LUKA 6

Sabat nia buhvui thliah

(Mt. 12:1-8; Mk. 2:23-28)

1Sabat vawi khat pawh buhpui hmunahte a kal tlang a; a zirtîrte chuan a vui an thliak a, an kutin an nuai fai a, an bâr a. #Deut. 23:25. 2Farisai tute emaw chuan, “Engati nge Sabat nia tih thiang lo chu in tih ni?” an ti a. #Exod. 20:10; 23:12; Deut. 5:14. 3Isuan anni chu a chhâng a, “A ṭhiante nên an rilṭâm laia Davida thil tih kha in chhiar lâwm ni? #1 Samu. 21:1-6. 4Pathian inah a lût a, puithiamte chauh ei thian chhangdah chu a la a, a ei a, a ṭhiante pawh a pêk ve thu kha?” a ti a.#Lev. 24:9. 5An hnênah, “Mihring Fapa hi Sabat ni Lalpa a ni,” a ti bawk a.

Kut zeng tihdam

(Mt. 12:9-14; Mk. 3:1-6)

6Sabat ni dang lehah chuan sunagog-ah a lût a, a zirtîr a. Chutah chuan mi pakhat kut ding lam zeng a awm ve a. 7Dân zirtîrtute leh Farisai-te chuan a hêkna tûr an hmuh theih nân Sabat nia a tihdam dâwn leh dâwn loh an lo châng a. 8An rilru chu a hriatin kut zeng hnênah chuan, “Tho la, a laiah hian ding chhuak teh,” a ti a. Ani chu a tho va, a laiah chuan a ding chhuak a. 9Isuan an hnênah, “Sabat niah tihṭhat nge thiang tihchhiat, mi chhandam nge thiang tihhlum - ka zâwt a che u,” a ti a. 10Tin, an za chuan a han en vêl a,#6:10 Mss ṭhenkhatah ‘thinur takin’ tih a tel. zeng hnênah chuan, “I kut phar rawh,” a ti a. A han phar a, a kut chu a lo dam ta a. 11Anniho chu thin tâwtin an puakkeh lek lek a, Isua chu engtia tih tûr nge tih an inrâwn ta a.

Sâwmpahnihte a ruat

(Mt. 10:1-4; Mk. 3:13-19)

12Chutih lai vêl chuan zan khat chu tlângah ṭawngṭai tûrin a kal a. Pathian hnênah a ṭawngṭai zânkhua a. #Tirh. 1:13. 13Khua a lo vâr chuan a zirtîrte chu a ko va, an zîng ata sâwm leh pahnih a thlang a, an hmingah tirhkoh a vuah a; 14Simona, Petera a vuah te, a unau Andria te, Jakoba leh Johana te, Filipa leh Bartholomaia te, 15Mathaia leh Thoma te, Alfaia fapa Jakoba te, Simona, Zealota an vuah te, 16Jakoba fapa Juda te, a mantîrtu ni ta Juda Iskariota teho chu an ni.

Mipui zînga rawngbâwlna

(Mt. 4:23-25)

17An rual chuan a chhuk a, phaizâwlah a ding a. Chutah chuan a zirtîrte tam tak leh Judai ram zawng zawng ata te, Jerusalem ata te, Tura leh Sidon vêl tuifinriat kam ata te mipui nasa tak, a thu ngaihthlâk duh leh an nâte tihdam beiseia lo kalte chu an awm a; 18thlarau bawlhhlawh sawisakte pawh an lo dam ta a. 19Mipui zawng zawng chuan amah deh an tum a, a hnên ata thiltihtheihna a chhuak a, mi tin a tidam zêl si a. #Mt. 9:21; 14:36; Lk. 5:17.

Chan ṭha leh vânduai

(Mt. 5:1-12)

20Tin, a hawi vêl a, a zirtîrte chu a en a:

Pachhiate u, in chan a ṭha e,

Pathian ram in ta a ni si a.

21Tûna rilṭâmte u, in chan a ṭha e, in la tlai dâwn si a,

Tûna ṭapte u, in chan a ṭha e, in la nui dâwn si a.

22“Mihring Fapa avânga miten an huat che u a, an ensan che u a, an hau che ua, hmingchhe taka an hnâwl hunah che u chuan in chan a va ṭha dâwn êm. #1 Pet. 4:14; Jn. 9:22; 16:2. 23Chumi hunah chuan lâwm ula, hlimin zuang ang che u, ngai teh u, vânah in lâwmman a awm hnêm si a; in chunga an tih ang bawkin an thlahtute pawhin zâwlneite chungah an tih ṭhin kha. #2 Chr. 36:16; Tirh. 7:52.

24“Nangni hausate u, in chung a pik e,

nuam in chên zo dêr tawh si a; #Lk. 16:25; Jak. 5:1-5.

25“Tûna tlai puarte u, in chung a pik e,

in ril a la ṭâm dâwn si a;

Tûna nuite u, in chung a pik e,

lusûna lungngaiin in la ṭap dâwn si a.

26“Mi zawng zawngin an fak hle che u chuan in va khawngaihthlâk dâwn êm; chutiang bawkin an thlahtuten zâwlnei derte an fak ṭhîn.

Hmêlmate hmangaih tûr

(Mt. 5:38-48; 7:12)

27“Ka thu ngaithlatute u, nangni zawng ka ti a che u, in hmêlmate chu hmangaih ula, a hawtu che u chungah chuan ṭhat chhuah ula, #Exod. 23:4; Thuf. 25:21; Mt. 5:44; Rom. 12:17. 28ânchhe lawhtu che u chu malsâwmna dîlsak ula, a tiduhdahtu che u chu ṭawngṭaisak rawh u.

29“I biang lehlam bêngtu hnênah a lehlam pawh dawh rawh. I puan lâksaktu che chuan i kawr a lâk pawh hnial suh. 30A dîltu apiang che chu pe la, i sum lâksaktu che chu dîl leh tawh suh. 31In chungah miin ti se in tih ang ngeiin mi chungah pawh ti ve rawh u. #Mt. 7:12.

32“Nangmahni hmangaihtu chauh in hmangaihin eng nge mi sualte aia in danglam bîkna? Anni pawhin anmahni hmangaihtute chu an hmangaih ṭhîn asin. 33In chunga ṭhate lakah chauh ṭhat in chhuah hian eng nge mi sualte aia in danglam bîkna? Anni pawhin chutiang bawkin an ti ṭhîn asin. 34Hmuh kîr leh beisei theihna hnên chauhva thil in pûktîr hian eng nge mi sualte aia in danglam bîkna? Anni pawhin a ngai hmu kîr leh tûr chuan mi sualte hnênah an pûktîr ṭhîn asin. 35In hmêlmate chu hmangaih zâwk rawh u, an chungah thil ṭha ti ula, hmuh kîr leh beisei kher lovin pûktîr rawh u; tichuan, lâwmman tam tak in hmu ang a, Chungnungbera fate in ni dâwn nia; Ani zawngin lâwm nachâng hre lote leh mi sualte pawh a khawngaih vek a ni. 36In Pain mi a khawngaih ṭhîn ang bawkin nangni pawhin mi khawngaih ṭhîn rawh u.

Mi dang sawisêl suh

(Mt. 7:1-5)

37“Mi sawisêl suh u; tichuan, sawisêl in ni lo vang; tu mah thiamlovah ruat mai hek suh u; tichuan, thiam loh in ni lo vang; ngaidam rawh u; tichuan, ngaihdam in ni ang. 38Pe rawh u; tichuan, pêk in ni ang; ṭhahnemngai taka teh chhuaka, beng mukin, sâwi liam zawih zawih khawpin in ângchhûngah pêk in ni ang. Tehna in hman ngei khân tehsak in ni ang,” a ti a. #Mk. 4:24; Tirh. 20:35.

39Tin, an hnênah tehkhin thu a sawi a, “Mitdelin mitdel vêk a hruai thei dâwn êm ni? Khuarkhurumah an tla dûn mai lâwng maw? #Mt. 15:14. 40Zirlai chu an zirtîrtu chungah an awm lo, an zir zawhah erawh chuan an zirtîrtu an tluk tawh ang. #Mt. 10:24,25; Jn. 13:16; 15:20.

41“Engtizia nge mahni mita thingtum awm chu hre si lovin i unau mita thil tê tak tê awm chu i hmuh ni? Mahni mita thingtum awm chu ngaimawh si lovin, 42i unau hnênah, ‘Unau, i mita thil tê tak tê kha mi lâk chhuahtîr rawh,’ engtin nge i tih theih le? Mi vervêk, i mita thingtum awm kha la chhuak hmasa zet rawh; chutichuan, i unau mit ata thil tê tak tê lâk chhuah tûr awm chu fiah takin i hmu thei ang.

Thing ṭha leh thing ṭha lo rah

(Mt. 7:16-20; 12:33-35)

43“Thing ṭha a rah chhe ngai lo, thing chhia lah a rah ṭha ngai hek lo. Thing chu a rah aṭangin eng ang nge a nih a hriat a ni. 44Tu man hlîng bukah theipui an lo ngai lo, hnimhlîngnei kûngah pawh grep rah an lo ngai bawk hek lo. 45Mi ṭha chuan a thinlung robâwm ṭha ata thil ṭhate a phawrh chhuak ṭhîn, mi sual erawh chuan a thinlung robâwm ṭha lo ata thil ṭha lote a phawrh chhuak ṭhîn; thinlunga liam khawpa khat hi a ni kâin in sawi chhuah ṭhin. #Mt. 12:34; Mk. 7:20.

Lungphûm chi hnih

(Mt. 7:24-27)

46“‘Lalpa, Lalpa’ mi ti siin engati nge ka thu in zawm loh? #Mt. 7:21. 47Tu pawh ka hnêna lo kala, ka thu hriaa, zâwmtu chu tu ang nge a nih ka hrilh ang che u. 48In satu, thûk taka lei laia, lungpui chunga lungphûm remtu ang chu a ni: in chu tuilianin rawn hrût mah se, a tinghîng thei lo, a sak ngun êm avângin. 49Amaherawhchu, ka thu hriaa zâwm lo chu lungphûm nei lova lei chung maia in satu ang chu a ni; in chu tuilianin a rawn hrût a, a chhe ta nghâl a, a tlu sawp rem rum mai a ni,” a ti a.

Currently Selected:

LUKA 6: MIZCLBSI

Highlight

Copy