TIRHKOHTE 22

1“Unaute leh pute u, tûna in hnêna ka thiam thu sawi hi ngaithla teh u,” a han ti a. 2Hebrai ṭawngin thu a sawi tih an hriat chuan an ngawi lehzual a. Ani chuan, 3“Juda mi, Kilikia rama Tarsa khuaa piang ka ni; nimahsela, he khawpuia sei lian hi ka ni. Gamaliela hnênah min thlahtute Dân khermei taka zawm ka zir a, vawiina nangniho ang bawk hian Pathian tân ṭhahnem ka ngai ṭhîn a. #Tirh. 5:34-39. 4He kawnga mite hi tihlum hial khawpin ka tiduhdah ṭhîn a, a hmei a pain ka man a, tân inah ka khung ṭhîn. #Tirh. 8:3; 26:9-11. 5Puithiam lalber leh upate rorêl ṭhu khâwm pawhin mi hriatpui alâwm. An hnên aṭangin Damaska khuaa unaute pêk tûr lehkha ka la a, chuta awmte chu hrem atân phuar chunga Jerusalem-a rawn hruai tûrin ka kal a.

Paulan a pianthar thu a sawi

(Tirh. 9:1-19; 26:12-18)

6“Tichuan, ka kal a, Damaska ka thlen dâwn ruai chuan, chhûn lai tak a ni a, vân aṭangin êng nasa tak mai ka vêlah a lo êng ta phut a. 7Leiah ka tlu a, aw ka hria a, aw chuan, ‘Saula, Saula, engah nge mi tihduhdah?’ mi ti a. 8Keiin, ‘Lalpa, tu nge i nih?’ ka ti a. Ani chuan ‘Isua, i tihduhdah hi ka ni,’ a ti a. 9Ka ṭhiante chuan êng chu an hmu na a, mi betu aw erawh chu an hre lo. 10Tin, keiin, ‘Lalpa, eng nge ka tih ang?’ ka ti a. Lalpa chuan, ‘Tho la, Damaska-ah lût rawh, tah chuan thil engkim i tih tûra ruatte chu an lo hrilh ang che,’ a ti a. 11Chu êng ropui avâng chuan khua rêng ka hmu thei ta lo va, ka ṭhianten mi kai a, Damaska-ah kan lût ta a. 12Mi pakhat, Anania, Dân ang thlapa Pathian be mi, chu khuaa Juda zawng zawngten an fak chu 13ka hnênah a lo kal a, ka kiangah a ding a, ka hnênah, ‘Unau Saul, i mit lo vâr rawh se,’ mi ti a. Chu veleh ka hmu leh thei ta a, amah ka han en#22:13 Mss ṭhenkhatah ‘en,’ tih a tel lo. a.

14“Ani chuan, ‘Min thlahtute Pathianin a duhzâwng hriaa, Mi Feltak chu hmua, a aw ngei hre tûrin a thlang ta a che. 15I thil hmuh leh hriat thu-ah khân mi zawng zawng hnênah thuhretu i ni dâwn si a. 16Muangchâng lovin tho la, a hming lamin baptisma chang la, i sualte tlêng fai rawh,’ mi ti a.

Paula Jentail-te hnêna tirh a ni

17“Tin, Jerusalem-a ka haw leha, Tempula ka ṭawngṭai laiin, zêlin ka awm a. #Tirh. 9:26. 18Lalpa ka hmu a, ani chuan, ‘Hmanhmawh la, Jerusalem hi chhuahsan rawh; ka chanchin i hril an pawm dâwn lo ve,’ mi ti a. 19Keiin, ‘Lalpa, sunagog tina lûta, nangmah ringtute ka vuaka, tân ina ka khung ṭhin kha anmahni ngeiin an hre si a. 20I thuhretu Stefana thisen an chhuah lai khân, kei pawh an zîngah ka ding a, ka remtihpui a, a thattute puan ka lo vênsak bawk a,’ ka ti a. #Tirh. 7:58. 21Ani chuan ‘Kal rawh, hla takah Jentail-te hnênah ka tîr dâwn che a ni,’ mi ti ta a,” a ti a.

Paula sipai hotu lalber hmaah

22Chumi a sawi thleng chuan an ngaithla a, ring takin, “Mi hetiang hrep hi khawvêl ata tiboral rawh u, nung tlâk a ni lo ve,” an ti a. 23An au va, an puante an hlîp#22:23 ‘vai’ tih theih a ni. a, vaivut an vawrh a. 24Sipai hotu lalber chuan Paula chu kulhbîngah a hruai luhtîr a, a chunga chuti taka an au chhan chu a hmuh chhuah theih nân hruihruala vuaka, dâwp tûrin thu a pe a. 25Vuak tûra savun hruia an phuar zawhin, Paulan a kianga ding sipai za hotu hnênah, “Rom mi, thiam loh chantîr pawh la ni si lo hi vuak a thiang em ni?” a ti a. #Tirh. 16:37; 23:27. 26Sipai za hotu chuan chu thu chu a hriat veleh, sipai hotu lalber hnênah a kal a, “Engtin nge i tih dâwn? He mi hi Rom mi a lo ni reng mai,” a ti a. 27Sipai hotu lalber chu a lo kal a, a hnênah, “Rom mi i ni maw? Mi hrilh rawh,” a ti a. Ani chuan, “Ni e,” a ti a. 28Sipai hotu lalber chuan, “Kei chuan Rom mi nihna nei tûrin sum tam tak ka sêng asin,” a ti a. Paula erawh chuan, “Kei zawng Rom mi rênga piang ka ni,” a ti a. 29Tichuan, sawisa chunga dâwp tumte chuan Paula chu an ṭînsan ta nghâl a, sipai hotu lalber pawh chuan Rom mi a lo phuar mai tih a han hriatin a hlauthâwng hle a.

Paula Sanhedrin-ah a ding

30A tûkah chuan Juda-ten Paula chungah thu eng nge an neih hriat chian tumin, sipai hotu lalber chuan puithiam lalte leh Sanhedrin mite inkhâwm tûrin thu a pe a. Paula chu a phelh a, a hruai chhuk a, an hmaah a dintîr a.

Currently Selected:

TIRHKOHTE 22: MIZCLBSI

Highlight

Copy