MARKA 3

Kut zeng tihdam

(Mt. 12:9-14; Lk. 6:6-11)

1Tin, sunagog-ah a lût a, chutah chuan mi pakhat kut zeng a lo awm a. 2Amah an hêk theih nân sabat nia a tihdam dâwn leh dâwn loh an châng a.#Lk. 11:54. 3Ani chuan kut zeng hnênah chuan, “A laiah hian lo chhuak teh,” a ti a. 4“Sabat ni-ah tihṭhat nge thiang tihchhiat? Mi nun chhan nge thiang tihhlum?” tiin anni chu a zâwt a; mahse anni chu an ngawi reng a. 5An thinlung sakzia#3:5 ‘ngawnzia’ tih theih a ni bawk. a hriatin pawi a ti êm êm a, thinur taka anmahni a en vêl hnuin chu mi hnênah chuan, “I kut phar rawh,” a ti a. 6A han phar chhuak a, a kut chu a lo dam ta a. Farisai-te erawh chu an chhuak a, amah an tihboral theih dân tûr ngaihtuahin Heroda pâwla mite nên chuan an inrâwn ta nghâl a. #Mk. 12:13.

Dîl kama mipui

7Isua chu a zirtîrte nên dîl kam lamah an kal kiang a; Galili ram aṭangin mipui nasa takin an zui a. Judai ram aṭang te,#Mt. 4:24,25; 12:15,16; Lk. 6:17-19. 8Jerusalem aṭang te, Idumea ram aṭang te, Jordan râl aṭang te leh Tura leh Sidon bial aṭang te chuan mipui nasa takin a thiltihte an hria a, amah an rawn pan bawk a. 9Mipuiin an rawn nêk chêp luat loh nân lawnglêng lo buatsaih tûrin a zirtîrte chu a hrilh a; #Mk. 4:1; Lk. 5:1-3. 10mi tam tak a tihdam tawh avângin na nei apiangin amah deh tumin an bawh huai huai si a. 11Thlarau bawlhhlawhte pawh chuan amah an hriatin an bawkkhup a, “Nang Pathian Fapa chu i ni,” tiin an au ṭhîn a. 12Tu nge a nih erawh chu an sawi a khap tlat a.

Sâwmpahnih thlan thu

(Mt. 10:1-4; Lk. 6:12-16)

13Tin, tlângram lamah a chho va, a mi duhzâwngte chu a ko va, anni chu a hnênah an lo kal a. 14A hnêna awma, thu hrila, a tirh tûr, 15ramhuaite pawh hnawt chhuak thei tûr mi sâwm leh pahnih a ruat a. 16Chûngte chu: Simona, Petera a vuah tâk te, #Tirh. 1:13. 17Zebedaia fa Jakoba leh Jakoba unau Johana ‘Boanergia’ tia a vuah tâk te (chu chu ‘Khawpui ri fate’ tihna a ni), 18Andria te, Filipa te, Bartholomaia te, Mathaia te, Thoma te, Alfaia fa Jakoba te, Thadaia#3:18 Mss ṭhenkhatah ‘Levia’ tih a ni. te, Kanan mi Simona te, 19a mantîrtu Juda Iskariota te chu an ni.

Isua leh Belzebula

(Mt. 12:22-32; Lk. 11:14-23; 12:10)

20Tin, inah a haw a, mipui an lo pung khâwm leh ta chiam a, chaw pawh an ei hlei thei lo va. #Mk. 6:31. 21A chhûngte#3:21 Mss ṭhenkhatah ‘Dân zirtîrtute leh mi dangte chuan’ tih a ni. chuan an hriatin, “A â ta a nih chu,” an ti a, amah hruai tûrin an lo thawk a. #Mk. 3:21-35; Jn. 16:25.

22Jerusalem aṭanga Dân zirtîrtu lo chhuk thlate pawh chuan, “Belzebula a zâwl a nih hi,” te an ti a, “Ramhuai lal avângin alâwm ramhuaite a hnawh chhuah ṭhin,” te an ti bawk a. #Mt. 9:34; 10:25. 23Anni chu a ko va, tehkhin thuin an hnênah, “Setanan Setana vek engtin nge a hnawh chhuah theih ang? 24Ram pawh inṭhena mahni an indo chuan chu ram chu a ding thei lo. 25Chhûngkua pawh inṭhena mahni an indo chuan chu mite chhûng chu an ding khawchhuak thei lo vang. 26Setana pawh mahni inbeiin inkhing ta sela, a ding chhuak thei lo vang, a ral mai zâwk ang. 27Mi chak chu an phuar hmasak zet loh chuan a ina lûtin a sum an lâksak mai thei hek lo, an phuar hnuah erawh chuan a in chu an ramsak thei tawh ang. #Isa. 49:24,25. 28Thu dik ka hrilh a che u; miin sualna zawng zawng leh thil pawi tinrêng an sawite chu ngaihdam theih a ni ang. 29Thlarau Thianghlim pawi sawi meuh erawh chu, tu mah, engtikah mah ngaihdam an ni lo vang, chatuan sual chu an ti a ni,” a ti a. #Lk. 12:10. 30“Thlarau bawlhhlawh a zâwl a ni,” an tih avâng khân chu chu a sawi a ni.

Isua nu leh a unaute

(Mt. 12:46-50; Lk. 8:19-21)

31A nu leh a unaute chu an lo thleng a, pâwnah an ding a, amah an kohtîr a. 32A vêla mipui ṭhute chuan a hnênah, “En teh, pâwna saw, i nu leh i unaute leh i farnuten#3:32 Mss ṭhenkhatah ‘farnute’ tih a tel lo. an ko va che,” an ti a. 33Ani erawh chuan a chhâng a, “Ka nu leh ka unaute chu tute nge ni?” a ti a; 34a kianga ṭhute chu a han en vêl a, “En teh u, ka nu leh ka unaute hi. 35Tu pawh Pathian duhzâwng ti chu, chu mite ngei chu, ka unau te, ka farnute, ka nu te an ni e,” a ti a.

Currently Selected:

MARKA 3: MIZCLBSI

Highlight

Copy