SOLOMON KEN 5
5
Tebursangi Atenba
1Ni kü atsüi arua lir, tenüla, aser kü kiyimla.
Ni kü teronem menemba aser teronem tajung bendenogo.
Kü ninang mojitzü kü ninang mojitzü tejeb den ni chiogo.
Kü mamatzü dena ni kü yi ni ajemer,
chiang, Oh tembartem, aser jemang;
jemshia jemang, Oh temeimtepertem!
Tetsürlai Atenba Ken Pungmang Tasen Ka
2Ni mejang, saka kü mulungjangbo saka liasü.
Angang! Kü meimsangi akoshidagi.
Kü nem lapokjang, tenüla, kü meim,
kü guduru, kü tabensala.
Kechiyong azüngtzü agi kü kolak tayi lir.
Kü ku aonung tzüsü jenzüka tsükba agi tayi lir.
3Kü süoshi ni semzükogo; ni aji koda asemtsü?
Ni kü tsüng shitokogo; ni koda itemji menentsü?
4Kü meimbai pa ket kishipok nung amuok,
aser kü mulungjang kü telunglen yongyaseta ali.
5Kü meimba nem lapoktsütsü ni shishi,
aser kü teka teronem menemtsü agi jenzüka,
kü temeyongtem teronem tzü agi kirürtsü manung jenlok.
6Kü meimba nem ni lapoktsü,
saka kü meimbabo meyipa or liasü.
Pai jembidang kü nela lula-adok.
Ni pa bushi, saka pa mangu;
ni pa aja, saka pai matang.
7Mitkartem, parnok yimti sema aortemi ni angu.
Parnoki kü dak azük, parnoki ni yirutsü.
Jara anükertemi kü süoshi bener oadok.
8Oh Yirusalem jalatem, ni nenok dang melar,
nenoki kü meimba ngurabang,
nenoki pa dang ni temeim agi shiranger ta shiang,
Tembartem Aser Tetsürla
9Oh tetsür rongnung tobur tajungtila,
nai onok dang yamai melatsüsa,
ne meimba tangar temeimba dang nungi kechi taoba aka?
10Kü meimbabo meyi ter rongnung balaka,
yamuka aser sentsü songshia lir.
11Pa kolak tajungtiba hon lir.
Pa ku waro ka amai tanak, semshia keta lir.
12Pa tenüktem ayong anasa gudurutem mesüka,
mamatzü agi chigur petpeta amenoka lir.
13Pa tenibung tesanem adokba naro ama lir;
pa tebangmechitem labu narotem ama,
teronem menemtsü jenzükba ama lir.
14Pa tekatem berem senti lung amenokba hon küri ama lir.
Pa temang sapfir senti lung amenokba shidi pu agi yangluba ama lir.
15Pa tetsüngtem tongbang lung tongshi hon tajung tesepokdak settok ama lir.
Pa tereprangtsü Lebanon mesüka, cedar süngdong ama tajung lir.
16Pa tebang agi azü azür; hau, pa ajaklen tepuatsüka.
Ibai kü meimba lir, aser ibai kü tembar lir,
Oh Yirusalem jalatem.
Currently Selected:
SOLOMON KEN 5: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.
