2 RÊNGHAI 20
20
Hezekia damloi dam nôkna
(Isa 38.1-8; 2 Tsn 32.24-26)
1Kha laia khan rêng Hezekia chu thi hrang angin a naa. Amoza nâipa Isaia’n a hong pana. “Rengpa’n hiang hin a ti, nin sûngkua rêl infel ro, ni thi hrang a ni sikin, dam suak ta no chi ni,” a hong tia. 2Hezekia’n bang tiang a’rheia, a chongchaia: 3O Rengpa ni mithmua hin dik takin ki om ngaia, lungrîl irthiang irputin thil sa ki tho ngaia, irngaihoi takin inhre mai ro, a tia, a chap ngûi ngûia. 4Isaia chu a fea, rêng in tual a khêlin an Rengpa mihai chunga roirêltu Hezekia kuang khan Rengpa’n a tîr kîr nôka. 5“Kei Rengpa ni pu Davida Pathian hin ni chongchaina kin hriata, ni mitrithi tâk ki hmua, nan damtir ki ta a vuan ata sûn thum zoia chu tempila fe thei ni ti. 6Kum sôm kum ringa ni dam sûng kum nang ki bôk pe. Assuria rêng kut ata nangma le ama khua hi kei leh ki siahlo Davida zârin inzôk ki ti, a ti va ti ro,” a tia. 7Isaia’n, “Theipui ra hmin hor hmal roi,” a tia. Thei ra hmin chu an lâka, a sakhuaia khan an khop pea, a hong dam pe ta. 8Reng Hezekia’n, “Rengpa’n nin damtir a ta, sûn thum zoia chu tempil fe thei ki tih iti, itina kin inhriat thei mo?” a tia. 9Isaia’n, “Rengpa’n nang indam a tih ti inhriatna hrang irsinsiana nan entir a ti, nir hlîm so kal sôm a fe mo ni nuam kal sôma kîr nôk mo, ni inuam tak inthang ro,” a tia. 10Hezekia’n, “kal sôma infetir chu a olhrai ta, kal sômin kîr nôk ri se,” a tia. 11Isaia chu a chongchaia, rêng Ahaza irhlîm siam chu Rengpa’n kal sôm an kîrtira.
Babulon rêng palai
(Isa 39.1-8)
12Kha laitaka khan Babulon rêng Balada’n nâipa Merodak-baladana’n Hezekia chu a dam nôk tah ti an hriatin thilpêk le lekha a hong thona. 13Hezekia chu a sân a lôma, a sum siana inhai an entira, a sumru, le rângachak hai, a mosola le mirimhoi danghai, a râlthuam hrêna inhai le a ram sûnga hmun poimohai inentir loi zel nei maka. 14Deipu Isaia chu Hezekia kuanga a fea, “Hi mihai hi kho rengata hong mo an ini, imo an hong ihril?” a tia. Hezekia’n, “Ram hlatak, Babulon ata hong an ni,” a tia. 15Isaia’n, “Reng ina i zât thil mo an hmu?” a tia. Rengin, “Itinrêng an hmu ving thil hrênahai khom itinrêng hmu loi zel nei mahai,” a tia. 16Isaia’n Hezekia kuang, “Irngai roh Rengpa thu hi: 17#2 Rng 24.13; 2 Tsn 36.10 ni ina thil om murdi, ni pahaiin a vuan sûn tena an ihrêkhômhai hi Babulon-a an lâk ving zoro hong tung hrang a ni, ite mâksan ni no nihai, Rengpa’n a ti. 18#2 Rng 24.14-15; Dan 1.1-7 Nangma inei ngei, ni nâipasalhai chel an ta, an til la pehai an ta, Babulon rêng sintho pe ta an ti,” a tia. 19Reng Hezekia chu a dam sûng kum chu raifân takin om a ta, an izôk hrang tiin ar bêa, “Rengpa thu ni zuang intung chu raifân a om” a tia.
Reng Hezekia thi thu
20Reng Hezekia thil tho danghai chu, a hâi lam le tui lût thei loina hmun Akera khuaa tui a inlûtna thu hai, Juda rênghai thurchi irziakna lekhabua a chuang ving. 21Hezekia chu a thia, a nâipa Manasea chu ar thûlin an lal nôk ta.
Currently Selected:
2 RÊNGHAI 20: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
