Sòlòmön 2
2
1Rōschin chū-ö aṅ Sāròn, lilō aṅ el nup achāṙö.
Kikōnyö
2Sā lilī i nup töchökhukūö, ngatī hanāngenlōn chu tö rēlö.
Kikānö
3Sā ēpöl chōn i nup chōn el inchōn ngatī ngam hanāngen chu i ṙāl tarik. Uichngöre chin elnyat, pachāka nup ṙòng ò inrē tökūö chu.
4Kēten chu anga-aṅ el patī nyamā, ngaich hanāngenlōn ò öp pantēra kinṙum chu.
5Ha-aṅlen chu tö tönyô angkūr, hakaplö nômö chu tö ēpöl: tön vahtö hanāngenlōn chin.
6Ō tanômkui chu ap öre lātavē kël ò, ngaich yūmö chu öp lahāmö kël ò.
7Chūöku ṙô chin in yīö. Ō kikānö kūön Yērusalem, i nup kāsöl hēk el kahôyö hain, hòṅ meh öt halöinyköre öt rēhĕn āṅhënnö tī töp hanāngen hanöng saha kanahanglōn e.
Innëtö Tinkökö
Kikānö
8Hangṙô öp hanāngenre chin. Faltöre ap nö löktö kui rung tisòktöre nö löktö in minë rôngö nö chuh in chu.
9Sā kāsēl ap hanāngen chu, hēk kūön istāk. Yĕh meuk, umuh ap nö sökhaka lā uk kinlōngö, hatīönkö nup lökhöt kuföt inkūp, tilachmatre nö i tanang.
10Ṙô-òv öp hanāngen chu nö ngö ṙô tö chu:
Kikōnyö
Choholre, hanāngen chu, tövai chu, ta-a kiröönngöre;
11Yĕh meuk ngaich ök laneūchö, keuheūt ök kumṙah ngaich nö rö-ö.
12Meūkö nup pūl nö el tumlat, yih öp nö ngaich ṙētak tinkökṙôre hāngö ṙô inrē nyö-öṅ nö ing panam.
13Sīöpnyi ṙòng ngam anychīr chōn, pöpnyö ṙòngre vāin inrē; tahūsa tinôngö nup. Choholre, hanāngen chu, tövai chu, tā-a kiröönngöre.
14Ō pumpa chu, el linrākö ihong, el kinluhu kaha panam, hökngen chu ngëichkö kūö meh, hökngen chu hang ṙô meh tön kuchik ap ṙô meh, vai inrē ap kūö meh.
15Kētö aṅ el inchōn am in hī, tökūöṅnö aṅ el inchōn am, mahayëḵngen panô-òṅ vāin, tön pöpnyö kūö ṙòng re nup vāin el panô-òṅ hī.
Kikānö
16Chū-ö chu ap hanāngen chu anga-aṅ chū-ö inrē, ha-aṅlö nup sīṅpre an nö i nup lilī.
17Hanöng saha sakāmö unhômö fanalnyö nyat inrē, havöökūöre, hanāngen chu, sā kāsēl, hēk tö-ayal istāk i kui töngasngö rôngö.
Currently Selected:
Sòlòmön 2: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
