SAM 41
41
Damlo ṭawngṭaina
Hla hruaitu tân: Davida Fakna hla
1Mi rethei ngaihtuahtutechu an nihlawh e,
Mangan ni-ah Lalpan a chhanhim dâwn si a.
2 Lalpan a vêng ang a, an dam reng ang,
An ramah chuan engthâwl takin an awm ang a,
An hmêlmate kutah a pe lo vang.
3 Lalpan an dam lohvin a enkawl ang a,
An natna a tidam ang.
4Kei chuan, “Lalpa, i chungah thil ka tisual a,
Min khawngaih la, min tidam rawh,” ka ti a.
5Ka hmêlmaten na tak takin min ṭawng khum a,
“Engtikah tak thi-in boral ang maw,” an ti ṭhîn.
6Min tlawh lahin a chhe zâwngin an sawi chhâwng a,
A chhe lam hlîr an la khâwm,#41:6 ‘a sual zâwng hlîr a ngaithla a,’ tih theih a ni.
An kal chhuak a, an sawi darh ṭhîn.
7Min hawtute an inbe ru ṭhîn a,
Ka chhiatna tûr hlîr an ngaihtuah ṭhîn.
8“A na êm a,
A thokâng leh tawh lo vang,” an ti a.
9Ka ṭhian bul ber, ka rin êm êm,
Ka chaw kîlpui ngei chu
Ka chungah a inlek ta. #Mt. 26:23; Mk. 14:18; Lk. 22:21; Jn. 13:18.
10 Lalpa, nang chuan min khawngaih la, min tidam leh ang che,
Ka hmêlmate hi ka han thungrûl teh ang.
11Ka hmêlmaten min hneh loh chuan,
Min duhsak hle tih ka hria ang.
12Ka dik avângin nangin min chelh tlat la,
I hmaah chuan min awmtîr kumkhua ang che.
13 Lalpa, Israel-te Pathian chu fak rawh u,
Chatuan chatuanin amah chu fak rawh u.
Amen, Amen.#Sam. 106:48.
BU II (42-72)
Currently Selected:
SAM 41: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
