SHURAI 36

Esau Tyaonah Maitao

1Haitao hai Esau (süolouzü Edom) vei tyaonah maitaoe. 2Esau nou Kanaan maipfü nayu taohai: Hitmai puona Elom nahpai Adah, Hivmai puona Zibeon nahpoutu Anah napai Oholibamah, 3Ishmeal napai ae Nebaioth tupai Basemath. 4Adah nou Eliphez napeie, Basemath nou Reuel napeie. 5Oholibamah nou Jeush, Jalam ae Korah napeie. Nahpoutu haitao hai Kanaan teidei hinou naloue.

6Süthaisü Esau nou puh chapfü, puh nahpoututao, nah naotutao, puh kikha hi buyu mai hrülai ae puhvei hrikhaona ae Kanaan teidei hinou ngaolouyu kini teitei poloua puh thaihou hinou tapoa buh kukhe hi hotare. 7Daiolouzü Jakob ae puh vei kikhaorü kholai dei sü taile loure. 8Südonou Esau nou Edom vei deichi nuh Seir hilo taho butare.

9Haitao hai Esau vei tyaonah, Edom maivei puopaoh-e. 10-13Esau chapfü Adah nou Eliphaz napeie, ae Eliphaz nou nahpoutu angou ngaoloue, sütaosü Teman, Omar, Zepho, Gatam, ae Kenaz touwe. Chapfü kukhe Timna hinou nahpoutu Amalek ngaopuloue.

Esau chapfü Basemath nou Reuel napeie alia Reuel nou nahpoutu adai ngaoloue. sütaosü Nahath, Zerah, Shammah ae Mizzah toue. 14Zibeon nahpoutu Anah nahpai Oholibamah nou Esau ye nahpoutu asü - Jeush, Jalam ae Korah napeie.

15Haitao hai Esau hinou veyu tyahrütaoe. Esau nahpoutu tsükhana Eliphaz hinou Teman, Omar, Zepho, Kenaz, 16Korah, Gatam ae Amalek maitya hrüvewe. Haitao hai Esau chapfü Adah tyaonah-e.

17Esau nahpoutu Reuel hai Nahath, Zerah, Shammah ae Mizzah touyu tyahrü haitao vei puopaoh-e. Haitao hai Esau chapfü Basemath tyaonah maitaoe.

18Esau chapfü Anah nahpai Oholibamah hinou payu tyahrü taosü Jeush, Jalam, ae Korah toue. 19Tyahrü haitao teitei hai Esau hinou hrüve-e.

Seir vei Tyaonah Maitao

20-21Edom teidei hi hrüve buraitao tyahrü kukua dade paloua lah kukuvei puopaoh phouveyu phaki Hormai puona Seir vei tyaonah haitao hinou hrüve-e. Seir vei tyaonah taosü Lotan, Shobal, Zibean, Anah, Dishon, Ezer ae Dishan.

22Lotan hai Hori ae Heman vei puopaoh-e (Lotan hai Timna touyu tupai ali bue).

23Shobal hai Alvan, Manahath, Ebal, Shepho ae Onam maityatao vei puopaoh-e.

24Zibeon hai nahpoutu ahai bue, puhai zhih nou Aiah ae Anah toue. (Anah nou puo vei rheisüh khoa buyu phaki rekounou dzüleyu dzünghou ali ngaoloue). 25Anah hai Dishon puo-e alia Oholibamah hai Anah nahpaie. 26Dishon nahpoutu taosü haitaoe: Hemdan, Eshban, Ithran, ae Cheran.

27Ezer hai Belhan, Zaavan ae Akan tyahrütao vei puopaoh-e.

28Dishan hai Uz ae Aran tyahrütao vei puopaoh-e.

29-30Haitao hai Edom teidei hinou hrüyu Hormai tyahrütao-e: Lotan, Shobal, Zibeon, Anah, Dishon, Ezer ae Dishan.

Edom hi Vemaitao

31Israel mai hi mailia veo soumo kinou mai haitao nou shoshonou Edom hi veo soue. 32Beor nahpoutu Bela nou Edom hi veo soue. Puhvei nuhdu nasü Dinhabah-e. 33Bela thaiyu thai, Bozrah hinou Zerah nahpoutu Jabab nou vebuh thaoloue. 34Jobab thaitayu thai Teman nuh hinou veyu Husham nou vebuh thaoloue. 35Husham thaitayu thai Bedad nahpoutu Hadad nou pa vebuh thaoloue. Puhnou Midia maiye Moab mai teidei hinou reih veiloue. Puhvei nuhdu nasü Avith tea kue. 36Hada thailo Masrekah maipuo Samlah nou vebuh thaoloue. 37Euphrat rei hi buyu Rehoboth maipuona Shaul nou Samlah thailo pa veo souloue. 38Shaul thaitayu thai Akbor nahpoutu Baal-hanan nou pa veo souloue. 39Baal-hanan thaiyu thai Pau mai nuhdu hinou veyu Hada nou vebuh pa buloue. Puh chapfü zhih hai Mehetabel toue, puh hai Matred nahpaie ae Mezahah tyao-e.

40-43Esau hai Edom mai tyahrü haitao vei puopaoh-e: Timna, Alvah, Jetheth, Oholibamah, Elah, Pinon, Kenaz, Teman, Mibzar, Magdiel, ae Iram. Tyahrü haitao alili nou buyu nuh sü puletao tyahrü zhih nanou süwe.

Currently Selected:

SHURAI 36: POUMBSI

Highlight

Copy