SAM 36
36
Mihring sualzia
Hla hruaitu tân: Lalpa chhiahhlawh Davida ta
1Mi sual thinlung chhûngah sualin thu a sawi.#36:1 Hebrai ṭawng chuan ‘zêla thu sawi’ a kâwk. a,
Pathian ṭih ṭûlna rêng a hmu lo. #Rom. 3:18.
2A ngaih dân chuan,#36:2 ‘Ngaihsam takin’ emaw, ‘a inngaisâng hle a’ emaw tih theih a ni.
A sualna chu Pathianin a hmuh a ring lo va,
A huat a ring hek lo.
3Mi bumna thu sual a chhâk chhuak reng a,
Thil ṭha leh fing a ti lo.
4A khumlaizâwlah chuan thil sual a suangtuah ṭhîn,
Kawng sualah chuan a kal lui a,
Thil ṭha lo tih a hnial ngai lo.
Pathian ṭhatzia
5 Lalpa, i ngilneihna chuan vân a tawng a,
I rinawmna pawhin vân dum a thleng.
6I dikna chu tlâng lian tak ang a ni a,
I rorêl dikzia pawh tuithûkpui ang a ni.
Aw Lalpa, mihring leh ramsate i humhim ṭhîn.
7Aw Pathian, i ngilneihna chu a va hlu êm!
Mihringte hian i thla hnuai hlim an pan ṭhîn a.
8I inah chuan thil ṭha eiin an tlai puar a,
I lâwmna lui tui chu i intîr ṭhîn.
9Nang chu nunna tuikhur i ni a,
I êngah chuan êng kan hmu ang. #Jer. 2:13; Jn. 4:10.
10Nangmah hretute chungah chuan i ngilneihna thla chu zâr la,
I dikzia pawh mi ngîlte chungah chuan lantîr zêl rawh.
11Chapote ke chuan min chîl lo sela,
Mi sualte kut chuan min vai lêng bawk suh se.
12Saw! Mi sualte an tlu e,
An thal dêr mai, an tho thei lo.
Currently Selected:
SAM 36: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
