MARK 6

Jisugo Nazaret kito mazhii kasu

(Met 13.53-58; Luk 4.16-30)

1Teibam kiteito Jisunii tatpat takle sateichii mpou sazyiiki gong takle sateichii mpou-boumeido mpoutai swileile. 2Sateichii bam ntak piinei leimik tei mpounii Jehu- dimei mah ndwibamni kito ralipyii tutakle; mpougo shiikalu meihang teinii sung gasii tamle, “Mei aipounii aihang ai kada kito dou wopo? Mpougo pyii kabam swirek kabi ai dapeipo? Kamadat tha hang ai mpou-bahpiinii kada takumpiinii tiiwopo? 3Aipou ai tingchem kachempii Meri-nah sateichii Jems, Joses sateichii Simon sung katingpii tei makde? Sateichii mpou-taipwimei hangdo nyiigo kaswisii lunglei makde?” Aitiisii ahnyiinii Jisugo mazhii sutakle.

4Sateichii Jisunii ahnyii dakii tamle, “Lungkakalingmei hangninii gotei mpou sazyii kito sateichii mpouki kalungmei ninado mpouki kalungto supii bamlyii hang kito sadzyii ngariit tiile.”

5Katchii kanhii mei chengniikii phyiiryiikii mpounii bah poikai pyiisii tii-mbikapyii tei supii teikito mpounii tha kadi hangninii kado tiiwo-lak kiile. 6Sateichii ahnyiinii malum kasu tei ngou wosii mpounii hangkapii sung gatakle, sateichii Jisunii nam namki tat maguisii ralipyiile.

Jisunii mpou-boumei keariisiinakhiigo lang ka-mpat

(Met 10.5-15; Luk 9.1-6)

7Sateichii Jisunii mpou-boumei keariisiinakhiigo lat tosii mei hangna-napii lang mpatle, sateichii sara kashyiigo ngam kabui mah tei- mahamdo ahnyii phyiiryiikii kaipyii takle. 8Sateichii koktui hangninii roisupiinii kachii pot, sanah tiikou, sanah tiikou kikii sanah, mah hangninii kado tiibui jangpii pung sulo; 9sateichii pi kikii pichot choilo, sateichii paijou hangna njou sulosii Abangpiinii ahnyii dakii kakhat- pyiile. 10Sateichii mpounii ahnyii dakii tamle, “Gonyiinii tatliit rhiika- lupii ki teito tei nam kito tat-tu kasuta bamlo. 11Sateichii bam kata hangninii kito gonyiigo lukaipyii sudinchiinii mak-kii shiipyii sudin- chiinii gonyiinii bam teiki teito tat kapat tinglang kak, ahnyiigo sakchyii tiikabui jangpii gonyii pi ki buinei tei padumtoi ailo.”

12Sateichii ahnyiinii tatpatsii meinii kem kito lungkali kabui kabi rasam tei tam ralipyii takle. 13Sateichii ahnyiinii sara kashyii hangkago baatoipyiile ninado katchii kanhiimei hangkago thao manuk pyiisii tii-mbipyiile.

Jon dwi mpum kapyiipiigo phyiibung kabaa

(Met 14.1-12; Luk 9.7-9)

14Herot sagongnii aihang ai shiitakle, dapokii mei kangkanii tamle, Jon dwi mpumkapyiipii katai kito ringkhii takle, teijangpiinii mpouda ai meinii tiipei kalak tha tiikabui mah teimaham tei leile.

15Nlenii mei kangkanii tamle, “Ai ai Ilaijahle.” Sateichii mei kakimei teinii tamle, “Ndou ndou karei mah lungkaklingmei hang kak kito, mpou ai Lungkaklingmei hangninii takumle.”

16Nlenii Herotnii ai ai shiiwo sek-kii mpounii tamle, “Inii Phyiibaa kaleipii, Jon tei ringkhii takle.” 17Kadapokii Herotnii mei langkai- pyiisii Jon gotei jum wotakle, sateichii kabang kikii rengpeisii kai aitakle, mpou sanapii Philip-nou Herodias jangpii, dapochiinii mpou- nii mpoupeigo manou kalu jangpii. 18Kadapokii Jon-nii Herot dakii tamle, “Go taikarhiipii nougo manou kalu ai ajai makle.”

19Teijangpii Herodias teinii mpougo ngoudo ngouroutu takle, gido ginyii takle, nlenii mpoupeinii tiipei wolak takle. 20Dapokii Herot- nii Jon ai mei kabi meile sateichii kamatei meile katu tisii, mpougo hingle ninado keipyiile sateichii mpou-sam shii wosii mpou lung ai lungnyii lunghao kido mpou-sam ai ntasii shiile.

21Herodiasnii tinglang kabi ninii doule, Herotnii mpou kangto kalei kadimei ninado Galili kito kadi kathangmeigo lat tosii mpougo kamanaa piinei leimik mah tak baile. 22Tei tinglangki Herodias nah sapwi mpei teinii tat liitsii takoi tiile, teito Herot ninado mpounii tak-baisii kalei meihang go lung tiisamou pyii takle, teipiinii Sagong Herotnii nah sapwi mpei dateikii tamle, “Nangnii gudato kamarei tei khanglo; Inii n-go pyiitangle.” 23Sateichii mpounii nah sapwi mpei dakii riishii tiisii tamle, “Nangnii kakhang kata kado Inii n-go pyiitangle, gumah sagong mah sazyii aphang katangdo pyiitangle.”

24Teito nah sapwi mpei teinii tatpatsii mpou-pwi dato n-nhiitakle, “Inii dapei khang tangpo?” teito pwi teinii, “Jon dwi mpum kapyiipii mah phyiibung khanglosii tampyii takle.”

25Nah sapwi mpei teinii kalangsii sagongda nlailiit, “Nangnii Jon dwi mpumkapyiipii mah phyiibung tei kok hangninii kikii kai wosii toisek n-gu kapyii tei Inii mareilesii” khangsii tam takle.

26Teito sagong teinii hangkapii lung kamage takle; nlenii mpoumah riishii jangpii ninado mpounii lat magongsii kabam mei doi teito mpoumah riishii tei tiipakrou takle. 27Manoisek-kii sagong teinii kikalei saryiimei niniigo Jon dwi mpumka- pyiipii mah phyiibung tei baapoi patlosii mwija laatpyiisii lang matu takle; koikalei saryiimei hangninii teinii kabang kilung tei liitsii Jon dwi mpum kapyiipii mah Phyiibung tei baa ndang takle; 28sateichii mpounii kok hangninii kikii poipatsii nah napei gotei pyiitakle, teito nah napei teinii mpou-pwigo pyiitakle. 29Jon dwi mpum kapyiipii mah boumei teinii sam tei shii wosek-kii, ahnyiinii gongsii mpoupum tei poisii rou kikii tiigoi aitakle.

Jisunii mei thang mangiigo kabai

(Met 14.13-21; Luk 9.10-17; Jon 6.1-14)

30Sateichii Tiilamlwi kapyiimei teinii Jisuda nlaigongsii ahnyiinii tiikaluhang ninado ralikapyii hang- tei mpou dakii tam takle. 31Teito Jisunii ahnyiida tamle, “Patlo, gonyii rangtiisii kamakum bamnito shangniikii ntaklo; dapokii teiki tei meihangka pisii-humsanii ahnyii kachii kasak tinglang katangdo dousu takle.” 32Sateichii ahnyii tei malyii gam tongsii kamakum bamni tat tutakle.

33Nlenii meimoinii ahnyiinii tat katu tei ngoule sateichii ta-tapo katu teido titakle; sateichii ahnyiinii namdi kiteito bam teiki katang tei pipii pak gongsii ahnyiinii gongrei wotakle. 34Jisunii malyiilungto pat sek-kii, mpounii meimoi tei ngoutakle, sateichii mpou-lungtei ahnyiigo lungkasyii piinii tokryii takle, dapokii ahnyii tei pum kaga Jaonah takum takle; teito mpounii sam hangka ralipyiitu takle. 35Sateichii leimik riliit sek-kii, mpou-boumeinii mpouda gongsii tamle, “Ai ai kama- kum bamle, toinii tinglang ritakle, 36Pungbang aikito kalei ram ninado namdi ki ahnyiinii maasii kachii pot lyii kabui jangpii ahnyiigo lang matat ailo, sii tam takle.”

37Nlenii Jisunii ahnyiigo kheka- latle, “Gonyiinii ahnyiigo kachii kasak tei pyiilo.” Teito ahnyiinii Jisugo tamle, “Nyiinii maasii sana raguiba haina mai tiirok lyiisii ahnyiigo pyiichiilopo?”

38Teito mpounii ahnyii dakii tamle, “Gonyiida tiirok pang kadazii leipo? maasii julo,” teito ahnyiinii Jisuda tamle, “Tiirok pang mangii sateichii kaa pakna leile.”

39Teito Jisunii ahnyiihang go tamle, ndwi-ndwi tiisii-tampyii ka- madek phyiiryii tei meihang bam matulo; 40teito ahnyii tei ndwi ndwi tiisii mei hai haipii, rekngii-ngiipii bam wotakle. 41Sateichii Jisunii tiirok pang mangii ninado kaa pakna tei poi wosii sating gamkii rajang makhiisii, satoi pyiitakle sateichii tiirok tei tiiraksii mpou-boumei dakii jailosii pyiitakle, sateichii mpounii kaa pakna tei meihang go njaipyii takle. 42Teito ahnyiihang chiisii maghii takle 43sateichii chii kama- sak piinii razyii keariisiinakhii mpou-boumeinii poi nkom wole. 44Sateichii teikito chii kalumei tei mei thang mangiile.

Jisunii dwi phyiiryiito pipii katat

(Met 14.22-23; Jon 6.15-21)

45Meimoi gotei Jisunii toisii manoisek-kii Jisunii mpouboumeigo malyiiki liit malu wosii Bethsaida lugang mpou-doi reisii tat matutakle. 46Meimoi gotei Jisunii tat n-nousii mpounii riita tang karam jangpii zang hangniniiki tat tutakle. 47Teito tingkhiilam gong sek-kii, malyii tei dwijai sumto leile, Jisudo sazyii katangki teito mpou roinapii bamle. 48Sateichii tingkainii ahnyii doito gwi kagong jang teipiinii ahnyiinii kamage gatsii malyii hoi kalei tei mpounii ngoutakle, tinghum pung madai tinglang doukii mpounii dwijai kadi phyiiryiito pipii tatsii ahnyiida gongle; mpounii ahnyiigo tat maju aine lei takle; 49nlenii ahnyiinii mpougo dwijai phyiiryiito pipii tat kalei tei ngousii, “Ai ai mei maa-le” sii maning takle sateichii saale; 50dapokii ahnyiinii mpougo ngousii saram takle, nlenii mpounii teisek-kii ahnyiigo tamle, “Lungdilo, I-le, hingsulo,” 51teito mpounii ahnyiigo kaswisii malyiilung tei tatliit tosek-kii, tingkai tei gwisutakle; teito mpou-boumei teinii khiipat takle. 52Dapochiinii mei thang mangiigo bai kalu mah kasang kaang tei tikasu jangpii, ahnyii swipii tipei wolak takle.

Jisunii Genesaret kito katchii kanhii tii-mbi kalu

(Met 14.34-36)

53Ahnyiinii dwijai tei kaa maju- pat tosii Genesaret katu sazyiiki gongle, teito ahnyii mah malyii tei matou aitakle, 54Teito ahnyiinii malyii lungto pat sek-kii, meimoinii mpougo titakle, 55teipiinii ahnyiinii teiki pungbang hang kito paksii, mpounii kalei bamlyii hang kito katchii kanhiimeigo zyiigamkii peisii mpouda poigongle. 56Sateichii mpou- nii katat bamlyii hangki, namdiki todosa, abung kitodosa mak-kii ram kitodosa, ahnyiinii katchii kanhiimei gotei salikijang hang kikii mazyii takle, sateichii ahnyiinii mpoupeikaa katangpiinado deng matu losii khangle, sateichii deng kalumei hangteiniido biwo takle.

Currently Selected:

MARK 6: NAG2

Highlight

Copy