Mumkahten INLĀHEN NGAM LĪPÖRE
INLĀHEN NGAM LĪPÖRE
Ngam Līpöre Mumkahten nö aṅ mat tö nup mufēḵ Tö hāngenlōn tö mikah “Filo-sofos” (Philosopher), nö ap tarik tö aṙū-uti mufēḵ tö ngam nômö ngòh tarik nö töng i rò-òten hēk tö sitih kanihngen, holre tö nup töt mikahkūö ötlanë-nö e tö nup kanihngen e inrē, ngaich mā-ngô re tö ngam “nômö nö töng öt tö kamsuṙen (kamtu.)” Hö-ö anga-aṅ nö akaha elmat tö nup talöökö tī ngam Tēv, ngam mahayöngken nômö ngòh tarik. Ngaich pöri nö tö pòrò anū-ö në nö ngatī, anga-aṅ nö halēn tarik nö mā-anyre nö la-evṙen, ngaich kumchikngölōn re nö in nup inlōntö re tö ngam Tēv nö ngatī nö sā Kanò-òṅ re.
Pōyen nup ṙô yip tö akaha nö töng öt kamsuṙen ngaich pī-a nö tö tī-ivö tö miṙivlōn kò-en pöri ngih līpöre nö i mat ngam Töhet līpöre nö mahameuk tö ṙôkti ngam ṙinātö ellōn nö tö kò-òre nö ka-ip ngen në tö ngatī kintöngölōn. Pōyen yip tö ṙāmölōn yĕn tumëṅlkö kūö re nö i mat ngam tinmëṅl yik mumkahten, ngaich kôtö kūö tö e angū-ö ngih Töhet Līpöre nö mahangëṅken cha nö lökten inmeuktö në mufēḵ në tö tī-ivö töm mineūka im Tēv ngam kamëtö nômö nö tö pōiṙāi.
Currently Selected:
Mumkahten INLĀHEN NGAM LĪPÖRE: CANIBSI
Highlight
Share
Copy
Want to have your highlights saved across all your devices? Sign up or sign in
Car Nicobarese (Re-edited) Bible - TÖHET LĪPÖRE
Copyright © 2010 by The Bible Society of India
Used by permission. All rights reserved worldwide.