1 THURCHI SUINA 27
27
Sipai le sorkâr sintho
1Israel mi om zât a in sûnga a hruaituhai sângkhat pôl hruaitu hai, irzakhat hruaitu hai le lekha irziaktu hai, rêng kôla sorkâr sintho pôl khata mi sînghni sângminli an nia, kumtuangin a tha tina hruaitu irthûl ngai an ni. 2Tha khatna sintuhai mi sînghni sângminlihai chu Zabdiela nâipa Jesobeama’n a hruaia. 3Ama hi Juda nâi Pereza irchia mi a ni. 4Tha hnina sinthotuhai chu sînghni sângminli hai chu Aho mi Dodaia’n a hruaia. Hi pôl hruaitu tak hnuaia mi chu Miklota a ni. 5Tha thumna sinhai chu mi sînghni sângminlihai chu ochai Jehoiada nâipa Benaia’n a hruaia. 6“Pasal sa sômthum” tihai laia om kha a nia. A nâipa Amizabada’n hi pôl hi a hruaina sin kha a isan ngai a ni. 7Tha minlina sinhai chu mi sînghni sângminli chu Joaba sangpa Asahela’n a hruaia. A nâipa Zebadia khan hi pôl hi a hruaihai sa ngai. 8Tha ringana sinhai chu mi sînghni sângminli chu Izra mi Samhutan khan a hruaia. 9Tha rukna sinhai chu mi sînghni sângminli chu Tekoa khuaa mi Ikesa’n a hruaia. 10Tha sarina sinhai chu mi sînghni sângminli chu Pelon mi Efraima irchia Heleza’n a hruaia. 11Tha riatna sinhai chu mi sînghni sângminli chu Hosa mi Sibekaia’n a hruaia. Ama hi Judahai laia Zera irchia mi a ni. 12Tha kuakna sinhai chu mi sînghni sângminlihai chu Benjamina bial Anathot khuaa mi Abiezera’n a hruaia. 13Tha sômna sinhai chu mi sînghni sângminli chu Netofa khuaa mi Maharaia’n a hruaia. Ama hi Zera irchi laia mi a ni. 14Tha sômhleikhatna sinhai chu mi sînghni sângminlihai chu Efraima bial Pirathon mi Benaia’n a hruaia. 15Tha sômhleihnina sinhai chu mi sînghni sângminli Netofa khua mi Othniela irchi Heldaia’n a hruaia.
Israel nam hruaituhai
16Reubena irchia hruaitu chu Zikri nâipa Eliazera a ni. Simeona irchi hruaitu chu Maaka nâipa Sefatia a ni. 17Levi irchi hruaitu chu Kemuela nâipa Hasabia a ni. Arona irchi hruaitu chu Zadoka a ni. 18Juda irchia hruaitu chu Davida upa Elihua a ni. Isakora irchi hruaitu chu Obadia nâipa Omria a ni. 19Zebulun irchia hruaitu chu Obadia nâipa Ismaia a ni. Naftalia irchi hruaitu chu Azriela nâipa Jeremota a ni. 20Efraima irchia hruaitu chu Azazia nâipa Hosea a ni. Nitâk tianga om Manasea irchia hruaitu chu Pedaia nâipa Joela a ni. 21Nisua tianga Gilead-a om Manasea irchia hruaitu chu Zekaria nâipa Idoa a ni. Benjamina irchia hruaitu chu Abnera nâipa Jaasiela a ni. 22Dana irchia hruaitu chu Jerohama nâipa Azarela a ni. Hihai hi Israel nam bing binga hruaituhai chu an ni. 23#Irp 15.5; 22.17; 26.4 Irteppuia khan rêng Davida’n kum sômhni hnuai tianga mi chu tep sa maka, mihai chu irvâna ârsi angin tam an tih Rengpa’n chu a tephai mai sikin. 24#2 Sam 24.1-15; 1 Tsn 21.1-14 Zeruii nâipa Joaba’n irteppui chu a hruaia. Khannisian zoi irman maka, hi irteppui sikin Pathianin Israelhai chu a soisaka, mi idôr ngân mo an om tia rêng Davida thurchi irziakna khom khan irziak ni ma.
Reng sum enkol
25Reng sum enkoltu chu Adiela nâipa Azmaveta’n a enkola, kho dadanga rêng hranga puan siana inhai chu Uzia nâipa Jonathana’n a enkola. 26Reng loia sinthotuhai chu Keluba nâipa Ezria’n a enkola. 27Reng grep enkoltu chu Rama mi Simeia a ni. Uain siakhômna enkoltu chu Sefam mi Zabdia a ni. 28Nitâk tianga tâng irphutna rêng, oliv le theipui irhuan chu Gedar mi Baal-Hanana’n a enkola. Oliv sahriak enkoltu chu Joasa a ni. 29Saron phâia rêng sa enkoltu chu Saron mi Sitraia’n a enkola. Phâi dadanga sa enkoltu chu Adlaia nâipa Safata khan a ienkol a ni. 30Saringsei enkoltu chu Ismaela mi Obila a ni. Sakuartung enkoltu chu Meronot mi Jehdeia a ni. 31Kêlbelra le kêl rual chu Hagria mi Jaziza ienkol a ni. Hi mihai hi Davida mi, a sum le pâi enkoltuhai chu an ni.
Davida thurônhai ngai
32Davida pa tianga mi, Jonathana, mi vâr tak, lekha thei tak chu, a thurôn ngai a ni. Hakmona nâipa Jehiela le rêng nâi irchutirtu an ni. 33Ahithofela chu rêng thurôn ngai a nia, Ark mi Husaia chu rêng rualpa a ni. 34Ahithofela thi zoia Benaia nâipa Jehoiada le Abiathara chu rêng thurôn ngaihai an ni, Joaba chu rêng sipai hruaitu a ni.
Currently Selected:
1 THURCHI SUINA 27: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
