MALAKIA 2
2
1Khai le, puithiamte u,
Ka thupêk hi in tân a ni asin.
2Engkim Lalpa chuan heti hian a ti:
“Ka thu in ngaihthlâk lohva,
Tihtakzeta ka hming in chawimawi loh chuan,
In chungah ânchhia ka thlentîr ang a,
In chanvote#2:2 Heb. Malsâwmna, an rochan ram sawina a ni. pawh ânchhia ka lawh ang,
A ni, tihtakzeta min chawimawi loh avângin,
Chûng chu ânchhia ka lawh dêr tawh a ni.
3Ngai teh u, nangmahni avângin in thlahte ka hrem dâwn,
In hmaiah in inthawina ran êk ka tât ang a,
Êk kai luai chung chuan an paih ang che u.
4Levia hnêna ka thuthlung a ngheh zêl theih nân,
He thupêk hi ka pe che u a ni tih in hria ang,”
Engkim Lalpa chuan a ti.#Num. 3:11-13.
5An hnêna ka thuthlung chu nunna leh thlamuanna tûr a ni a,
Min ṭih theih nân chu chu an hnênah ka pe a,
Min ṭih ta ngei reng a,
Ka hming pawh an pawisa ta a ni. #Num. 25:12.
6Mite thu dik a zirtîr a, dâwt a sawi ngai lo,
Ka hmaah ngaihngam tak leh dik takin a khawsa a,
Thil sual ti lo tûrin mi tam tak a pui ṭhîn.
7Puithiamte chu thu dik kawltu an ni a,
Miten an thu zirtîr an ngaichâng tûr a ni,
Engkim Lalpa thuchah kengtute an ni si a.
8Nangni erawh chuan kawng dik in pênsan a,
In zirtîrna chuan mi tam tak a titlu a,
Levia hnêna thuthlung in bawhchhe ta,”
Engkim Lalpa chuan a ti.
9“Tu man ka thu in zâwm lo va,
Hleih nei taka ro in rêl avângin,
Kei pawhin mi tin endawng leh
Hmuhsitah ka siam che u a ni.”
Pathian tâna mipui rinawm lohna
10Kan vaiin pa pakhat#2:10 ‘Pa thuhmun nei’ tih theih a ni. thlah kan ni lo vem ni?
Pathian pakhat siam vek kan ni lâwm ni?
Kan pate thuthlung bawhchhiain
Engah nge kan inphatsan ang?
11Juda chuan bum a chîng a,
Israel ramah leh Jerusalem-ah thil tenawm a ti ta,
Nupuiah pathian dang bia a neih avângin
Ram thianghlim, Lalpa thlâkhlelh chu
A tibawrhbâng ta si a.
12Engkim Lalpa hnêna thil hlan rawn keng mah se,
Chûng thil titu tawh phawt chu
Jakoba puan in ata Lalpa chuan a paih chhuak ang.
13In inthawina chu a lâwm lo va, a pawm hek loh avângin
Hêng thil hi in ti bawk:
In ṭap a, in chiau vawng vawng a,
Lalpa maichâm chu in mittuiin a far huh a.
14Nangnin, ‘Eng vângin nge a pawm loh?’ in ti maw?
Lalpa hriatah i tawn tirh nupui chu
Rinawm taka neiin kawppui tlat i tiam a.
I thutiam chu i bawhchhiat tâk avâng a ni.
15Pathianin i nupui nên chuan
Tisa leh thlarau pumkhata
Awm tûrin a siam che u a ni lâwm ni?
‘Eng atân maw?’ ‘Pathian mi, fa ṭha tak tak hring tûrin’ a ni.
Chuvângin, i tawn tirh nupui nêna in thuthlung chu
Bawhchhe lo tûrin fîmkhur rawh.
16 Lalpa, Israel-te Pathian chuan heti hian a ti:
“Inmâk hi ka haw takmeuh va,
Nupuite râwng taka sawisak pawh ka hua a ni,”
Engkim Lalpa chuan a ti.
“Chuvângin, in nun vêng ṭha ula,
rinawm takin awm rawh u.”
Rorêlna ni a hnai ta
17In thu sawiin Lalpa a tihah ta,
Nangnin, ‘Engtin nge kan tihhah?’ in ti a.
‘Thil sual titute chu Lalpa mit hmuhah mi ṭha an ni a,
An chungah pawh a lâwm hle a ni,’ in ti a,
‘Khaw nge dik taka rorêl ṭhîn Pathian chu a awm,’
In tihahte hian.”
Currently Selected:
MALAKIA 2: MIZCLBSI
Highlight
Share
Copy
Want to have your highlights saved across all your devices? Sign up or sign in
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.
