MALAKI 1
1
1Hi Abüdongba-nü Israelrü khyang Malaki khu jücho yusi.
Israel nengdang Abüdongba Amüi
2 #
Rom 9.13
Abüdongba-nü amüyurü te yocho, “Ihnü lede nührü müicho.”#Isa 34.5-17; 63.1-6; Jer 49.7-22; Ezk 25.12-14; 35.1-15; Amo 1.11-12; Oba 1-14
Ta arühnü yore, “Nühnü ihrü khüta müicho?”
Abüdongba-nü lalingre, “Esau e Jakob nyüh jüninyü, ta Ihnü Jakob ko abi chahnü trahchocho müicho, 3ko Esau ko abi chahnü trahchocho thrünyicho. Ihnü Esau azong lih thsangnyangjücho ko rangmü kanglungrü khyang alih tsü pehjücho.”
4Esau trah, Edomrünü “Ihrü sühdiyang thsangnyangjüko, ta ihrünü külüpchinung pü yokhang” hütsüde Abüdongba-nü lalingnung, “Thsalisohng, Ihnü thali tphünahjünung. Nyitsarünü arüh te, ‘Amütsa ko Abüdongba zichüroba yucho pü dsinung.’”
5Israelrünü hi arüh nahtsenü ngunung, ko yonung, “Israel lih khupü mii Abüdongba tsü Akohbong.”
Abüdongba-nü Bebürü Yübücho
6Akohba Abüdongba-nü bebürü te yore, “Atsurü khüdunü au jengreng drüre, ko kulirünü abüdongba jengreng drüre. Ih nührü au, tuepü I jengreng müdrüro? Ih nührü abüdongba lile, tuepü Ih müdrüro? Nührünü Ih mükhire, ta nührünü, ‘Ihrünü nüh khüta mükhicho’ pü yore. 7Nührünü I bholu chah amümüsa tsuyongnung mübüre. Adesü nührünü yore, ‘Ihrünü nü jengreng khüta müdrücho?’ I bholu münyijücho nengdang Ihnü nührü te yonung. 8#Azk 15.21Nührünü adhsangnang, anahtoh mahkhang ajingjah kanglungrü amübü jüba tsü amünyi mahrü do? Governor khyang hütsütari kanglungrü jodhing! Abinü künyangnü müinung do?”
9Nührü bebürüti, ade Tsingrangba te Ihsa müisohnung tsingdhing. Abinü nührü te mülalingnung, ta hütsü nührü mülang thsanung. 10Akohbong Abüdongba-nü “I bholu chah amükhyu michang tahkehba yatinung nengdang nührü yola nyüh khüdunü amübükuh trahtri khangtisohnyüre. Ih nührü te mükünyang; Ihnü nührü amübü mükhyüchonung. 11Nyüchüro langnü nyüzüdu chii I neng dhichire. Apümlang müchiji tah adekheng kangmübü I khyang jüre. Arüh atümungnü Ih dhichire! 12Ta nührünü I bholu tsü amii mühlepü chode ko münyicho tsuyongnung nührünü mübüde, I jengreng müdrüre. 13‘Hiri apümnü müthohkopü yore’ ko nührü naking hingkehre. Nührünü Ih mübünung afühcho mahkhang ajingjah ko adhsangnang kanglungrü hirore. Ihnü hütsüri khyüchonungepü lümrü do? 14I khyang jünung nyengchocho kanglungrü yola atsa lipü amii müliba kanglungrü I khyang kangmübü jüba kihyochüba nyitsarü tsü chokehcholang! Tunüo Ih yangthsaba amülah, ko yucho apümnü Ih drüre.”
Currently Selected:
MALAKI 1: SANGBSI
Highlight
Share
Copy
Want to have your highlights saved across all your devices? Sign up or sign in
Sangtam Naga (Re-edited) Bible - AMÜSA BAIBEL
Copyright © 1995 by The Bible Society of India
Used by permission. All rights reserved worldwide.
