Popular Bible Verses from Ninge 34

Share

No Watong i hutet ta diet ing no tapunuk i ubal diet, ma i halon diet ing ira dadas na tinirih i bu hasur ira udiet lon.

Iau ga silihe no Watong ma ga taram iau. Ma ga halangalanga iau sukun ira nugu harangunngutaan na bunurut ing i ubal iau.

I tale bia na mon haleng tinirih tano ut na takodas, iesen no Watong i la halangalangai sukun diet bakut.

Namien baak, ma nu nes bia no Watong i bilai. A haraidaan na kis tano tunotuno nong i kis barahit tano Watong.

Sige ing diet nanaas harmamata mei, ira nudiet matmataan i nunuhuan. No hirhir pa na pulus ira matmataan ta diet.

Ira ut na takodas diet tataau taar tano Watong wara harharahut, ma i la hadade diet. I halangalanga leh diet sukun ira udiet tinirih.

No angelo tano Watong na tur luhutane diet ing diet urur tana, ma i halon diet sukun ira udiet ebar.

Tur talur ira sakena ma gil ra bilai na magingin. Silihe no malum ma hilau mur ie.

Nu balaure no karamem ta ira sakena, ma no haam wara tangtange ira harabota.

Ira matana no Watong i la nas mur tar ira ut na takodas, ma ira talingana i la tapapos taar ta ira udiet tintaau.

Muat tika ma iau, dahat na hatamat no Watong, dahat gi raun tikane no hinsana.