1 Tesalonisyen 3
3
1Alor, akoz nou ti nepli kapab siporte espere, nou ti deside reste tousel Atenn#3.1 War Akt 17.15-16.. 2Nou ti anvoy Timote, nou frer e serviter Bondye dan lanons Bonn Nouvel Kris. I ti pou fortifye e ankouraz zot dan zot lafwa, 3pour ki personn parmi zot pa les li dekouraze par bann persekisyon ki nou pe sibir. Annefe, zot konnen ki sa bann persekisyon i fer parti plan Bondye pour nou. 4Annefe, kan nou ti kot zot, nou ti anons zot ki nou ti pou ganny persekite. Parey zot konnen, sanmenm sa ki'n arive. 5Pour sa rezon, akoz mon ti nepli kapab siporte espere, mon ti anvoy Timote pran nouvel zot lafwa. Mon ti per ki dyab ti'n tant zot e ki tou nou travay ti ava'n vin initil.
6Aprezan, Timote in retournen sorti kot zot#3.6 War Akt 18.5. Pol ti ekri sa let depi Korent.. I'n donn nou bann bon nouvel konsernan zot lafwa ek zot lanmour. I'n dir nou ki zot mazin nou avek bokou lafeksyon e ki zot osi, zot anvi war nou, parey nou anvi war zot. 7Ensi, mon bann frer ek ser! Dan tou nou bann langwas ek nou bann soufrans, nouvel zot lafwa in ankouraz nou. 8Aprezan nou reviv, akoz zot reste solid dan Senyer. 9Ki mannyer nou pou remersye Bondye lo zot size, pour tou lazwa ki nou gannyen akoz zot, devan li? 10Nou sipliy li aswar koman lizour, pour permet nou revwar zot fas a fas e konplet sa ki manke dan zot lafwa.
11Mon demann Bondye nou Papa, e nou Senyer Zezi, diriz nou semen pour nou vin kot zot. 12Mon demann Senyer ogmant lanmour ki zot annan pour kanmarad e pour tou dimoun, parey lanmour ki nou annan pour zot. 13I ava fortifye zot leker e rann zot sen e parfe devan Bondye nou Papa, pour sa zour ki nou Senyer Zezi ava retournen avek tou son bann ki i'n konsakre pour li. Amenn#3.13 Napa sa mo dan serten ansyen maniskri..
Currently Selected:
1 Tesalonisyen 3: BSK
Highlight
Share
Copy
Want to have your highlights saved across all your devices? Sign up or sign in
Labib An Kreol Seselwa © Seychelles Bible Society, 2013.
