SAM 105
105
Pathian leh a mite
(1 Chr. 16:8-22)
1 Lalpa chu lâwmthu hrilh ula,
A hming lam rawh u,
A thiltih hi hnam tinrêng hrilh rawh u.
2Amah fakin zai ula,
Thil mak a tih zawng zawng hi hril rawh u.
3A hming thianghlim hi chhuang ula,
Lalpa zawngtute chu hlim hle rawh se.
4 Lalpa chu zawng ula, a chakna dîl rawh u,
Ani chu pan fo rawh u.
5A thiltih ropui tak te,
A thil mak tih leh a rorêl dân te,
6Aw, a chhiahhlawh Abrahama thlahte u,
A thlan Jakoba fate u, hre reng rawh u.
7Ani chu Lalpa kan Pathian a ni a,
Khawvêl pum puia rorêltu a ni.
8A thuthlung chu a hre reng a,
Chhuan sâng thlengin a thupêk pawh a hre reng bawk.
9Abrahama hnêna a thuthlun leh
Isaka hnêna a thutiam chu a hre reng a ni.
10Chûng chu Jakoba thlahte tân dânah a nemnghet a,
Israel-te kumkhaw thuthlung atân.
11“Khai le, Kanan ram hi ka pe ang che u,
Ro atân in nei thliah ang,” a ti a.
12Eng tham ni lo, mi tlêm tê
Mikhual mai an la nih lai pawh khân.
13Hnam tinrêng zîngah vâkvaiin
Ram tinah an pêm lâwr a,
14Mahse, tu ma nêkchêp a phal lo va,
Anmahni avângin lalte a zilh zâwk a.
15‘Ka hriakthiha khawih suh ula,
Ka zâwlnei hi a pawi khawih hek suh u,’ a ti.
16Ram pum puiah ṭâmpui mitthi a thlentîr a,
An buh zawng zawng a tihchhiatsak vek kha.
17An hmaa kal tûrin mi a tîr a,
Bawiha an hralh Josefa kha.
18A ke-ah chuan kawl an buntîr a,
A nghâwng thîr khaidiatin an hrêng.
19A sawi lâwk ang ngei khân a thleng ta a,
Lalpa thu chu a dikzia a lang ta.
20Aigupta lalber chuan a chhuahtîr ta a,
Chu hnam hotu ngei chuan a chhuahtîr ta.
21A ram hotu-ah a siam a,
A neih zawng zawng chunga thuneituah a dah ta a.
22A mi liante a duh duha thunun tûr leh
An upate finna zirtîr tûrin.
23Israela chu Aigupta ramah a chhuk ve a,
Chumi ram chuan Jakoba chu a lo mikhual.
24 Lalpa mite chu an pung chak ta hle a,
Anmahni ertute ai chuan an chak ta a.
25Chûng mite rilru chu a inthlâk a,
A mite chu an haw ta a,
A chhiahhlawhte chu vervêk takin an chawk nawmnah ta a.
26A chhiahhlawh Mosia chu a tîr thla a,
A mi thlan Arona nên.#Exod. 3:1—4:17.
27Pathian thil mak tih chu an entîr a,
Aigupta ramah thil mak tak tak an ti.
28Khua a tithim a, ai mit thlawn ang mai a ni ta.
An thiltihte an hmu thei ta lo va.#105:28 Heb. chiang lo. LXX lamah ‘a thu an awih lo’ tih a ni. #Exod. 10:21-23.
29An luite thisena chantîrin
An sanghate a tihlum zo ta a.#Exod. 7:17-21.
30An ramah chuan chungu a puantîr a,
Lal in chhûngahte pawh an awm noh noh. #Exod. 8:1-6.
31Thu a pe a, thosi#105:31 Tho chi a ni, mi seh thei, vaihmite a ni mai thei. a puang a,
An ram chhûngah thophurh a khat ta a. #Exod. 8:16-17,20-24.
32Ruah aiah rial a tlâktîr a,
An ram pumah ṭêk a tla bawk. #Exod. 9:22-25.
33An grep leh theipui chu a chhu chhia a,
An ram chhûnga thingte a dêng tliak zo.
34Thu a pe a, khau a puang a,
Chhiar sên loh khauphâr rual an kat noh noh. #Exod. 10:12-16.
35An ram chhûnga hnimhnah an ei zo va,
An thlai chînte an ei kawlh vek.
36Ram pum puiah an fa tîrte a tihhlumsak vek a,
An vânglai fate chu. #Exod. 12:29.
37Tangka leh rangkachak nên a hruai chhuak a,
An zînga mi tu mah sil an awm lo. #Exod. 12:23-36.
38Aigupta mite chuan an hlau va,
An chhuak ta chu an lâwm hle a.
39A hliap tûrin chhûm a zîntîr a,
Zâna ên tûrin mei a chhi. #Exod. 13:21,22.
40An ngen angin vahmîm rual a lo ṭum a,
An tlai tâwkin vân chaw a pe. #Exod. 16:2-15.
41Lungpui a tikhi a,
Tui a lo luang chhuak ta a,
Ram rovah chuan lui a luang ta.#Exod. 17:1-7; Num. 20:2-13.
42A chhiahhlawh Abrahama hnêna,
A thutiam thianghlim chu a la hre reng a ni.
43Tichuan, a mite chu a hruai chhuak a,
Hlim leh lâwmin an au va.
44Hnam dangte lo awmna ram chu a pe a,
Chûng mite thawh rah chu an rochung ta: #Jos. 11:16-23.
45A thupêkte an zâwma,
A Dânte chu an zawm theih nân.
Lalpa chu fak rawh u.
Currently Selected:
SAM 105: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
