Ninge 34
34
Devit ga pit iakan ra ninge. I hinhinawas utano pakana bung ing ga harababo bia a ulba ie kaia ra matmataan tane Abimelek nong ga tule sei.
1 #
Ep 5.20; 1Te 5.18 Iau ni pirlat no Watong ta ira kaba bungbung.
Ira uno pirharlat na kis hatika tano hagu.
2 #
Jer 9.24; 1Ko 1.31 No nugu nilon bakut na latlaat uta ira linge no Watong i te gil.
Diet ira maris diet na hadade ma diet na guama.
3Muat tika ma iau, dahat na hatamat no Watong,
dahat gi raun tikane no hinsana.
4 #
2Sto 15.2
Iau ga silihe no Watong ma ga taram iau.
Ma ga halangalanga iau sukun ira nugu harangunngutaan na bunurut ing i ubal iau.
5Sige ing diet nanaas harmamata mei, ira nudiet matmataan i nunuhuan.
No hirhir pa na pulus ira matmataan ta diet.
6No maris na tunotuno ga tataau, ma no Watong ga hadadei.
Ma ga halon ie sukun ira uno tinirih.
7 #
Nng 91.11; Dan 6.22 No angelo tano Watong na tur luhutane diet ing diet urur tana,
ma i halon diet sukun ira udiet ebar.
8 #
Hb 6.5; 1Pt 2.3 Namien baak, ma nu nes bia no Watong i bilai.
A haraidaan na kis tano tunotuno nong i kis barahit tano Watong.
9Muat na ru no Watong, muat ira uno tus,
kanong sige nong i urur tana pa na supi tiga linge.
10Ira laion diet na malmalungo ma diet na taburungan,
iesen diet ing diet sisilih tano Watong, diet pa na supi habaling tiga bilai na linge.
11Mai, ira natigu, muat taram iau.
Iau ni hausur muat wara urur tano Watong.
12 #
1Pt 3.10-12; Sav 3.13 Sige tikai ta muat i kalak ra nilon
ma i sip bia na nes halengin bilai na bung?
13 #
Snd 13.3; Jm 1.26; 1Pt 2.22 Nu balaure no karamem ta ira sakena,
ma no haam wara tangtange ira harabota.
14 #
Ais 1.16,17; Hb 12.14 Tur talur ira sakena ma gil ra bilai na magingin.
Silihe no malum ma hilau mur ie.
15Ira matana no Watong i la nas mur tar ira ut na takodas,
ma ira talingana i la tapapos taar ta ira udiet tintaau.
16 #
Amo 9.4
No Watong i kap se no matana ta diet ing diet gil magingin sakena,
io kaik, bia ing diet na maat, da lik luban diet kaiken at mon.
17Ira ut na takodas diet tataau taar tano Watong wara harharahut, ma i la hadade diet.
I halangalanga leh diet sukun ira udiet tinirih.
18 #
Ais 61.1
No Watong i hutet ta diet ing no tapunuk i ubal diet,
ma i halon diet ing ira dadas na tinirih i bu hasur ira udiet lon.
19 #
Snd 24.16; 2Tm 3.11,12 I tale bia na mon haleng tinirih tano ut na takodas,
iesen no Watong i la halangalangai sukun diet bakut.
20 #
Jn 19.33,36 No Watong na balaure ira suruno bakut,
ma pataie tikai ta diet na takap.
21No sakana magingin at na bu bing ira ut na sakena.
Diet ing diet sukuane ira ut na takodas, diet na kap ra harpidanau.
22 #
Nng 71.23
No Watong na kul halangalanga ira uno tultulai.
Taie tikai ing i barahit tana na kap ra harpidanau.
Currently Selected:
Ninge 34: gfkNTP
Highlight
Share
Copy
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
