MARKA 8

Mi sângli hrai

(Mt. 15:32-39)

1Chutih lai vêl chuan mipui nasa tak an lo pung khâwm leh a, ei tûr eng mah an nei lo va. A zirtîrte chu a ko va, 2“Mipuiho hi ka khawngaih êm êm a ni, ka hnênah ni thum an awm tawh a, ei tûr lah an nei ta si lo; 3rilṭâma ka hawtîr mai chuan kawng lakah an ṭâmchhâwl mai ang, ṭhenkhatte phei chu an lo kalna a hla hle si a,” a ti a. 4A zirtîrte chuan, “Tu nge hetiang hmun thlalêrah hêngho puarna khawp chhang hmu thei ang?” tiin an chhâng a. 5Ani chuan, “Chhang eng zât nge in neih?” a ti a. Anni chuan, “Pasarih,” an ti a. 6Tichuan, mipui chu leia ṭhu tûrin thu a pe a, chhang pasarih chu a la a, lâwmthu a sawi zawhin a phel a, an hnêna sem tûrin a zirtîrte a pe a; mipui chu an sem ta a. 7Nghatê tlêm an nei bawk a, chûng pawh chu malsâwmna a sawi zawhin a semtîr a. 8Tichuan, an ei a, an tlai ta hlawm a. An sem bâng chu bâwm sarihah an dah khat a. 9Mipuite chu sângli lai an ni; anniho chu a ṭîntîr a, 10ani pawh chu a zirtîrte nên lawngah an chuang ve nghâl a, Dalmanutha#8:10 Mss ṭhenkhatah ‘ri-ah, Magdala ramah’ tihte a ni. ram an va thleng a.

Chhinchhiahna an phût

(Mt. 16:1-4)

11Farisai-te an lo kal a, an rawn hnial a. Amah fiah nân vân ata chhinchhiahna thil mak an phût a. 12Thaw ipikthlâk a ti hle a,#8:12 A ngial a ngan chuan ‘rilruin nasa takin a rûm a’ tih a ni. “Engati nge tûnlai mite hian chhinchhiahna thil mak an zawn? Thu dik ka hrilh a che u, tûnlai mite hi chhinchhiahna thil mak rêng rêng entîr an ni lo vang,” a ti a.#Mt. 12:39; Lk. 11:29. 13Anni chu a kalsan a, lawngah chuan a chuang leh a, râl lehlam panin a kal ta a.

Farisai-te leh Heroda dawidim

(Mt. 16:5-12)

14A zirtîrte chuan chhang an lo ken theihnghilh a, lawngah chuan chhang tlang khat chauh lo chu a dang rêng an nei lo. 15Ani chuan, “Farisai-te dawidim leh Heroda#8:15 Mss ṭhenkhatah ‘pâwl’ tih a tel. dawidim lakah chuan invêng ula, fîmkhur rawh u,” tiin anni chu a han zilh a. #Lk. 12:1. 16“Chhang kan nei hauh lo mai le,” tiin an inbia a. 17Isuan a lo hriatin, “Engati nge chhang in neih loh thu ngawt in buaipui tâk? In la man lovin in la hrethiam lo ta cheu a ni maw? In va ngawng ve maw le! #Mk. 6:52. 18Mit nei siin in hmu lo maw? Beng nei siin in hre lo maw? In theihnghilh ta em ni? 19Chhang pangaa mi sângnga ka hrai ṭum khân eng zât nge bâng kha?” a ti a. #Mk. 6:4-14. 20“Bâwm sâwm leh pahnih,” an ti a. “A nih leh, mi sângli chhang pasariha ka hrai khân eng zât nge bâng kha?” a ti a. “Bâwm sarih,” an ti a.#Mk. 8:1-10. 21Tichuan, an hnênah, “In la hrethiam lo ta cheu maw?” a ti a.

Bethsaida khuaa mitdel tihdam

22Bethsaida chu an lo thleng a, a hnênah mitdel an rawn hruai a, amah dek tûrin an ngên a. #Mk. 6:45; Lk. 9:10. #Mk. 10:46-52; Jn. 9:1-7. 23Ani chuan mitdel kut chu a chelh a, khua ata chu a kai chhuak a. A mitah chil a chhâk a, a khawih a, “Khua i hmu thei em?” tiin a zâwt a. 24Ani chu a han dâk a, “Mi ka hmu, thing angin an kal zut zut mai,” a ti a. 25A mit chu a khawihsak leh a, a han meng vak a, a lo dam felin engkim fiah takin a hmu thei ta a. 26“Khuaah pawh lût lovin haw nghâl rawh,”#8:26 Mss ṭhenkhatah ‘tu mah hrilh lovin’ tih a ni. a ti a.

Isua chungchânga Petera thu puan

(Mt. 16:13-20; Lk. 9:18-21)

27Isua leh a zirtîrte chu Filipa Kaisari chhehvêl khuaahte chuan an kal ta a. Kawngah chuan a zirtîrte hnênah, “Miten tu nge nia mi sawi?” tiin a zâwt a. #Jn. 6:66-69. 28Anni chuan, “ ‘Baptistu Johana,’ ti che an awm a, a ṭhenin ‘Elija,’ an ti che a, ṭhenkhat erawh chuan, ‘Zâwlnei tu-a emaw’ te an ti che,” tiin an chhâng a. #Mk. 6:14,15; Lk. 9:7,8. 29Ani chuan, “A nih, nangnin tu nge nia mi hriat?” tiin a zâwt a. Petera chuan, “Krista chu i ni,” a ti a.#Jn. 6:68,69. 30Tichuan, a chanchin chu tu mah hrilh tawp lo tûrin a ti a.

Isuan a tuar tûr leh a thih tûr a sawi

(Mt. 16:21-28; Lk. 9:22-27)

31Tin, Mihring Fapa chuan thil tam tak tuar ngei tûr a nih thu te, upate, puithiam lalte leh Dân zirtîrtuten an duh loh tûr thu te, an thah ngei tûr thu te, ni thum china a thawhleh ngei tûr thu te chu a zirtîr ṭan ta a. 32Chûng thu chu chiang takin a sawi a. Petera erawh chuan ani chu a hruai hrang a, a zilhhau ta a. 33Ani chuan a hawisan a, a zirtîrte lam chu a hawi a, “Setan, kal bo daih rawh, Pathian duh dâna ngaihtuah lovin mihring duh dânin i ngaihtuah a nih hi,” tiin Petera chu a hau ve ta thung a. #Mt. 4:10.

34Mipui chu a zirtîrte nên chuan a ko va, an hnênah, “Tu pawh mi zui duh chuan mahni inngaihtuah chang lovin mahni kraws puin mi zui rawh se. #Mt. 10:38; Lk. 14:27. 35Tu pawh mahni nun humhim tum chuan an chân ang a, tu pawh keimah avâng leh Chanchin Ṭha avânga nun chân chuan an humhim ang. #Mt. 10:39; Lk. 17:33; Jn. 12:25. 36Miin khawvêl hi a pumin nei vek sela a nun chân si se, a tân eng nge sâwt ang? 37Miin a nun aiah eng nge a pêk theih ang? 38Tûnlai mi, uire hmang leh sual tak zînga ka thu leh kei mi zahpui apiang chu Mihring Fapa pawh hian Vântirhkoh thianghlimte nêna a Pa ropuina nên a lo kal hunah chuan anni chu a zahpui ve ang,” a ti a. #Mt. 10:33; Lk. 12:9.

Currently Selected:

MARKA 8: MIZCLBSI

Highlight

Copy