Woo bɛ ŋa Kusinti
Kusinti
Icɛi Woo bɛ ŋai í jɛ tia minjisia iyi Luku í kɔ. Si tia sinteu iyi í jɛ laabaau jiidai Jesu, Luku í leekĩi si waatii kuwɛɛi Jesu si ilɛ. Nɔ si tiai Woo bɛ ŋa wa fɔ idei kusintii igbɛi Jesu. Ide ŋa iyi à nya faaji nŋa si tiai Icɛi Woo bɛ ŋau ihɛ̃ í nyisi igbɛi inɛi Jesu ŋa yaasei icɛ iyi aa maa ce waati kãma fei, waatɔ a koo a sisi laabaau jiidai Jesu bi dimi fei hee kɔɔi andunya fei.
Hai waati iyi Jesu í nɛ lele (1:1-11), kuwɛɛɛ si inɔi mɔcɔɛ ŋau í kpaasi. A kaa ya yɔɔ do iju má, amma Hundeɛ í wa inɔ nŋa nɔ wa nɛò ŋa.
Tiau wa fɔ idei igbɛi inɛi Jesu ŋa iyi í sinti si ilɛi Zuifu ŋa do saabui Piɛɛ, bɛi Zeruzalɛmu walakɔ si ilɛi hai jɛ Zuifu ŋa bɛi Antiɔsi do Kɔrɛnti do Filipi. À ce faajii isɛɛnɛi Pɔlu si icɛi Ilaaɔ̃. À nyi à yɛ wahala ŋa iyi í ba igbɛ iyi í sintiu nɔ à yɛ bɛi à yɔkɔ à wũa ŋa do saabui Hundei Ilaaɔ̃.
Si faajii isɛɛnɛi hai Torasi ku bɔ Filipi Luku í dasi araɛi (16:10-40), do hee ku bɔ Zeruzalɛmu tengi bii à mu Pɔlu piisɔ̃ɔ (20:5-21:18), do hai Sezaree ku bɔ Romu tengi bii Pɔlu í ce adɔ̃ minji wa degbe a kiiti nŋu (iri 27-28). Si faajii afe ŋau bɛ fei í ya nii, awa.
Tiau takaɛ í fɔ yaasei araɛi dee dee hai sinteɛ gbakã (1:8). Yaaseɛu wee.
1. Iri 1:1-8:3. Sintei igbɛi inɛi Jesu ŋa si ilui Zeruzalɛmu si anyii kunɛi Jesu lele.
2. Iri 8:4-12:15. Laabaau jiidau í fangaa si ilɛi Izirɛli fei.
3. Iri 13:1-28:31. Laabaau jiidau í to si ilɛ mmu ŋa hee ku bɔ Romu ilu nlai bommau.
Currently Selected:
Woo bɛ ŋa Kusinti: MKL
Highlight
Share
Copy
Want to have your highlights saved across all your devices? Sign up or sign in
2021, SIM International et UEEB