MARKA 10

Inmâk thu

(Mt. 19:1-12; Lk. 16:18)

1Tin, a tho va, chuta ṭang chuan Judai ramah leh Jordan râlah te a kal a, mipuiin an lo bawh ruih ruih a; tichuan, a tih dân pângngaiin a lo zirtîr ṭhîn a.

2Farisai-te a hnênah an lo kal a,#10:2 Mss ṭhenkhatah hei hi a tel lo. amah fiah nan, “Miin a nupui a mâk a thiang em?” tiin an zâwt a. 3Ani chuan, “Mosian engtin nge thu a pêk che u?” a ti a. 4Anni chuan, “Mosian inmâkna lehkha ziakin inmâk a phal,” an ti a.#Deut. 24:1-4; Mt. 5:31. 5Isua erawh chuan, “In thinlung khauh avângin asin chu thupêk chu in tân a ziak ni. 6Nimahsela, thilsiam ṭân tirh aṭang rêngin mipa leh hmeichhia a siam a.#Gen. 1:27; 5:2. 7Chumi avâng chuan mipain a nu leh pa a thlah ang a, a nupui a vuan ang; tichuan, an pahnih chuan tisa pumkhat an lo ni tawh ang, #Gen. 2:24. 8pahnih an ni tawh lo va, pumkhat an lo ni tawh zâwk a ni. 9Pathianin a zawm tawh avângin mipain#10:9 Grik ‘mihring’ chu chuan hmeichhia pawh a huam. ṭhen suh se,” a ti a. 10Inah a zirtîrten chûng thu chu an zâwt leh a. 11Ani chuan, “Tu pawhin a nupui a ṭhena, mi dang a neih chuan a nupui chu a uiresan a ni: #Mt. 5:32; 1 Kor. 7:10,11; Rom. 7:2,3; Lk. 16:18. 12hmeichhia pawhin a pasal a ṭhena, mi dang a neih chuan a pasal a uiresan a ni,” a ti a.

Naupangte Isuan mal a sâwm

(Mt. 19:13-15; Lk. 18:15-17)

13Tin, a deh atân a hnênah naupangte an rawn hruai a, zirtîrte erawh chuan#10:13 Mss ṭhenkhatah ‘a rawn hruaitute chu’ tih a ni. an lo hnar a. 14Nimahsela, Isuan a hmuhin a lungni lo êm êm a, an hnênah, “Naupangte ka hnênah han kaltîr ula, hnar suh u, Pathian ram chu hêng ang mite ta a ni si a. 15Thu dik ka hrilh a che u, Pathian ram chu naupang anga lâwm lo apiang; tu mah a chhûngah an lût tawp lo vang,” a ti a. #Mt. 18:3. 16Anni chu a lo kuah a, an chungah kut nghatin mal a sâwm ta a. #Mk. 9:36.

Mi hausa

(Mt. 19:16-30; Lk. 18:18-30)

17Isua chu zin tûra a chhuah laiin mi pakhat a lo tlân a, a hmaah a ṭhingṭhi a, “Zirtîrtu Ṭha, chatuan nun ka chan theih nân eng nge ka tih tûr?” tiin a rawn zâwt a. 18Isuan a hnênah, “Engati nge Ṭha mi tih? Tu mah ṭha an awm lo, Pathian chauh lo chu. 19Thupêkte chu i hria alâwm, ‘Tual that suh, uire suh, ru suh, dâwtin hêk suh, bum suh, i nu leh i pa chawimawi rawh,’ tihte hi,” a ti a. #Exod. 20:12-16; Deut. 5:16-20. 20Ani chuan, “Zirtîrtu, chûng zawng zawng chu ka tleirâwl tirh ata#10:20 Kum 13 vêl, Dân hria tih an nih chin. ka zâwm ṭhîn,” a ti a. 21Isuan ani chu a han en chiang a, a ngaina ta hle a, a hnênah, “Kawng khat i la bâk e; kal la, i neih apiang va hralh la, pachhiate pe rawh; chutichuan, vânah ro i nei dâwn nia; tin, lo kal la, mi zui ang che,” a ti a.#Mt. 6:20; Lk. 13:30; Tirh. 2:45. 22Chûng thu avâng chuan a ngui ta hle a, lungngai takin a kal ta a, sum ngah tak a ni si a. 23Isua chu a han hawi vêl a, a zirtîrte hnênah chuan, “Sum ngahte tân Pathian rama luh a va harsa dâwn êm!” a ti a.

24Zirtîrte chuan a thu sawi chu mak an ti êm êm a; Isua chuan anni chu a chhâng leh a, “Naute u,#10:24 Mss ṭhenkhatah ‘sum ringte tân’ tih a tel. Pathian rama luh hi a harsa teh asin: 25Pathian rama mi hausa an luh aiin hriau benga sanghâwngsei#10:25 Mss ṭhenkhatah ‘hruizên’ tih a ni. kal tlang a awl zâwk,” a ti a. 26Mak an ti lutuk a, “Chuti chu tu nge chhandam ni thei ang le?” an inti a. 27Isuan anni chu a en a, “Pathian tân tih loh, mihring tân chuan tih rual a ni lo rêng a; Pathian tân erawh chuan engkim tih theih a ni asin,” a ti a.

28Peteran a hnênah, “Ngai teh, keini lahin engkim kalsanin kan zui ta si che a,” a ti hman chauh va; 29Isuan a lo chhâng a, “Thu dik ka hrilh a che u, tu pawh keimah avâng leh Chanchin Ṭha avânga in emaw, unaute emaw, farnute emaw, nu emaw, pa emaw, fate emaw, ramte emaw kalsan chuan, 30tûn dam chhûng la la hian in te, unau te, farnu te, nu leh pa te, fa te a lêt za an hmu ngei ang, tihduhdahna te leh hun lo thleng tûra chatuan nun nên.#Mt. 6:33. 31Nimahsela, mi tam tak hmasa bera awmte chu hnuhnûng ber an la ni ang a, hnuhnûng bera awmte pawh hmasa ber an la ni ang,” a ti a. #Mt. 20:16; Lk. 13:30.

A thih tûr hrilh lâwk vawi thumna

(Mt. 20:17-19; Lk. 18:31-34)

32Tin, Jerusalem-a chho tûrin kawngah chuan an kal a, Isuan hma a hruai a, anni chuan mak an ti hle a, a zuitute pawh chu an zâm hle a. Isuan Sâwmpahnihte chu a hruai hrang leh a, a chunga thil lo thleng tûr zawng zawng chu a hrilh a; 33“Ngai teh u, Jerusalem-ah kan chhoh dâwn hi. Mihring Fapa hi puithiam lalte leh Dân zirtîrtute hnênah mantîr a ni dâwn; anni chuan thi tûrin a chungah thu an titlu ang a, Jentail-te hnênah an hlân ang. #Mk. 8:31; 9:12; 9:33. 34Anni chuan an lo nuihzat ang a, chil an chhâk ang a, an vua ang a, an tihlum ang; mahse, ni thum chinah a tho leh ang,” a ti a. #Mk. 14:65; 15:19.

Jakoba leh Johana thil dîl

(Mt. 20:20-28)

35Zebedaia fapa Jakoba leh Johana chuan ani chu an rawn hnaih a, “Zirtîrtu, kan dîl tûr apiang che min tihsak kan duh e,” an ti a. 36Ani chuan, “Eng nge tihsak che u ila in duh?” a ti a. 37Anni chuan, “I ropuinaah chuan i ding lamah pakhat, i vei lamah pakhat min ṭhuttîr ang che,” an ti a. #Mt. 19:28; Lk. 22:30. 38Isua erawh chuan, “In thil dîl hi in hre lo va ni. Ka no in tûr chu in in thei dâwn em ni? Baptisma ka chan tûr pawh in chang thei dâwn em ni?” a ti a.#Lk. 12:50. 39Anni pawh chuan, “Thei ang,” an ti a. Isuan, “Ka no in tûr chu in in ang a, baptisma ka chan tûr pawh chu in chang ve ang;#Tirh. 12:2; Thup. 1:9. 40nimahsela, ka ding lam emaw, vei lam emawa ṭhuttîr chu ka thu a ni lo va, an buatsaihsakte tân a ni zâwk,” a ti a. 41Zirtîr dang sâwmte chuan chu chu an lo hriatin Jakoba leh Johana chungah chuan an lungni lo ta êm êm a.

42Isua erawh chuan anniho chu a ko va, an hnênah, “Jentail-te chunga rorêltua ruatte chu an chungah an intilal êm êm ṭhîn a, an mi liante pawhin an chungah thu an nei êm êm ṭhîn tih in hria. #Lk. 22:25,26. 43Nimahsela, nangni zîngah zawng chutiang tûr a ni lo ve, tu pawh in zînga ropui ber nih duh chu in rawngbâwltuah a awm tûr a ni. #Mt. 23:11; Mk. 9:35; Lk. 22:26. 44Tu pawh in zînga hmasa ber nih duh pawh chu, mi zawng zawng chhiahhlawhah a awm bawk tûr a ni. 45Mihring Fapa meuh pawh rawngbâwlsaka awm tûrin a lo kal lo va, rawngbâwl tûr leh mi tam tak tlan nân a nun pe tûrin a lo kal zâwk a ni,” a ti a. #Mt. 20:29; 1 Tim. 2:5-6.

Mitdel Bartimaia mit tihvâr

(Mt. 20:29-34; Lk. 18:35-43)

46Jeriko khua an lo thleng a, a zirtîrte leh mipui nasa tak nên Jeriko aṭang chuan an chhuak a; Timaia fapa, kutdawh, mitdel, Bartimaia chu, kawng sîrah a lo ṭhu a. 47Nazaret Isua a ni tih a hriat chuan, “Isu, Davida Fapa, mi khawngaih rawh,” tiin a au ta vak a. #Mt. 9:27. 48Mi tam takin an hau va, ngawi tûra an tih pawhin, a hma aia ringin, “Davida Fapa, mi khawngaih rawh,” tiin a au zual sauh va. 49Isua chu a ding a, “Han ko teh u,” a ti a. Mitdel chu an ko va, “Ngaihṭha takin awm la, tho rawh, a ko va che,” an ti a. 50Ani chuan a puan a paih lawk a, a zuang tho va, Isua hnên lam chu a pan ta a, 51Isuan a lo bia a, “Eng nge tihsak che ila i duh?” a ti a. Mitdel chuan, “Raboni, hmuh theih ka duh,” a ti a. 52Tichuan, Isuan, “Kal rawh le, i rinna i dam phah a ni e,” a ti a. Khua a lo hmu thei ta nghâl mai a, kalkawngah chuan a zui ve ta a. #Mt. 9:22; Mk. 5:34; Lk. 7:50; 8:48; 17:19.

Currently Selected:

MARKA 10: MIZCLBSI

Highlight

Copy