṅkūö sā kumyung tö pantēravö?
11Chuh el panô-òṅ kulöl chin, öich ngëichkö panöpnyö ṙòng el achāṙö, öich ngëichkö nup vāin nö meūnylö, yē nup anār nö pöpnyöre kūö ṙòng.
12Urēhĕkūö chu akahaiṙen, ha-ūichlen chu ngaich tölōn chu holtöṙah kūön rācha el inröl.
Kikānö
13Kiṙīöm, kirīöm,, kikānö aṅ sulām. Hökngen ih meukröön meh öm kiṙīöm.
Kikānö
Kūöyòh öm hòṅ meukröön chu yĕich kiṙīöm ihôi töng ngamë cha?
Currently Selected:
Sòlòmön 6: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
