MARK OKILA
OKILA
Tsüngrem Chir Yisu Khrista Osangtajung ta shia Marki iba osangtajung zülutsü tenzük. Yisuji tashi-ain aketba nisung ka ama idaki angur. Pa tashiji pa tesayuba, temenentem madak tashi, aser nisungtem nem temenen nungi tatok agütsüba nungji jungkai adoka angur. Yisui pei sasa Nisung Chir ta jembia aser sayua meimchirtem nem pei taküm agütsüba ajanga parnok temenen nungi nüji agütsü.
Marki Yisu otsüji pa tesayubatem aser pa otem dang nungi pai kechi inyak iba indang ang indang indanga zülu. Yohan Baptitsüba aser Yisu baptiba aser pa atitangba indang tera shisemba dak alaka, pai tanebtsüba aser tesayuba mapa inyakbatem indang Marki zülu. Yisu sülen anitakertemi pa indang tali angateta arudang, ano pa anemertema tali tali adok. Kaket tatemlen Yisu alima nung tatembangba hapta, aser talisa kangki nung angenlokba aser shia aruba indang Mark kaket nung shia angur.
Kaket tatem nung melepzüng o ana alibaji kari zülusemba ta Laishirtemi ashir.
Keta Alibatem
Osangtajung kaket tenzükba 1.1-13
Yisui Galil lima nung lokti tenzükba 1:14―9:50
Galil lima nungi Yirusalemi aoba 10.1-52
Tatembangba hapta Yirusalem aser temeket nung 11:1―15:47
Yisu shia aruba 16.1-8
Shia aruba Kibuba nütsüngtem dangi adoka sayuba aser kotaki atuba 16.9-20
Currently Selected:
MARK OKILA: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.