MARK 8
8
Jisunii mei thang madaigo pyii-chii katu
(Met 15.32-39)
1Teitinglang kaktei meimoinii gong ndwiloi wotakle, sateichii ahnyiinii mah kado kachiipii gatakle, teito Jisunii mpouboumeigo mpouda lat magongsii tamle, 2“Inii meimoigo ngousii lungsyii takle, kadapokii ahnyiinii n-gu kaswisii kalei tei leimik hangtum pat takle sateichii ahnyiinii kachiipii mah kado gatakle. 3Sateichii Inii ahnyiigo pyiichii supii kilamkii langtoi aidinchiinii ahnyii ai pwidilamto malhii tang takle, dapokii ahnyii mei kangkanii kadhii lamto gongle.”
4Teito mpouboumeinii mpougo khekalatle, “Dakumpii mei hang- ninanii mei aizii-zii aigo mahpwizyii sumto baiwo tangpo?”
5Jisunii ahnyiigo n-nhiile, “Go- nyiida tiirok pang kadazii leipo?” teito ahnyiinii tamle, “Sana.”
6Teito Jisunii meimoi gotei sa- zyiito bamlosii tam kakhatle, sateichii mpounii tiirok pang sana tei poi wosii, Saraago hakalang tamsii, tiiraksii jailosii mpou-boumei dakii pyiitakle, teito ahnyiinii meimoi da- kii jaipyii takle. 7Sateichii ahnyiinii kaa pak kacheng chengniikado bamle, Jisunii satoi tei pyiisii aido meimoi dakii jailosii pyii takle. 8Sateichii ahnyiinii chii wotakle ni- nado maghiitakle, sateichii ahnyiinii chii kamasak razyii sana katokryii poi wole. 9Sateichii teikito chii kalu mei tei mei thang madaikiile, teito Jisunii ahnyiigo langtoi aitakle. 10Sateichii teisekto mpounii mpou- boumeigo kaswisii malyiilung liit tosii, Dalmanuta sazyii ki tat tutakle.
Farasismeinii kamadat hangninii tiimangoulosii kakhang
(Met 16.1-4)
11Farasismei kangkanii Jisuda gongsii mpougo chyii n-gitu takle, sateichii sating gamto kamadat hangninii tiimangoulosii khangle, mpougo jai jutang karam jangpii. 12Nlenii Jisunii chyiidi ngaisii tamle, “Mei aimeinii kamadat hang- ninii fiikalei ai dajangpiipo? Kasang- pii Inii gonyiidakii tam leile, gonyiiha kito kamadat samah kado mangou- lakle.”
13Teito Jisunii ahnyiigo toisii ma- lyiilung tatliit loisii mpounii dwijai lugang kaapat takle.
Farasismei ninado Herot mah ahee
(Met 16.5-12)
14Jisu boumei teinii tiirok tei pung mangai aitakle, ahnyiida tiirok pang-sang pangkii roinii malyiilung- tei bam takle. 15Jisunii kakhatsii ahnyiigo tamle, “Julo, Farasismei ninado Herot mah ahee kiteito gonyii sakai wolo.”
16Ahnyii kak kito ahnyii roinapiinii rashiitu takle, “Mpounii ai tamleile, dapochiinii nyiida tiirok gatakle.”
17Ahnyiinii karashii kalei tei Jisunii tiwosii mpounii ahnyii dakii tamle, “Tiirok kaga jangpii gonyii dapei karashii leipo? Gonyiinii toi katangpii timak-ngoumakpo rei? Gonyii lung tei leipo? 18Mik pungsii pungsii gonyii ngoumakde? Sateichii gonyiinii maning sutakde? 19Inii mei thang mangii jangpii tiirok pang mangii tiirak katu kaktei gonyiinii chii kamasak tiirok razyii katokryii kadazii poi nkom wopo?” Ahnyiinii khekalatle,
“Keariisiinakhii.”
20“Sateichii Inii mei thang madai jangpii tiirok pang sana tei tiirak katu kak gonyiinii chii kamasak tiirok razyii katokryii kadazii poi nkom wopo?” Sii Jisunii n-nhiile, ahnyiinii khekalatle.
“Sana.”
21Teito mpounii ahnyii dakii tamle, “Gonyiinii toi katangpii timakpo rei?”
Jisunii Bethsaida kito mik kachetmei hangniniigo tii-mbikapyii
22Sateichii ahnyiinii Bethsaida ki gongle, teito mei kangkanii Jisuda mik kachetmei hangninii pang gongle, sateichii mik kachetpii gamtei dengsei losii ahnyiinii Jisu dato khangle. 23Teito Jisunii mik kachetpii gotei bahto jumsii nam ki teito siiba pangpat takle, teito Jisunii mik kachetpii mik kikii poktai masui kaipyiisii mpou gamkii mpou bah kaisii mpougo n-nhiile, “Nang mah kado ngoumakpo?”
24Teito mpounii jumakhiisii tamle, “Inii meinah ngoule; nlenii meinah tei ruibang tat kalei kumpii ngoule.”
25Jisunii nlailoisii mik kachetpii mik kikii mpou bah hangna tei kaipyii takle, toinii miktei tiigatpii ngou wotakle, mpou mik-hoi tei nlai- gong takle sateichii mpounii matum madum mateisii ngou wotakle. 26Teito Jisunii mpougo kakhatsii tamsii kilam lang matu takle; “Nam kitei nlaido nlai liit sulo.”
Pitarnii Jisu ai Krista lesii tam ka-mpat
(Met 16.13-20; Luk 9.18-21)
27Sateichii Jisu ninado mpou- boumei teinii Kaisariya Filipi ki nam nam kitei tat gongle, sateichii pwidito tat leibangpii Jisunii mpou- boumei dato n-nhiile, “Meihangnii n-gu ai taleziipo?”
28Teito ahnyiinii khekalatle, “Jon dwi mpum kapyiipii, sateichii mei kangkanii tamle, Ilaijah, sateichii mei kangkanii Lungkakalingmei kak kito Lungkakalingmei hangninii lesii tamle.”
29Sateichii mpounii ahnyii dato n-nhiile, “Nlenii gonyiinii n-gu ai taleziipo?” Teito Pitar nii mpougo khekalatle, “Nang Krista teile.”
30Teito mpounii gu kaang kito meida kado tam sulo sii kakhatbing takle.
Jisunii kamage tang karam ninado mpounii taitang karam sam reipiinii katam
(Met 16.21-28; Luk 9.22-27)
31Sateichii mpounii mpou-bou- meigo ralipyiiloi tutakle, “Meinah sapfii mpou teinii kamage katu hangka doutangle sateichii kating- mei hangnii, Tingdimei hangnii ninado ajaitingshang kati ojamei hangnii mazhiilakle, mpougo gitangle, nlenii zangtumnii piinei-tai mpounii ringkhii tangle.” 32Ai sam ai Jisunii madupii tamle, teito Pitarnii mpougo pangtam wosii n-gitakle. 33Nlenii Jisunii nryiigong mpou-boumeigo jule sateichii Pitar go n-gile, “Gutailam tat tulo, Seitan! Kadapokii nangnii kamaning tei Saraa dato gongmakle, nlenii meinah dato gongle.”
34Sateichii mpounii mpou-bou- meigo kaswisii meimoi gotei mpouda lat magongsii tamle, “Mei kata kangkanii gutai swinyii lepochiinii mpou mah kamaning tei toi ailo, krosh tei poi matu wolo sateichii gutai swi wolo. 35Kadapokii mei kata kangkanii mpou mah karing keikanyiimei teinii karing tei maga tangle; sateichii mei kata kangkanii gujangpii sateichii kabi rasam jangpii mpou mah karing maga kaleimei hangteinii keikapyii tei doutangle. 36Kadapokii mei hangni- nanii sazyii pouryii matum matum dou wokido mpou rangii tei ga ai dinchiinii kadapei liipat lei tangpo?” 37Kadapochiinii mei hangninanii mpou karing ai kadapeipii hek tangpo? 38Kadapokii mei-nou mainahgo kachyii ninado kakui kama ai-haki aito kalei mei kata kangkanii gujangpii ninado gusam jangpii n-rou lepochiinii ah dato meinah sapfii mpou teinado n-rou tangle, mpounii kamatei sating gamlui hang go kaswisii Pfii mah pumtei kava kito kagong kak tei.
Currently Selected:
MARK 8: NAG2
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
