1 JOHAN 1
1
Ahri Chipao
1Shurai hinou buyu ahri Chipao süna vanou Ehnou neletao hi rüwe. Sünasü Ehnou chouloure, alia süsü Eh nghithou nou ngaoloure; ovai, Ehnou süsü ngaoloua Eh bahnou süsü deiloure. 2Ahri sünaye pongao peiwuyu kisü, Ehnou süsü ngaoe ea süna vanou Ehnou zhopaoh soue, alia Puoye koa buwu-a Eletao hi pongao peiwuyu teisa ahri süna vanou neletao hi paongaowe. 3Ehnou Puo ea Nah Poutu Jisu Khristaye koa meime ali soua buyu hi neletao-a Ehye koa meime sünahi louzho loure donou, Ehnou ngaolouyu ea choulouyu süsü neletao hi-a paosüwe. 4Ehvei sayu hai chekhou loure donou haisü Ehnou rüwe.
Ramai hai Avae
5Chuwo Puhnah Poutu hinou Ehnou chouloua paosüyu chipao sünawo louzü haire; Ramai hai avae alia puh hisü teizhi ali-a hae. 6Eletao nou teizhi hinou ta-a bulukhu, Eletao hai puhye koa meime zhowe tea Eletao nou pao-a bulouzü, Eletao sü madawe ea achechena thaifüa hrümoe. 7Ana puhnou avahi buyu büa, Eletao nou ava hinou hrüa bulouzü, süthaisü Eletao sü alinou liye koa meime zholoure, alia puhnah Poutu, Jisu vei zhenou Eletaoye mah teitei hinou soushee peiwure.
8Eletao nou Eletao hai mah hae tea paolouzü, Eletao nou lah Eletaoye labaiwe, alia acheche nasü Eletao hi hae. 9Ana Eletao nou Eletao vei mah hai Ramai hi dua paopa ngaowu louzü, puhwo louche louveie ea chechewe, alia Eletao mahsü khaipeilai ea Eletaoye Eletao vei kao-zümoyu teitei hinou soushee peilai. 10Eletao nou Eletao hai mah soumoe tea paolouzü, Eletao nou Ramaiye madayu mai ali soupeire, alia puh chipaosü Eletao hi hae.
Currently Selected:
1 JOHAN 1: POUMBSI
Highlight
Share
Copy
Want to have your highlights saved across all your devices? Sign up or sign in
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
