SAM 21
21
Hnehna fak hla
Hla hruaitu tân: Davida Fakna hla
1 Lalpa, i chaknaah lal chu a hlim êm êm a,
I hnehtîr avângin a va lâwm êm!
2A duhzâwng chu i pe zêl a,
A ngen apiang i hnial ngai lo.
3Thil ṭha tinrêngin i hmuak a,
Rangkachak thianghlima siam lallukhum chu i khumtîr a.
4Nunna a dîl che a, i lo pe a,
Kumkhuaa damna chu i pe ta a.
5I chhandam avângin a ropui ta êm êm a,
Chawimawina leh zahawmna chu i khumtîr ta.
6Mal i sâwm kumkhua a,
I hmêlin i tilâwm ṭhîn.
7Lal hian Lalpa chu a ring tlat a,
Chungnungbera ngilneihna avângin a nghîng lo vang.
8I kut chuan i hmêlmate i dap chhuak a,
I ding lam chuan nangmah hawtute chu i kawi chhuak ta.
9I lo lan hunah i thinurna meipuiah i paih ang a,
Lalpa, i thinurnain a ei zo vang a,
Mei chuan a kâng ral ang.
10An thlahte chu lei aṭangin an chimit ang a,
An tuchhuante pawh mihring zîngah an ral vek ang.
11I lakah chuan thil sual tih an tum a,
An thil phiarrûk chu a hlawhtling lo vang.
12I thal chuan an hmai i tin ang a,
Tukkhum chhawnin an tlânchhiatsan ang che.
13 Lalpa, i chakna avângin chawimawiin awm la,
I thiltihtheihzia hi fakin kan zai ang.
Currently Selected:
SAM 21: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
