ZEKARIA 4
4
Dsimüdongsing Müngucheh
1Ite chota yaba ninglang riwüba tsü thali rocho ko Ih yüpseh licho kyo khamüsucho. 2Abinü yocho, “Nühnü tu nguro?”
Ihnü lalingcho, “Hon-nü külüpcho dsimüdongsing khüdu.” “Akuchah tsü tuji yohnung tbhüza khüdu kehcho. Dsimüdongsing chah tsü dsi dhünyeh ko hütsü müipila pita zehcho. 3#Mis 11.4Dsimüdongsing müshüm olive singdong anyüh khüulang khüdu khüulang khüdu licho.” 4Achotsü Ihnü riwüba te tsingcho, “Adirü, hiri hi tu adüzüo?”
5Abinü Ite tsingdhingcho, “Nühnü mümüdherü do?”
Ihnü lalingcho, “Adirü, Ihnü mümüdhe.” (Arü 10b— 14, Yukheh chungkehtasohnung hirocho lile)
Zerubabel te Nyengchocho
6 #
Ezr 5.2
Abüdongba chahnü yu hi Zerubabel te yonung ninglang riwürünü Ite yocho: “Kohdichonü mah, mahkhang mübü tasenü mah, ta I nbü khu kohsohnung. 7Nü bete azong toh-i athsungkyang linye changpehnung. Nühnü amübükuh tsü thsachinung, ko nühnü lung achangkathsa müdongde, ‘Tsarale, Tsarale pü müyurünü züdenung!’”
8 Abüdongba chahnü apa yusi khüdu Ih yang rocho. 9Abinü yocho, “Zerubabel-nü amübü kuphi tsü khengko, ko abinü thsakanung. Hi tikehde, Abüdongba-nü Ih arüh yang müthehchoepü arühnü müdhenung. 10aAzikehba tsü khairachonü arüh mükünyangcho. Ta Zerubabel-nü münyehli amübükuh thsacho arühnü ngunung ko arüh künyangnung.”
10b #
Mis 5.6
Ninglang riwürünü Ite yocho, “Dsi dhünyeh tsü limih apüm nguba Abüdongba nahtse dhünyeh lile.”
11 #
Mis 11.4
Hütsüpü Ihnü abi te tsingdhingcho, “Dsimüdongsing anyüdinglang olive singdong anyüh adüzü tuo? 12Ko olive tuji tungkehba hon müsü anyüh müshüm olive jengza anyüh adüzü tuo?”
13Abinü Ite tsingcho, “Nühnü mümüdherü do?”
Ihnü lalingcho, “Adirü, Ihnü mümüdhe.”
14Hütsüpü abinü yocho, “Hiri nyitsarü anyüh hi limih apüm Abüdongba Tsingrang-nü Abi dikehnung müyühjü throchehcho lile.”
Currently Selected:
ZEKARIA 4: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
