Romen 3

1Alor, ki lavantaz en Zwif i annan? Ki litilite sirkonsizyon? 2En gran lavantaz dan tou sans: Premyerman, se avek bann Zwif ki Bondye in konfye son bann promes. 3I vre ki serten parmi zot pa ti reste fidel. Alor, eski Bondye ava arete fidel, akoz zot in vin enfidel? 4Non! Sertennman pa. Fodre rekonnet ki Bondye i azir selon laverite, menm si tou et imen i manter. Annefe, Lekritir i deklare:

Ou devre ganny rekonnet vre par ou parol

e ganny ou zafer si ou ganny zize#3.4 Ps 51.6..

5Me si nou bann move aksyon i montre ki Bondye i zis, ki nou kapab dir? Eski Bondye i enzis akoz i pini nou? La mon pe rezonn koman en zonm. 6Pa ditou! Si ti konmsa, ki mannyer alor, eski Bondye ti pou kapab ziz lemonn?

7En dimoun i kapab dir: Si par mon mansonz, laverite i aparet pli kler pour montre mazeste Bondye, akoz alor, mon devre ganny kondannen koman en peser? 8Alor, akoz nou pa dir parey serten i akiz nou: Annou fer sa ki mal pour fer sorti dibyen! Sa bann dimoun, zot merit ganny kondannen.

Napa Personn ki Zis

9Alor kwa? Eski nou Zwif, nou pli siperyer ki lezot? Pa ditou! Mon'n deza montre ki tou dimoun i anba dominasyon pese, Zwif koman non-Zwif. 10Annefe, Lekritir i deklare:

Napa personn ki zis,

pa menm en sel.

11Napa personn ki annan disernman,

personn pa rod Bondye.

12Tou dimoun in kit bon semen;

zot in tourn ver lemal.

Napa personn ki fer sa ki byen,

pa menm en sel#3.12 War Ps 14.1-3; 53.2-4..

13Zot lagorz i koman en latonm ouver.

Zot servi zot lalang pour tronpe.

Sa ki sorti ant zot lalev,

i en venen serpan#3.13 War Ps 5.10. .

14Zot labous i ranpli avek malediksyon ek lanmertim#3.14 War Ps 10.7..

15Zot depese pour fer disan koule.

16Zot les destriksyon ek maler partou kot zot pase.

17Zot pa'n konn semen lape#3.17 War Eza 59. 7-8..

18Zot napa respe pour Bondye#3.18 War Ps 36.2..

19Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye. 20Annefe, napa personn ki pou pas pour zis devan li#3.20 War Ps 143.2. akoz in obei Lalwa. Lalwa i zis permet en dimoun konnen ki i'n komet pese.

Zistifye par Lafwa dan Zezi-Kri

21Me aprezan, Bondye in montre ki mannyer i rann nou zis devan li, san lentervansyon Lalwa Moiz. Lekritir ek bann profet in deza koz lo sa size: 22Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon. 23Annefe, tou dimoun in fer pese e in perdi mazeste Bondye. 24Me dan son bonte, Bondye in rann zot zis gratwitman par Zezi-Kri ki'n delivre zot dan pese. 25Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese. 26Me ozordi ankor i zis, akoz i oule anmenmtan azir dapre lazistis, e rann zis tou sa bann ki krwar dan Zezi.

27Alor, eski i annan ankor rezon pour nou fer vantar? Non, napa. Akoz napa? Akoz sa ki konte aprezan, se pa obei lalwa, me annan lafwa. 28Annefe, nou krwar ki en dimoun i ganny zistifye par son lafwa, me pa akoz i'n obei lalwa.

29Oubyen, eski Bondye i Bondye zis bann Zwif? Pa i Bondye lezot pep osi? Byen sir, i Bondye lezot pep osi, 30akoz i annan en sel Bondye#3.30 War Det 6.4.. Par lafwa i pou rann zis devan li bann Zwif sirkonsi, e par lafwa egalman bann non-Zwif ki pa'n ganny sirkonsi. 31Donk, kan nou annan lafwa, eski sa i vedir ki nou rann lalwa initil? Non! O kontrer, nou pe donn lalwa son vre valer.

Currently Selected:

Romen 3: BSK

Highlight

Copy