LUK 3

Jon dwi mpum kapyiipanii tam rali kapyii

(Met 3.1-12; Mrk 1.1-8; Jon 1.19-28)

1Teberias Sesharnii tingkum kea- riisii mangii nkhii kashang sagong pung kaleidou, Pontios Pailatnii Judah sazyiiki Governor pungleile, Herotnii Galili ki sagongle, Mpou taikarhiipii Filipnii Itoria sateichii Trakonitis sazyiiki sa- gongle, sateichii Laisanias nii Abilen ki sagongle. 2Sateichii Anna nei Kaifas nii kanat kajum Atingmei tiikaleidou, mahpwizyii kito Zakaria nah sapfii mpou Jonda Saraa mah samtei gongle. 3Sateichii kem kama kito kaleipyii tang karam jangpii lung kali katu mah dwi ka-mpum tei mpounii tam ralipyiisii Jordan longkoi hangki gongtakle. 4Lungka- kalingpii Isaiya mah Larekbung kikii ryiikabam takumpii,

“Sazyii kamarong kito saa kalei rok hangninii teinii:

Bangpii mah pwidi tiikadalo,

Mpou pwidi tiimajyiilo.

5Sazyii kathok hangtei mat tangle,

Azang kadi sateichii azang kacheng hangtei tiisana tangle,

sateichii pwidi ka-nkuihang tei tiimajyii tangle,

sateichii pwidi kamagam hangtei tiimazhyii tangle;

6Sateichii meihangnii Saraa mah kalei kapyii tei doutangle.”

7Teijangpiinii mpou dato dwi mpum tang karam jangpii gong kalei meihang dakii mpounii tamle, “He sanhii taa nahmei! gongtang karam rakarhii kiteito pak wolosii tanii gonyiigo tampyiipo? 8Lung kali kalu mah ati tei matilo, sateichii nyii pfii Abraham leile katupii gonyii lung kito maning tusulo, dapochiinii Inii gonyii dakii tam leile, Saraanii Kuitu aihang kito Abraham dakii mpou nahmei tii mpatto buile. 9Aitoido ruibang hangmah maa kikii aryii hoisii bamle, Teijangpiinii riiti kabi mati kasu ruibang hang gotei bitoisii mi sumkii toikai tangle.”

10Teito meimoi teinii mpougo n-nhiile, “Teitii leponii nyiinii kada- pei tiitangpo?”

11Sateichii mpounii ahnyii dakii khekalatle, “Mei kata kangkii paijou hangna kabam mei teinii, gakok koksii kabam mei gotei njailo; Kachii kasak kabam mei teiniido teitakum matulo.”

12Sateichii aha-kahamei teiniido mpouda gongsii tamle, “Madhiika- pyiipii, nyiinii kadapei tiitangpo?”

13Teito mpounii ahnyii dakii tamle, “Poitang karam sung haki sulo,”

14Sateichii Saryii katiimei teiniido mpou dato n-nhiile, “Nyiinii kada dapei tiitangpo?” teito mpounii ahnyii dakii tamle, “Mei mah kado satui sajyii tiisii poisulo, meigo kado kama kikii lwikai sulo, sateichii gonyii mah magemai teipii biwo kabui tiilo.”

15Sateichii meimoinii Jon go Krista maniisii ahnyii lung kito maning kariirhii leibangpii, 16Jon- nii ahnyii hang dakii khekalatle, “Inii gonyiigo dwi kito dwipii mpum- pyiile, Nlenii gusung dikakipii tei gong leile, Inii mpoumah Pichotring hektoi kajyii mei makle; Mpounii gonyiigo Rangii kamateipii sateichii mipii mpumpyii tangle. 17Mpou lutei marhiipii gam mateisii gihuti tei mpoubou kikii poi ndwitang karam jangpii, mpou mah marhii tei mpoubahki leile, sateichii rangh gam gotei kalui tiikasu mibam kikii toikai tangle.”

18Aitiisii meigo lung tii-nta tiimadisii mpounii kabi rasam tei meidakii tam ralipyiile. 19Nlenii Jon-nii Herotgo n-gile, kadapokii mpounii mpou taikarhiipii nou Herodias go manou kalu jangpii sateichii kaki kaki kashyii kahong tha katii jangpii, 20Herotnii aihang phyiiryiikii kisii kashyii hangninii tiitakle, katunii Jon go mpounii kabang kikii kai aitakle.

Jisugo dwi mpum kapyii

(Met 3.13-17; Mrk 1.9-11)

21Aitoinii meihang go dwi mpum kaleitai, Jisudo dwi mpum takle, sa- teichii mpounii riita kalei kak, Sating gamtei laatpyii takle; 22sateichii rangii kamatei teinii Sararuinah pum takumpii mpou phyiiryii humle, sateichii sating gamto rok hangninii humle, “Nang ai Inii lungkasyii Gunah sapfii mpou teile, Inii n-go hangkapii lung mangle.”

Jisu mah pfiitat

(Met 1.1-17)

23Sateichii Jisunii tha tiikahao kak ai, mpou tingkum tamrhiikii takle, Mpou ai meinii maning kalei takumpii Joseph nah sapfii mpoule, Joseph nii Heli nah sapfii mpoule, 24Heli nii Matat nah sapfii mpoule, Matat nii Lebi nah sapfii mpoule, Lebi nii Melkhi nah sapfii mpoule, Melkhi nii Janai nah sapfii mpoule, Janainii Joseph nah sapfii mpoule, 25Joseph nii Mathatia nah sapfii mpoule, Mathatia nii Amos nah sapfii mpoule, Amos nii Nahum nah sapfii mpoule, Nahum nii Isli nah sapfii mpou le, Isli nii Nagai nah sapfii mpoule, 26Nagai nii Maat nah sapfii mpoule, Maat nii Mathatia nah sapfii mpoule, Mathatia nii Semin nah sapfii mpoule, Semin nii Josek nah sapfii mpoule, Josek nii Joda nah sapfii mpoule, 27Joda nii Joanam nah sapfii mpoule, Joanam nii Rhesa nah sapfii mpoule, Rhesanii Zerubabel nah sapfii mpoule, Zerubabel nii Shealthiel nah sapfii mpoule, Shealthiel nii Neri nah sapfii mpoule, 28Neri nii Melkhi nah sapfii mpoule, Melkhi nii Addi nah sapfii mpoule, Addi nii Kosam nah sapfii mpoule, Kosam nii Ilmadam nah sapfii mpoule, Ilmadam nii Ir nah sapfii mpoule, 29Ir nii Joshuwa nah sapfii mpoule, Joshuwa nii Ilezer nah sapfii mpoule, Ilezarnii Jorim nah sapfii mpoule, Jorim nii Mathat nah sapfii mpoule, Mathat nii Lebi nah sapfii mpoule, 30Lebi nii Semion nah sapfii mpoule, Semion nii Judah nah sapfii mpoule, Judah nii Joseph nah sapfii mpoule, Joseph nii Jonam nah sapfii mpoule, Jonam nii Iliakim nah sapfii mpoule, 31Iliakim nii Malia nah sapfii mpoule, Malianii Menna nah sapfii mpoule, Menna nii Matata nah sapfii mpoule, Matata nii Nathan nah sapfii mpoule, Nathan nii Devit nah sapfii mpoule, 32Devit nii Jesse nah sapfii mpoule, Jesse nii Obet nah sapfii mpoule, Obet nii Boaz nah sapfii mpoule, Boaz nii Salmon nah sapfii mpoule, Salmon nii Nashon nah sapfii mpoule, 33Nashon nii Aminadab nah sapfii mpoule, Aminadab nii Admin nah sapfii mpoule, Admin nii Arni nah sapfii mpoule, Arni nii Hezron nah sapfii mpoule, Hezron nii Perez nah sapfii mpoule, Perez nii Judah nah sapfii mpoule, 34Judah nii Jakob nah sapfii mpoule, Jakob nii Isak nah sapfii mpoule, Isak nii Abraham nah sapfii mpoule, Abraham nii Terha nah sapfii mpoule, Terha nii Nahor nah sapfii mpoule, 35Nahor nii Seruk nah sapfii mpoule, Seruknii Reu nah sapfii mpoule, Reu nii Perez nah sapfii mpoule, Perez nii Iber nah sapfii mpoule, Iber nii Selah nah sapfii mpoule, 36Selah nii Kainan nah sapfii mpoule, Kainan nii Arpakshad nah sapfii mpoule, Arpakshad nii Shem nah sapfii mpoule, Shem nii Noha nah sapfii mpoule, Noha nii Lamek nah sapfii mpoule, 37Lamek nii Mathusela nah sapfii mpoule, Mathusela nii Inok nah sapfii mpoule, Inok nii Jaret nah sapfii mpoule, Jaret nii Mahalel nah sapfii mpoule, Mahalel nii Kenan nah sapfii mpoule, 38Kenan nii Inosh nah sapfii mpoule, Inosh nii Seth nah sapfii mpoule, Seth nii Adam nah sapfii mpoule, Adam nii Saraa nah sapfii mpou teile.

Currently Selected:

LUK 3: NAG2

Highlight

Copy