LUK 3

Yohan Baptitsüba Sayutsüngi

(Mat. 3.1-12; Mar. 1.1-8; Yoh. 1.19-28)

1Kaisar Tiberia chubaba küm terpungububa nung Yihuda nung Pontia Pilat governor alidang, Galil nung Herod tetrark aser pa tenu Filip Iturea aser Trakonita nung tetrark, aser Lusania Abilene nung tetrark alidang, 2temaba putir Ana aser Kaifa mapang, lisem lima azüngmeyakdak lima nung Zakaria jabaso Yohan dangi Tsüngrem o aru. 3Aser pai Yordan meketa aliba linük ajak dangi oa, temenen tatokba asoshi temulung meyipa baptiba indang sayutsüngi. 4#Isa. 40.3 Isaia ainkar kaket nung Zülua aliba ama:

“Arem nung kati ayimtenba ola,

Nenoki Kibuba lenmang renemang,

Pa lentongbang metong metonga yangluang.

5Telemok ajak asüngtsü,

aser tenem aser ungsem ajak ludaktsütsü,

aser tekirak len metong metonga akümtsü; aser küprangküpro lenmang tesüsü alitsüla.

6Aser nisung ajaki Tsüngrem tekümtet angutsü.”

7Anungji pa nem baptidaktsütsü asoshi aruba teloktem dang pai ashi, “Nenok per chirtem, tarutsü aliba terasaba nungi ajentsü nenok dang shibai ashi? 8Anungji temulung meyipba den sütepa tejang tangang, aser Abraham nenok tebu lir ta tebilem, kechiaser ni nenok dang ashir, Tsüngremi item lung nungi Abraham chirtem adokdaktsütet. 9#Mat. 7.19 Tanga süngdong züng nung pu ataloka lir; anungji koba süngdong nung tejang tajung metanglir, aji lepzüker aser aji mi nung enoktsütsü.”

10Idangji teloki pa dang asüngdang, “Süra onoki kechi inyaktsü?” 11Pai parnok dang langzü, “Shiba sü ana aka, makaba nem pai ka agüjang, aser shiba chiyungtsü aka, yamajisa pai inyakdakjang.” 12Aser alimelen sarurtemia pa nem baptidaktsütsü asoshi pa dangi aru aser parnoki pa dang ashi, “Tesayur, onoki kechi inyaktsüla?” 13Aser pai parnok dang langzü, “Alimelen saruba sen ozüng dak alema nenoki tesaru.” 14Temerangertemia pa dang asüngdang, “Süra onokia kechi inyaktsüla?” Pai parnok dang langzü, “Sen angutsü asoshi shinga tekangshi, ano tiyazü agi shinga taitsü, saka nenok pei taa agi temulung chia liang.” 15Aser nisungtemi imla-a alidang, aser nisung ajaki pei temulung nung Yohan indang paji Khrista asü ta asüngdanga alidang; 16Yohani parnok ajak dang langzü, “Atangji ni nenok tzü nung baptitsür, saka kü dang tuluba ka shiba tsüngsem lisü salatsü ni metemsü, pa arudagi, pai nenok Tanela Temeshi nung aser mi nung baptitsütsü. 17Pai pei motsüngnem jungjunga meshitettsü aser pei tsük jendang bendentsü asoshi pa ket nung ber am-a lir, saka kodanga masepba mi nung pai tsüksü rongtoktsü.”

18Tanga o aika agi pai nisungtem ajungshia osangtajung sayutsüngi. 19#Mat. 14.3,4; Mar. 6.17,18 Saka Herod tetrark, pa tedi kinungtsü Herodia mechi, aser Herodi inyakba mapa tamajung ajak indang Yohani arütsü nung 20pai Yohan tsüngden chiokdak puoka ano tamajung madak tamajung inyak.

Yisu Baptiba

(Mat. 3.13-17; Mar. 1.9-11)

21Kodang nisung ajak baptitsü, aser Yisua bapdir külen sarasadema alidang anüngji lapok, 22#Lip. 22.2; TKe. 2.7; Isa. 42.1; Mat. 3.17; Mar. 1.11; Luk. 9.35aser pa dak Tanela Temeshi guduru ka ama alua atem, aser anüng nungi ola ka adoka ashi, “Na kü meimba Jabaso, Ne dak ni temulung kanga achir.”

Yisu Jakzükdak

(Mat. 1.1-17)

23Yisu pei sayutsüngiba mapang tenzükdang arishi küm semer shi liasü, aser pa Yosef chir ta züngshi. Heli chir Yosef, Matat chir Heli. 24Matatji Levi chir, Leviji Melki chir, Melkiji Yana chir, Yanaji Yosef chir. 25Yosefji Matatia chir, Matatiaji Amos chir, Amosji Nahum chir, Nahumji Esli chir, Esliji Nagai chir, 26Nagaiji Maat chir, Maatji Matatia chir, Matatiaji Semein chir, Semeinji Yosek chir, Yosekji Yoda chir, 27Yodaji Yoanan chir, Yoananji Reosa chir, Reosaji Zerubbabel chir, Zerubbabelji Shealteil chir, Shealteilji Neri chir, 28Neriji Melki chir, Melkiji Addi chir, Addiji Kosam chir, Kosamji Elmadam-chir, El-madamji Er chir, 29Erji Yihusua chir, Yihusuaji Eliezer chir, Eliezerji Yoram chir, Yoramji Matap chir, Matapji Levi chir, 30Leviji Simeon chir, Simeonji Yihuda chir, Yihudaji Yosef chir, Yosefji Yonam chir, Yonamji Eliakim chir, Eliakimji Melea chir, 31Meleaji Mena chir, Menaji Matata chir, Matataji Nathan chir, Nathanji Dawid chir, 32Dawidji Yesse chir, Yeseji Obed chir, Obedji Boaz chir, Boazji Sala chir, Salaji Nashon chir. 33Nashonji Aminadab chir, Aminadabji Admin chir, Adminji Arni chir, Arniji Hezron chir, Hezronji Perez chir, Perezji Yihuda chir. 34Yihudaji Yakob chir, Yakobji Isak chir, Isakji Abraham chir, Abrahamji Tera chir, Teraji Nahor chir, Nahorji Serug chir, 35Serugji Reu chir, Reuji Peleg chir, Pelegji Eber chir, Eberji Shela chir, 36Shelaji Kenan chir, Kenanji Arpakshad chir, Arpakshadji Shem chir, Shemji Noa chir, Noaji Lamek chir, Lamekji Methusela chir, 37Methuselaji Enok chir, Enokji Yared chir, Yaredji Mahalalel chir, Mahalalelji Kenan chir, Kenanji Enosh chir. 38Enoshji Seth chir, Sethji Adam chir, Adamji Tsüngrem chir.

Currently Selected:

LUK 3: AONAGABSI

Highlight

Copy