ZEKARIA 5
5
Mülachiba Thrahlohcho Münguchehcho
1Ihnü thali dhingcho, ko hiba bekhyah thrahlohcho khüdu nyübongla mülachi ngucho. 2Ihnü tu ngucho pü ninglang riwürünü Ite tsingdhingcho. Ihnü lalingcho, “Thrahlohcho khüdu nyübongla mülachi yale; Hütsü athsenglang khehap mükyü, ko adilang khehap dhüre lile.”
3Hütsüpü abinü Ite yocho, “Hütsüla limih apümlang chokehcholanung thrah lile. Atpah khüulang limih lanü aführü apüm pehnung thrah licho yore; atpah khüulang arahkheh cho yuchümrü apüm khyümüi pehnung thrah licho yore. 4Hiba chokehchola hi aführü kukhi müipi, ko arahkheh cho yuchümrü kukhi müipi la züdunungepü Akohbong Abüdongba-nü yore. Arüh kukhitila hi linung ko arüh thsangnyangjünung.”
Loh la Khingkurü Münguchecho
5Ninglang riwürü thali chüropü yocho, “Dhing! Langpa khüdu role!”
6Ihnü yocho, “Hütsü tuo?”
Abinü lalingcho, “Hi limih apüm münyi nengdang yoba loh khüdu lile.”
7Loh tsü akhangtising ilünü külüpcho. Ihnü dhingde, akhangtising tsü luthrucho, ko loh la tsü khingkurü khüdu pümcho!
8Ninglang riwürü tsünü yocho, “Hiba khingkurü adüzü athrünyi.” Hütsüpü abükyü tsü loh la dümyohchüpü hapticho. 9Ihnü tsungmüsu dhingde, khingkurü anyüh kih uza adsaya kyo Ih yang mong rocho. Arühnü loh tsü khyo bipü mongtsicho.
10Ihnü riwürü te tsingdhingcho, “Hütsü khüde hitsiro?”
11Abinü lalingcho, “Arühnü hütsü nengdang amübükuh thsanung Babylon lang hiwüre. Amübükuh tsü thümpü, mübünung nengdang loh tsü hütsüla yohpünung.”
Currently Selected:
ZEKARIA 5: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
