ROM 16

Mi mal chibai bûkna

1Kan farnu, Foibi, Kenkriai kohhrana rawngbâwltu hi, 2Lalpa hminga mi thianghlimte tih âwm rênga lo lâwm tûr leh, puih a ngaihna apianga lo pui tûrin ka duh che u a ni. Amah pawh hi mi tam tak puitu a lo ni ṭhîn a, kei ngei pawh hi mi pui a ni.

3Priski#16:3 Mss ṭhenkhatah, ‘Priskili,’ tih a ni, inkoh duatna, ‘tê’ kan belh ang hi a ni. leh Akuila, Krista Isuaa ka hnathawhpuite kha, chibai ka bûk e.#Tirh. 18:2. 4Anni chuan ka nun chhanhim nân thih pawh an huam kha; kei chang ni lovin, Jentail kohhran zawng zawng pawh an chungah an lâwm a ni. 5An ina kohhran inkhâwmho kha chibai ka bûk e.

Ka duh tak Epainata, Asia rama Krista ring hmasa bera kha, chibai ka bûk e.

6Mari, in tân rim taka thawktu kha, chibai ka bûk e. 7Andronika leh Junia,#16:7 Mss ṭhenkhatah, ‘Julia,’ tih a ni. ka chipui leh ka tânpuite kha, chibai ka bûk e; anni chu tirhkohte zînga hmingthang tak an ni a, kei aia Krista ring hmasa an ni.

8Ampliata, Lalpaa ka duh tak kha, chibai ka bûk e.

9Kristaa ka thawhpui Urbana leh ka duh tak Stakua kha chibai ka bûk e.

10Kristaa mi tak, Apelia kha chibai ka bûk e. Aristobula chhûngte chibai ka bûk e.

11Ka chipui Herodiana kha chibai ka bûk e. Narkisa te chhûng zînga mi Lalpaa awmte kha chibai ka bûk e.

12Trufaini leh Trufosi, Lalpaa thawk rim ṭhînte kha, chibai ka bûk e. Duh tak Persi, Lalpa tâna rim taka thawk ṭhîn kha, chibai ka bûk e. 13Lalpa hnaa mi langsâr tak Rufa leh a nu, ka nu ve bawk kha, chibai ka bûk e. #Mk. 15:21.

14Asunkrita te, Flegona te, Hermea te, Patroba te, Herma te, an hnêna unau awmte nên, chibai ka bûk e. 15Filologoa leh Juli nên, Nirea leh a farnu nên, Olumpa nên, an hnêna mi thianghlim awm zawng zawng nên chibai ka bûk e.

16Fawh thianghlimin inchibai tawn ula, Krista kohhran hian chibai kan bûk bawk a che u. #2 Kor. 13:12; 1 Thes. 5:26; 1 Pet. 5:14.

17Unaute u, zirtîrna thu in dawn kalh zâwnga in zînga inṭhenna leh tlûkna chawk chhuaktute lakah fîmkhur ula, anni chu hawisan tûrin ka ngên a che u. 18Chutiang mite chuan kan Lalpa Krista rawng an bâwl lo va, mahni pumpui rawngbâwl mai an ni. An ṭawng hmang thiam leh kam ṭhatin mi mâwlte chu an bum ṭhîn. 19Chanchin Ṭhaa in nghehzia hi mi tin hriat a ni; chuvângin, kei pawh in chungah ka lâwm a ni. Thil ṭha lama finga, sual lama in fihlîm ka duh a ni. 20Remna Pathian chuan Setana chu in ke hnuaiah a rahbehtîr thuai dâwn che u a ni.

Kan Lalpa Isua Krista khawngaihna chu in hnênah awm rawh se. 21Ka hnathawhpui Timothea leh ka chipui Lukia te, Jasona te, Sosipatera te hian chibai an bûk a che u. #Tirh. 19:29.

22Kei, Tertia, he lehkha ziaktu hian, Lalpa hmingin chibai ka bûk a che u.

23Ka thlen in-pa, kohhran inkhâwm thlengtu Gaia hian, chibai a bûk a che u. #Tirh. 19:29; 1 Kor. 1:14; 2 Tim. 4:20.

Khaw sum enkawltu Erasta leh a unaupa Kuarta pawhin chibai an bûk a che u.

24Kan Lalpa Isua Krista khawngaihna chu in zaa hnênah awm rawh se. Amen.#16:24 Châng 24 hi Mss ṭhenkhatah a tel lo.

Tihtâwpna ṭawngṭai

25Pathian chu i chawimawi ang u; Ani chuan Isua Krista thu, Chanchin Ṭha kan hrilh leh tûn hnua thu ril inthup lo inpuang ta ang hian, in rinnaah nghet takin a dintîr thei che u a ni. 26Tûnah zawng chu thu inthup ṭhîn chu Zâwlneite Lehkhaah a lo lang a, tu pawhin an rina an awih theihna tûrin, chatuan Pathian thupêk anga hnam tin zînga hriattîr a ni ta. 27Pathian awm chhun, finga chu, Isua Krista avângin chatuanin ropui rawh se.#16:27 Châng 27 hi Mss ṭhenkhatah a tel lo. Amen.

Currently Selected:

ROM 16: MIZCLBSI

Highlight

Copy