INCHŌḴ-OṘÔ 27
27
1Un eū öp huṙöich, tön tö akahalōn man tö kumṙen öp sakāmö.
2Hökngen öp tahëng nö eū-eu meh, un öp elvāng meh; aṅ tahëng, un nup minuh meh.
3Langan ön ngòh ihong, langan inrē ngam kuyāyö, öp inrunnyö lanīnö tökulō-ov pöri langan tö u nyöre.
4Öt milēḵ ön ngih lanīnö, mihôiṅ tī pöri tanānyö; chīö pöri tökô nö sökhaka nö i kūö kumnyahlōn?
5Ĕhten töngāṅlnyi vinëkö tö töhanyāti hanāngenlōn.
6Tökô-en nup nyaha öp hol; pōitī chūök pöri hināmökūö tö tökunyaha elmat.
7Ngòh tölöökngen nö sa-òkkūö tö höni, i ngòh tökapahare pöri pachāka ngih tö-angūöṅvö.
8Sā chehechōn tölō-ongkūö tö fôngöre, ngòh tarik tölō-ongkūö tö patī re.
9Tavī-i, tinhus inrē ṙāmö ellōn tī, tikāchi pöri ngam ellōn tö kanihngen.
10Un ṙā-ayö hol meh, hol öp yöng meh inrē; um chuh patī öp mak-alaha re inrē hē sakāmö meh kihngen. Ĕhten öp hol tö röhta töp mak-alaha tömarôvat.
11Kūön chu, akaha man, haṙamlōn chu inrē, hòṅ chu sapṙô ò öp mumṙēngen chu.
12Hayunngöre ön ngòh tarik tö-akaha yĕn meuk kanihngen; iṙūöhöröön pöri ngòh töt-akaha ngaich palā-aiṙen nö in e:
13Kē öp kinṙum öp tarik yē ò nö ṙënngô öp aṅ tahëng haköp öp kinlēḵngô ò inrē yē ò nö ṙënngô aṅ tahëng pumnāmö.
14Ngòh töpōitô nö hakôlò holre, ka-eūilökūö nö choholre tö peūheu, kaheuktu min nö ramūtngö vah.
15Ngih tö-iṙūöhen tö-aṙöka kumṙah sakāmö, hēngren tö ngòh kikānö lama-alkūö;
16ṙap ngam kikānö sā ṙināpö kuföt hēk kinṙapngö tire im tavī-i.
17Hakeut vët ön ngòh vët, hĕng tak inrē tarik hakeut ngam tahëng.
18Ngòh mahaṙūötken anychīrchōn nyā ṙòng ò min, anga-aṅ inrē ngòh amahtö yöngṙen re ineū-euvö min.
19Sā ngam kūö el mak nö hameuktö ngam kūö, ngatī öp ellōn tarik nö hameuktö ngam tarik.
20Chūök Kupah Apatön inrē öt hētu nö tööḵngen, në mat tarik inrē öt hētu nö tööḵngen.
21Chūök vinī-i rupīö tanīöyö, töhūkūö tameūyö inrē chūök humlum, akaha ön ngòh tarik ip ṙô ò nö eū.
22Kiṙöpngö tökulō-ovö el chūök sanông nö sōngö nö holre tö sāiny tösōngö, sön öp kumlō-ov ò nö öt hōḵ nö ṙāngen ò.
23Akahalōn man tö inlahen nup pököre meh, chumkūöṙen inrē tö nup sīṅp meh;
24Tön rö-ö kanôlò nö töng örheūheu; köp öng ṙung inrē ngih sapīöv rācha i tumköl chap?
25Yĕn hö-öv nö ngaich kiyôp meūkö sanīöplö inrē tumfömngöre, hamūlö inrē nup kun chōn minë rôngö,
26Meūken me-eṅ min tö hilāre tö në sīṅp, pököre inrē ṙāi taṙeū meh;
27Kô-òngkūö me-eṅ min tö aṅ teh pököre, nya-aṅkūö yīö hĕng kinëm mineukṙen yip kūön yīö kikānö inrē.
Currently Selected:
INCHŌḴ-OṘÔ 27: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.
