LUK 3

Johan Baptükbüi Chongvenpü

(Mt. 3:1–13; Mk. 1:1–8; Jn. 1:19–28)

1Tiberius Ongpai vanglem lempü bong anpüngapabü kü Judea kü governor Pontius Pilat, Galil kü Herod, Ituraea hatü Trakhonitis kü chenaü Philip, hatü Abilene kü Lysanias-i vanglem lemei nyushi, 2hatü Anna hatü Kaiaphas nyi ngongchong vaiyei nyushi Zekhariahlei cheha Johan kü jahpanei Kahvangei shah pei. 3Büpai Jordan shinpü kahmük peülei mang tükhen shingvaishi mong lepei baptükhen chongven. 4Isaiah thibülei lai kü nyangei nyupükei:

“Jahpanei hüki lenpü ngeü:

‘Shembüpalei lem temtuh,

büpalei lemthü kangshangi lingtuh.

5Showhinet shing peü mahen,

kahshang hatü shangtao peü kahji leidaihen,

Lem kaok kemei kangshangi linghen,

shawship lemmang nyüei linghen;

6hatü phai peüi Kahvang yemleipü eehen.’ ”

7Büpa touei baptükhahnüng peijapü khongnyü kü Johani, “Amphong biüei hapeüthü! Peikahen nyupü mongshih kübü nyaidaihen mü üpai amphong kü shahvüng shuohpa? 8Mong leppü shangshi betjük jüktuh. Ammi laophü nyingkü, ‘Hamei bühipayü Abraham hih’ shei te-e; mehenangkü ngei am kü enyeih, Kahvangi hathü yaong kübü Abraham shing hühihathü bhaohühen aokhen hih. 9Shaangao pü chongei ay haüshi nyüke; hanangkü betjük meipü nejükpü püthü peü agei aw kü jaktükhen” shei e.

10Khongi büpa kü, “Shejema hami mehe dükhenang?” shei phe. 11Büpai jangei jomphong kü, “Üpa bhagthuh nyi nyu, büpai neshiüpüba kü hük hantuh, hatü üpai hahying ang, büpaiyao hapakei hantuh” shei e.

12Lat thaipüthü dangkao büpa touei baptükhahhen pei, hatü jomi büpa kü, “Nyuhbü, hami mehe dükhenang?” shei phe.

13Büpai jomphong kü, “Thaihen jiüpü kü nyeishi tethai” shei e.

14Hahepak kü veshanthü hanei büpa kü, “Hamphongiyao mehe dükhenang?” shei phe. Büpai jangei, “Amphongi üpa leipao lop te-aet nevaijü üpa kao shahshemi tenyonghü– nüngi mehe ang, ha kü mong hüshemei nyutuh” shei e.

15Shennyakthü monglempai maei, hatü peüi Johan nangkü jomei mongei büpayü Messiah#Khrista. vaila shei pheyei nyushingkü, 16Johani jomphong kü shahnyok shuoh-ei, “Ngei amphongü yungi baptüknyeih, shejao ngei mao nyeishi wong kohpü hük peikünyüke; ngei büpalei lathuh vü laihenao neaok. Büpai amphong kü Laangha Daülangpai hatü awi baptükphahen. 17Büpalei lakei hahyüp oom noshi nyüke; büpai ha hah yüpei daütüktü hah kemei büpalei puongmongei thailanghen; shejao hahbhangü mechemao nemetpü aw kü jaktükhen” shei e.

18Hanangkü lebü nangthong shah longi eyei büpai nanglakthü kü shahjang meipü baongteke. 19Shejao Herod vanglem lembü kü chenaüei nyüha Herodias nangkü, hatü Herodi dükpü mang douthü nangkü büpai lohshuohpü nangkü, 20hathü peü thaitü Johan khoklatei yepei küpteke.

Jisu Baptükpü

(Mt. 3:13–17; Mk. 1:9–11)

21Shaang mechem nanglakthü peü baptük, hatü Jisu-ao baptüktü phopei nyupa, vangsho shaden ap, 22hatü Laangha Daülangpü athuba kei yiüei büpa kü bak, hatü vangsho leipü ngeü hük vamei, “Nüngü ngei bampü Ha; ngei nüng kü mong hahnyeih” shei e.

Jisulei Bülem

(Mt. 1:1–17)

23Jisui büpalei chongphopü dousho pangshingkü büpa bong hapüan hükshing nyu. Büpayü (nanglakthüi deihpü keiha) Josephei ha nyu. Joseph-ü Helilei ha, 24Heliyü Matthatei ha, Matthatü Levilei ha, Leviyü Melkilei ha, Melkiyü Jannailei ha, Jannaiyü Josephei ha, 25Josephü Mattathiaslei ha, Mattathiasyü Amoslei ha, Amos-ü Nahumei ha, Nahumü Eslilei ha, Esliyü Naggailei ha, 26Naggaiyü Maathlei ha, Maath-ü Mattathiaslei ha, Mattathias-ü Semeinlei ha, Semeinü Josekhlei ha, Josekh-ü Jodalei ha, 27Jodayü Joananei ha, Joananü Rhesalei ha, Rhesayü Zerubbabelei ha, Zerubbabelü Shealtielei ha, Shealtielü Nerilei ha, 28Neriyü Melkilei ha, Melkiyü Addilei ha, Addiyü Kosamei ha, Kosamü Elmadamei ha, Elmadamü Erlei ha, 29Er-ü Joshualei ha, Joshuayü Eliezerlei ha, Eliezerü Jorimei ha, Jorimü Matthatei ha, Matthatü Levilei ha, 30Leviyü Simeonei ha, Simeonü Judahlei ha, Judah-ü Josephei ha, Joseph-ü Jonamei ha, Jonamü Eliakimei ha, Eliakimü, 31Melealei ha, Meleayü Mennalei ha, Mennayü Mattathalei ha, Mattathayü Nathanei ha, Nathanü Davidei ha, 32Davidü Jesselei ha, Jesseyü Obedei ha, Obedü Boazlei ha, Boazü Salmonei#Sala sheiyao eehen. ha, Salmonü Nahshonei ha, 33Nahshonü Amminadabei ha, Amminadabü Adminei ha, Adminü Arnilei#Aram sheiyao eehen. ha, Arniyü Hezronei ha, Hezronü Perezlei ha, Perezü Judahlei ha, 34Judahyü Jakobei ha, Jakobü Isakei ha, Isakü Terah am Nahorlei cheha Abrahamei ha, 35Nahor-ü Serugei ha, Serugü Reulei ha, Reu-ü Pelegei ha, Pelegü Eberlei ha, Eber-ü Shelahlei ha, 36Shelah-ü Kainanei ha, Kainanü Arphaxadlei ha, Arphaxadü Shemei ha, Shemü Noahlei ha, Noah-ü Lamekhlei ha, Lamekhü, 37Methuselahlei ha, Methuselah-ü Enokhei ha, Enokh-ü Jaredlei ha, Jaredü Mahalaleelei ha, Mahalaleelü Kainanei ha, 38Kainanü Enoslei ha, Enos-ü Sethlei ha, Seth-ü Adamei ha, Adamü Kahvangei ha nyuteke.

Currently Selected:

LUK 3: PHOMBSI

Highlight

Copy