SAM 22
22
Mangang au leh fakna hla
Hla hruaitu tân: Aijeleth Hash-Shahar#22: ‘Vârṭian zukla’ tihna a ni âwm e. thlûka sak tûr: Davida Fakna hla
1Ka Pathian, ka Pathian, engah nge mi kalsan?
Engati nge ṭanpuina dîla ka rûm laia hla taka i awm le?
2Ka Pathian chu chhûnahte ka au va, mi chhâng lo va,
Zân a lo ni, ka ngawi thei chuang si lo.
3Nang zawng i thianghlim a, lalṭhutthlênga ṭhu,
Israel-ten an fak ṭhîna chu i ni.
4Kan pi puten an ring che a,
An rin vângin i chhan chhuak a.
5An au che a, i hum ṭhîn a,
Nangmahah chuan an innghat a, nangin i lo chhanhim ṭhîn.
6Kei zawng changpât ang lek, mihring tling lo ka ni a,
Mî chhawnchhaih leh hmuhsit ka ni.
7Min hmu apiangte chuan min nuihzat a,
An lu thingin min chhiatkhum a.
8“Lalpa hnênah a tlulût alâwm, rawn chhan ang hmiang:
A mi duhzâwng a ni a, rawn chhan chhuak rawh se!” an ti.
9Chhûl aṭanga mi la chhuaktu,
Ka nu hnute ringa mi awmtleitu i ni a.
10Ka pian ata nangmah chauhva innghat ka ni a,
Ka nu pum chhûng aṭang tawhin ka Pathian i ni.
11Hmêlma#22:11 ‘manganna’ tih theih a ni. an lo hnai e, min hlat lul suh,
Ṭanpuitu dang rêng rêng an awm si lo.
12Bâwng kawlhte chuan min hual tuau va,
Basan bâwng huaite chuan min hual vêl e. #Sam. 68:30; Ezek. 39:18; Amos. 4:1.
13Sakeibaknei koham rûm angin
An kâ min ânkhum a. #Jn. 16:10.
14Tui leih buak ang ka ni,
Ka ruhte pawh a pelh zo ta.
Ka thinlung chu khawihnûn tui ang a ni.
15Ka tha#22:15 ‘hrawk’ tia let an awm. lah chu hlumbêl keh them angin a ro zo va,
Ka dangah hian ka lei a bet:
Thi ang dêrin vaivutah chuan min mut a.
16Ui angin min hual vêl a,
Mi sual rualin min zîm a,
Ka kutah leh ka ke-ah an chhun a.
17Ka ruhte chu ka chhiar thei e.
Anni lah chuan min en mai a, min thlîr reng mai.
18Ka silhfênte an insem a,
Ka kawr atân ṭhum an vâwr bawk.#Mt. 27:35; Mk. 15:24; Lk. 23:34; Jn. 19:24.
19 Lalpa, nang chuan min hlat lul suh,
Aw, min ṭanpuitu, lo hmanhmawh teh.
20Khandaih lakah min rawn chhan la,
Hêng ui lakahte hian ka nunna chhanhim rawh.
21Sakeibaknei kâ ata hi min chhandam la,
Ramsial ki kâr ata min la chhuak ang che.
22Tichuan, ka unaute hnênah i hming ka hril ang a,
Pung khâwm zîngah chuan ka fak ang che. #Heb. 2:12.
23 Lalpa ṭihtute u, amah chu fak rawh u,
Jakoba thlahte u, chawimawi ula,
Israela fate u, a hmaah kûn rawh u.
24Retheite chu a hmusit ngai lo va, a ten hek lo.
Ṭanpui an dîlin a lo hria a, a hawisan ngai hek lo.
25Pung khâwm ropui tak zîngah ka fak ang chia,
Nangmah ṭihtute hmaah chuan
Ka thutiamte ka hlen bawk ang.
26Retheite chuan tlai takin ei sela,
Lalpa zawngtute chuan amah chu fak rawh se.
An thinlung chu tihharh ni kumkhua bawk rawh se.
27Lei pum puiin Lalpa an hria ang a, a hnênah chi tin an kîr ang a.
A hmaah chuan hnam tin an ṭhingṭhi ang.
28 Lalpa chu lalber a ni a,
Hnam tin chungah ro a rêl ṭhîn.
29Inei thaute chu a hmaah an kûn ang a,
Inchâwm nung zo lo, vaivuta chang tûrte pawh
A hmaah chuan an ṭhingṭhi ang.
30Ṭhangtharten a rawng an bâwl ang a,
An thlahte hnênah pawh Lalpa thu hi an hril zêl ang.
31“Lalpan a mite a chhanhim,” tiin,
La piang lote pawh an la hrilh ang.
Currently Selected:
SAM 22: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
