Psonm 29
29
Lavwa Senyer dan Tanpet
Psonm David.
1Loue SENYER, zot bann garson Bondye!
Proklanm son laglwar ek son pwisans.
2Proklanm gran non SENYER.
Prostern devan prezans SENYER
ler i manifeste son sentete.
3Dan son mazeste, SENYER Bondye
i fer tande son lavwa lo delo.
Son lavwa i parey loraz,
i rezonnen lo bann losean.
4Lavwa SENYER i rezonn avek gran pwisans.
Lavwa SENYER i ranpli avek mazeste.
5Lavwa SENYER i kas bann pye sed.
SENYER i kraz bann pye sed Liban.
6I fer Liban sote parey en zenn bef
e montanny Hermon parey en zenn toro sovaz.
7Lavwa SENYER i fer zekler.
8Lavwa SENYER i fer dezer tranble.
SENYER i fer tranble dezer Kades.
9Lavwa SENYER
i sekwe bann gran pye dibwa
e depouy lafore.
Dan son tanp, tou dimoun i kriye: Glwar!
10SENYER i lo son tronn par lao delo.
SENYER i lerwa pour touzour.
11SENYER pou donn son pep lafors.
SENYER pou beni son pep e donn li lape.
Currently Selected:
Psonm 29: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
