2 THURCHI SUINA 8
8
Solomona sinthohai
(1 Rng 9.10-28)
1 Rengpa tempil le ama in a sin sûng kum sômhni a hong niin chu Solomona’n, 2Hirama ipêk khopuihai chu Judai rama mihai an luatirhaia. 3Solomona’n Hamat-zoba a doia, an hnêa. 4Ramchâra Tadmor kul chu a sin insatira, Hamath biala khuahai chu thil siakhômna hrangin a sin insahai nôka. 5Solomona’n Beth-Horon chu chuanchung le chuanhnuai kul banghai chu a sinsiama, inkhârhai khom a kalnahai a sina. 6Baalath khopuihai le a neinun a isiana khopui hai, a sakor hai le a tâli siana khopui hai khom a sin insahai nôk vinga. Jerusalem hai, Lebanon hai le a ram sûng murdia in sin a itum kai chu a sinhai vinga. 7Israel mi ni loi, Hit mihai, Amor mihai, Periz mihai, Hiv mihai, Jebus mihai, Kanaan rama lei om, Israelhaiin Kanaan ram an luaa, 8an ithat zoi loihai kha Solomona’n suak anga hmang hrangin sintho pâl an dinga, khahai kha atûn ten hin an la om. 9Israel mihai rêk chu sintho hranga inphût ni mahai, sipaihai, hruaituhai, tâli chalaituhai le sakor chung chuang mi an chang saa. 10In sinna enkoltu mi irzahni sômringa an om. 11Solomona’n a dôngma, Aigupta rêng nâinu ta hrangin in a sina, Davida khopui ata a lâksuaka, a in sina khan an omtira, “Ki dôngma hi Israel rêng Davida ina om hrang ni ma. Thuthung Bôm omna murdi hi hmun Irthiang a nia,” a tia.
12Tempil mikota maichâm a sina, Solomona’n hâlirvôm thilinhlan an hlana. 13#Fes 23.14-17; 34.22-23; Nam 28.9-15; 28.16—29.39; Dhn 16.16 Mosia dân bua chuang angin a ni tina inhlan hranghai, sabat nia inhlan hranghai, tha thara inhlan hrang le kum khat sûnga kût voithum chol pol loi kût hai, pentikos kûthai, kairêng kûta inhlan hrang a bituk chu an hlana. 14A pa Davida inkung sai angin ochaihai a ni tina an tho hrang infelpuia, ochaihai hla saka lei changpui hrang Levia irchihai tho hrang khom infel pea. Tempil sipaihai a ni tina an sin hrang hai, inkhâr hrang hai, Pathian mi Davida ihril angin an danghai vinga. 15Thil siakhômna le thil dang chungchâng ochaihai le Levi irchihai kuanga Davida thupêk murdi kha itinrêng a tho vinga. 16Rengpa tempil an sinna hrang lung an phûm nî ata ar zoi ving tena Solomona’n tho hrang a iti murdi an tho zoi vinga, Rengpa tempil chu hlo an chuktir tâka.
17Khan Solomona chu, Edom rama Ezion-geber le Eloth khuaa khan a fea. 18Reng Hirama’n irkuang le a chalaitu thei ta tak a hong thonhaia, Solomona mihai leh Ofir rama an fea, rângachak her sîngkhat le sângringa nêka tam an hong chôia, rêng Solomona kuang an hon tunga.
Currently Selected:
2 THURCHI SUINA 8: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.