Psonm 97
97
Bondye I Gran Sef
1SENYER i lerwa!
Later i rezoui!
Bann zil i dan lazwa!
2Fernwanr ek nyaz i antour li.
Son tronn i fonde lo lazistis ek ladrwatir.
3Dife i avans devan li;
i bril son bann lennmi dan tou kote.
4Bann zekler i ilimin lemonn;
kan later i war sa, i tranble.
5Bann montanny i fonn parey lasir
devan SENYER ki gouvern later antye.
6Lesyel i proklanm son lazistis;
tou bann pep in war son laglwar.
7Zot devre onte, zot ki ador zidol,
zot ki fyer avek zot bann zidol initil.
Tou sa bann zidol i prosternen devan SENYER.
8Kan bann zabitan Zerizalenm i antann sa,
zot dan lazwa
e bann zabitan lavil Zida i rezoui,
akoz ou bann zizman, SENYER.
9Annefe, ou menm SENYER,
Bondye Treo, par lao later!
Ou ganny eleve par lao tou bondye.
10Ou ki kontan SENYER!
Deteste lemal.
I vey lo lavi bann ki obei li;
i delivre zot dan lanmen bann malfeter.
11En lalimyer pe leve
pour sa enn ki obei Bondye;
lazwa i ranpli leker sa enn ki pir.
12Ou ki obei SENYER!
Reste dan lazwa.
Sant bann louanz pour son non sen!
Currently Selected:
Psonm 97: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
